1 कुरिंततोर 6:15 - माडिया गोंड पवित्र सास्त्रम

¹⁵ मीवाङ मेंदुस्क किर्स्तुना संगे जोळेम आस मन्ह्‌ताङ, पुनविरा? अद्रम मनदह्‌पा, अव मेंदुस्किन बोगे आस्कना संगे जोळे कीयनद ओप्पिह्‌ताया? मुर्तिय ओप्पो!

1 कुरिंततोर 6:15 Referans Kwoze

इपिसुसतोर 5:30

माट सबेटोरल किर्स्तुना मेंदुलतोरल, अदिनेनाह्‌क किर्स्तु माक अय कीस्तोग़.

रोम सहरतोर 12:5

अद्रमे माट विस्वसिरल वने, वेल्‍लाटोरल मतेक तेला, किर्स्तुना संगे जोळेम आताह्‌कु, उंदिय मेंदुलता लेह्‌का आतल. अहे माट ओर्विह्‌क-ओर्वोग़ वने, तुंडिस मतप लेह्‌का मह्‌नल.

कुलुसितोर 2:19

(बेद्रम तला मेंदुलतुन ताकिह कीस्ता, अद्रमे किर्स्तु माक विस्वसिरिन ताकिह कीस्तोग़.) अविङ, सीराङ, पूरा मेंदुलतुन जोळे कीस तासिह्‌ताङ, ओसो अद्रमे मेंदुलताङ कय्क-काल्क बाताङ, ऐंगेन बेर्सिह्‌ताङ वने. अद्रमलेह्‌काने माट विस्वसि मन्कलोरल, ओर्विह्‌क-ओर्वोग़ तुंडिस मह्‌नल. ओसो देवुळता देय्वा दोर्कताह्‌कु, ऐंगेन बेर्सिह्‌नल. मति जोल काग़्हवालोरु, मावा तलालेह्‌काडोग़ किर्स्तुनाङ केंजवाह्‌कु, मावोर आयोर.

1 कुरिंततोर 12:27

अद्रमलेह्‌काने मीट सबेटोरिर कलियिस, किर्स्तुना मेंदुदा लेह्‌कान मह्‌निर. ओर्वोग़-ओर्वोग़ मन्जि, ओनाङ कय्क-काल्कना लेह्‌कान मह्‌निर.

1 कुरिंततोर 11:3

मति ओसो उंद पोल्‍लो मन्ह्‌ता, इदिन मीट पुन्ह्‌टु: किर्स्तु इतेके ओर्वोग़-ओर्वोग़ कोय्तोना तलालेह्‌का आंदोग़, कोय्तोग़ बारा आंचाना तलालेह्‌का आंदोग़, अहे देवुळि बार किर्स्तुना तलालेह्‌कान आंदु.

इपिसुसतोर 5:23

बाराह्‌क इतेके, तला मेंदुलतुन ताकिह कीतप लेह्‌का, किर्स्तु विस्वसिरा मुडुन ताकिह कीस्तोग़. अद मुडुन पिसिह वन कीतोग़ ओग़े. मुजो वने तनमुतेना तलालेह्‌कान मन्ह्‌तोग़.

लूकाल 20:16

ओग़ वासि ओर अद वाळुमतुन कयदे कीतोर सबेटोरिन हव्कनोग़. अह कीसि अद वाळुमतुन दुस्रोरा कयदे ईयनोग़,” इनजोर वेहतोग़. इद पोल्‍लो केंजिसि, अगा मतोर केंजवालोर “अद्रम बेस्केन आयमाकि!” इनजोर इतोर.

गलातितोर 6:14

नाक बार अद्रमता दुनियातोरा कदर मुर्तिय गावल आयो; मति नना हव्कनागुटातगा हातोग़ सामि येसु किर्स्तुन नमवानन इन्जिये पोग़यिह्‌नन. अद हव्कनागुटातेनाह्‌के, इद दुनियाताङ पोल्‍लोङ नाक पट अरवोङ, अहे नावा ताकमुळि दुनियातोरिह्‌कु पट अरवो.

गलातितोर 3:21

अह इतेके मोसानाङ अडोङ, देवुळ विळ्सतव पोल्‍लोना विरुद मन्ह्‌ताङा? अद्रम मुर्तिय आयो! माक पिसिह कीया पग़यह्‌ता, इद्रमता बेदाय अडो मतेके, निटमे अडोन नोमिसिये, माट सेतेमतोरल आवेरल.

गलातितोर 2:17

पया किर्स्तुन विस्वस कीसि, माट सेतेमतोर आयलाह ऊळिह्‌नल, (अह आसि माट किर्स्तुन विस्वस केवालोरल, दुस्राङ जातिनोरा संगे उदना-तेदना कीय्ह्‌नल. इद्रम कीसोर मनाह्‌कु,) लोकुर माकु पाप्यहलोर इन्ह्‌तोर इतेके, बह किर्स्तु पापमतुन बोल्गिह कीयलाह वातोग़ इनजोर इह्‌निना? अद्रम मुर्तिय आयो!

1 कुरिंततोर 6:13

मीट उच्वुरिर इह्‌निर, पोटातेनाह्‌क तिंडि मन्ह्‌ता, तिंडटेनाह्‌क पोटा मन्ह्‌ता, मति देवुळि इव रेंडिन आसि मायिह कीयग़ा, इह्‌निर. (अदिह्‌क इद बूमतगा मनेके, माक बेदिनाय तिनदलाह पोलिह्‌ता इनजोर इह्‌निर. अद तिनदनद तिंडटा लेह्‌काने, मावा मेंदुदे वने साट्याल कबळ कीयनद पोलिह्‌ता इनजोर, मीट मुर्तिय विचर केमाटु.) मावा मेंदुलि साट्याल कबळ कीयलाह आयो, मति सामिन माळना इन्जि, पंडटद मन्ह्‌ता. (अहे ओसो सामि मावा मेंदुलतगा जागा आयलाह ऊळिह्‌तोग़.)

रोम सहरतोर 7:13

अह इतेके, इव बेसताङ अडोङ नाक डोलनाह कीस्ताङा? अद्रम मुर्तिय केवोङ! नावा पापम बुदिये बेसताङ अडोना मेटे, नाक हामुरता अग़देके ओसीता. इद्रमलेह्‌का देवुळताङ अडोङ, नावा पापम बुदतुन पुन्पिह कीताङ; ओसो पापम बेचोन लाग्वा मन्ह्‌ता इनजोर तोहताङ.

रोम सहरतोर 7:7

नना इचोन वेहतस्के, मोसानाङ अडोङ ओसो पापमि, इव उंदिय पोल्‍लो इनदनाया? आयो, मुर्तिय आयो! सास्त्रमतगा अडोङ रासतव लेवेके, नना पापमतुन पुनोन आवेनन.दुस्रोना मालसोमतगा कोंडा कीयनद आयो इनजोर, मोसाना अडो उकुम एवेके, कोंडा कीयनद पापम इनजोर, नना बह पुनेनन?

रोम सहरतोर 6:15

इंजेके देवुळता दया माक दोर्कताह्‌कु, मोसानाङ अडोङ वेहतप, माक ताक पोयो. अदिनेनाह्‌क इंजेके माट पापम कीतेक बाताल आयो इनदा पग़यह्‌नला? आयो, अद्रम मुर्तिय आयो.

रोम सहरतोर 6:2

मति नना वेहेनन, अद्रम मुर्तिय विचर कीयना आयो! माट सबेटोरल येसु किर्स्तुना संगे जोळेम आतल इनजोर तोहतलाह, ओना पेदिरते एतगा मुळ्न्दिस तेदतल. अस्केने माट ओना संगे डोलतप लेह्‌का आतल. अहे ओना संगे गुमयातगा मिसतप लेह्‌का आतल. इद पोल्‍लोतुन माग़्ङतिरा? ओसो देवुळबाबाल तना बेरा डीसाते, किर्स्तुन हामुरतग्डाहि जीवा अर्हतप लेह्‌का, माट वने इंजेके पूना पिसमुळते ताक पग़यह्‌नल. अदिनेनाह्‌क पापम कीयनदिना लोप्पा ऊळतेके, माट इंजेके डोलतप लेह्‌का मह्‌नल. इतेके पापम बेद्रम कीसोरेन मनदकल?

रोम सहरतोर 3:31

अह इतेके, माट अडोन माग़्ङतप लेह्‌का आतला? आयो! विस्वस कीतेकेने, देवुळता जीवा माकु अडोङ वेहतप ताकिह कीस्ता.

रोम सहरतोर 3:6

मति अद्रम इनदनद पका बय्तळ पोल्‍लो आंदु! देवुळि सेतेमते नेयम केवेक अचोन, पूरा बूममेटोरा बेद्रम नेयम कीयग़ा?

1 कुरिंततोर 6:3

माट पोग़ोटाङ देवतुल्कना इंका बेरा नेयम कीकल इनजोर पुह्‌निर. इतेके दिनमताङ पोल्‍लोना कट्लातुन बह नेयम कीसीया पग़विर?

1 कुरिंततोर 6:17

मति बोग़ सामिना संगे जोळेम आतोग़, ओना जीवा, सामिना जीवा उंदिये!