1 कुरिंततोर 6:11 - माडिया गोंड पवित्र सास्त्रम

¹¹ मीवा मुडग्डाहि उच्वुर मन्कलोरिर मुने अद्रमे मतिर. मति येसुसामि किर्स्तु मयेनाह्‌क डोलताह्‌कु, मावा देवुळि तना जीवाते मीवा जीवातुन नोग़ता, नोग़्सि मीक तनेनाह्‌क एग़िह कीता, सेतेमतोर कीता.

1 कुरिंततोर 6:11 Referans Kwoze

1 कुरिंततोर 1:30

मति देवुळि मीक किर्स्तु येसुना संगे जोळे कीता. किर्स्तुना मेटे माट देवुळतुन पुनदनद बुदि दोर्किह कीतल. किर्स्तुना मेटे माक देवुळ सेतेमतोर कीता, पवित्र मन्कलोर कीता. किर्स्तुये माक पापमता सिक्साताहि विळ्सिह कीतोग़.

1 कुरिंततोर 1:2

कुरिंत सहरते मनवालोरिर मीक देवुळता मुडुह्‌क सीटि रासलाह आतन. देवुळि मीक किर्स्तु येसुना संगे जोळे कीसि, तनेनाह्‌क अलग कीता. तना मन्कलोर आयलाह आचता. पूरा बूमतगा मावा येसुसामि किर्स्तुन मोळ्कवालोर, सबेटोर मन्कलोरिन वने, अद्रमलेह्‌काने आचता. येसु किर्स्तु ओरा वने, मावा वने सामिये.

बळयिर 22:16

इंजेके निमा आल्सेम केमा. अले तेदिसि, येसुना पेदिरते एग़ मीयना रिवज कीम; ओना पेदिर पोस केयिस, पार्तना कीम. अस्के ओग़ नीवा पापमतुन नोग़यनोग़,’ इनजोर इतोग़. (अस्के नना येसुना पेदिरते एग़ मीतन.)

रोम सहरतोर 8:30

बोर-बोरिन आचता, ओरिन तना अग़दे ताकलाह, केयता वने. बोर-बोरिन केयता, ओरिन सेतेमतोर कीता वने. बोर-बोरिन सेतेमतोर कीता, ओरिह्‌क पका मान ईयग़ा वने.

1 पत्रु 1:2

देवुळ आचतोर लोकुरिह्‌कु रासिह्‌नन. मावा देवुळबाबाल मीक मुनेने आचिसि, तना पवित्र जीवाता मेटे, मीकु तना पवित्र लोकुर कीतोग़. बाराह्‌क इतेके, मीट येसु किर्स्तुना पोल्‍लो केंजिसि ताकना, ओसो हव्कनागुटातगा मियेनाह्‌क पोवतद ओना नेतुरते, मीवा पापम एडना इन्जिये, देवुळ मीकु आचता. देवुळताहि मीकु लेकालेवा सुकमि, देय्वा दोर्कसोर मनि!

इब्रितोर 10:22

मावा जीवा माक कसुर तोहवा, मावा जीवातगा किर्स्तुना नेतुर इल्ह्‌कतप लेह्‌का आता. माट पवित्र एते बिळबिळ एग़ मीतप लेह्‌का आतल. इव सबे पोल्‍लोन पुन्जि, मावा विस्वस मेग़्किस मन्जि, माट पूरा जीवाताहि देवुळता एरे अनिङ.

इपिसुसतोर 5:26

ओरिन एग़लेह्‌काडा तना पोल्‍लोते एडिह कीस, तनेनाह्‌क एग़िह कीयलाहि,

इपिसुसतोर 5:8

मुने मीट ईकळते मतप लेह्‌का ताकिंदिर, मति इंजेके मीट सामिना लोकुरिर आताह्‌कु, देवुळता वेह्‌च मियगा मन्ह्‌ता. अदिनेनाह्‌क वेह्‌चतगा मनवालोरा लेह्‌कान ताकाटु.

बळयिर 26:18

ओरिन ईकळताहि देवुळता वेह्‌चतगा वायनदु,देयमदीपता लावताहि देवुळतके वायनदु, अग़ तोहतलाह नीक लोहतह्‌नन. ओर नाक विस्वस कीतेके, ओरा पापमता मापि आयग़ा, अहे देवुळ आचतोर लोकुरा संगे ओरिह्‌क जागा दोर्कग़ा,’ इनजोर इतोग़.

रोम सहरतोर 8:33

देवुळिये माक आचिसि सेतेमतोरिर इन्ह्‌ता. इतेके मन्कलोर मावा पोग़ोन कसुर वाटटेकाय, बाताल आयो.

रोम सहरतोर 5:1

मावा विस्वसतेनाह्‌कु, देवुळि माक सेतेमतोर कीता इनजोरे, मावा किर्स्तु येसुसामिना मोकतेनाह्‌कु, माट देवुळता संगे गूनम आतल.

2 तिसलुनितोर 2:13

मति मावोर विस्वसिरिर, सामि जीवा कीतोरिर! मीट पवित्र जीवाता मेटे सिरसिर आसि, सेतेम पोल्‍लोतुन नमिसि पिसना इन्जि, देवुळि मुनेताहि मीक आचता. अदिनेनाह्‌क मीवासाटि माकु देवुळतुन अमेसा जोहर कीयलाह ओप्पिह्‌ता.

बळयिर 13:39

मोसानाङ अडोङ माळतेके, मीकु पापमताहि मापि दोर्को आयग़ा. मति सबेटोर येसुन विस्वस केवालोरिह्‌के, तमा पापमताहि मापि दोर्कग़ा.

गलातितोर 3:11

इंजेके बोर देवुळतुन नमिसि, सेतेमतोर आयलाह ऊळिह्‌तोर, ओरे पिसनुर, इन्जि सास्त्रम वेहतह्‌ता. अदिनेनाह्‌कु अडोन नोमवालोरगा ओर्विन वने, देवुळि सेतेमतोग़ इनो, इद्रम सबेटोरिह्‌क दिसिह्‌ता.

तोहचीतव पोल्‍लोङ 7:14

इतस्के, “नना पुनोन बाबा, निमान वेहा” इतन. इतस्के ओग़ इतोग़, “वेर मन्कलोर पकाय गोसा आतोर; मति आक्रि एवनाह आपिस वातोर. गोरेपिलाता नेतुरता मेटे, वेर सिर्तम आसि, डागिललेवोर आतोर.

गलातितोर 2:16

इंजेके मोसानाङ अडोन माळतेक आयो, मति किर्स्तुना पोग़ोन विस्वस तासतेकेने, देवुळि माकु सेतेमतोर इन्ह्‌ता. बह इतेके अडोन माळताह्‌कु, बोग़े देवुळता मुनेह सेतेमतोग़ आयोग़ इन्जि, सास्त्रम वेहतह्‌ता. अडोन माळतेक आयो, मति येसु किर्स्तुना पोग़ोन विस्वस तासतेकेने, देवुळि मन्कनु सेतेमतोग़ इन्ह्‌ता इन्जि पुताह्‌कु, माट यहुदि विस्वसिरल इंका किर्स्तु येसुना पोग़ोन विस्वस कीतल.

1 कुरिंततोर 12:2

मीट बेस्के देवुळतुन पुनवा मतिर, अस्के अलग-अलग रीतिने, वळ्ह्‌क पुनवव बोमानके लेससोर मतिर, इदिन मीट पुतिरे.

इब्रितोर 2:11

माट पापि मन्कलोरिन, येसु पूरा पवित्र कीतोग़. कीताह्‌कु ओना बाबाल, मावा वने देवुळबाबाल आतोग़. अदिनेनाह्‌क नावाङ तमोर-एलास्क इनजोर माक इनदलाह, येसुह्‌क लजा वावो.

गलातितोर 3:24

इतेके किर्स्तुन नमिसिये माट सेतेमतोरल आयना इन्जि, ओग़ वानाह्‌जोम, अडोङ इतेके माक ओर्वोग़ ऊळेवाळे केवानलेह्‌काने आंदुङ.

रोम सहरतोर 5:9

मुने माट पापिरल मन्जाय मति, देवुळि अचोन जीवा कीसि, माक पिसिह कीता. मति इंजेके किर्स्तु मयेनाह्‌क नेतुर पोहच डोलताह्‌कु, माट देवुळता मुनेह सेतेमतोरल आतल. अदिह्‌क देवुळि निटमे, माक तना मारेंगा सिक्साताहि पिसिह कीयग़ा.

रोम सहरतोर 3:24

किर्स्तु येसु मन्कलोरिन पापमताहि विळ्सिह कीतोग़, इद्रम देवुळि तना दयाते, मन्कलोरिन सेतेमतोर कीस्ता. इद पोल्‍लोतेनाह्‌क, मन्कलोर देवुळतुह्‌क बाताले ईयना गर्ज इले.

1 पत्रु 3:21

अद पोल्‍लोता लेह्‌काने, इंजेके (मीटु विस्वसिर आतिर अस्के,) येसुना पेदिरते एग़ मीताह्‌कु, बेद लावते देवुळि येसु किर्स्तुनु हामुरताहि जीवा अर्ह्‌ता, अदे लावते मीट पिसिह्‌निर. इद बेद्रमता इतेके, मेंदुदा माच एडग़ा इनजोरे, मीयनद आयो; मति नावा जीवा कसुरलेवप आयि इन्जि, पूरा जीवाताहि देवुळतुन ताल्ह्‌कनद आंदु.

1 पत्रु 1:22

येसुना सेतेमता कबुरतुन केंजिस ताकताह्‌कु, मीटु पापमताहि एडटिर. अदिह्‌कु मीटु ओर्विह्‌क-ओर्वोग़ सेतेमते जीवा कीया पग़यह्‌निर. अद्रमे इंजेके मीवा लेह्‌का विस्वसिर आतोरिन, मीटु पूरा जीवाताह जीवा कीम्ह्‌टु.

गलातितोर 3:8

इंजेके विस्वसतुह्‌के, सबे जातिनोर सेतेमतोर आयना इन्जि, मुनेताहि देवुळता विचर मता. मताह्‌कु, अद अब्रहम मुय्तोनु मुनेने इद बेसता कबुर वेहता, सबे जातिनोरिह्‌कु नीवा मेटे बर्कत दोर्कग़ा, इद्रम सास्त्रमते रासतद मन्ह्‌ता.

रोम सहरतोर 4:5

अद्रमे बोग़े मन्कल बेसताङ कबस्क कीसि, (कमय कीतप लेह्‌का, देवुळता मुनेह) सेतेमतोग़ आया पग़वोग़. मति लाग्वोरिन सेतेमतोर कीयनद देवुळतुन नमिस, ओन्क ताक पोयतग़ा. अस्केने देवुळि ओन सेतेमतोनिन इन्ह्‌ता.(इतेके ओन्क कूलि ईयना लेह्‌का आयो, मति दर्मम कोताङ ईयना लेह्‌का आस्ता.)

लूकाल 18:14

पया ओर इर्वुरग्डाहि, सिद्‌वा एनवाले देवुळता मुनेह सेतेमतोग़ आसि लोन अतोग़. मति परुसि सेतेमतोग़ आयोग़. बाराह्‌क इतेके, बोग़ तन्क बेरोनन इन्ह्‌तोग़, देवुळि ओन उड्लोग़ कीस्ता. मति बोग़ तन्क उड्लोनन इन्ह्‌तोग़, देवुळि ओन बेरोग़ कीस्ता,” इद्रम वेहचि पीटोतुन येसुसामि मारिह कीतोग़.

योहन 13:10

“आयो, बोग़ एग़ मीस पूरा एडटोग़, ओन्क काल्किन विळ्सिस, दुस्रा बेदिन नोग़यलाह गर्ज इले. अद्रमे मीट जीवाते एडटिर, तेला मति कतमतोरिर एडविर,” इन्जि येसु इतोग़.

योहन 13:8

“आयो, आयो, निमा नावाङ काल्किन मुर्तिये बेस्केन नोग़मा!” इन्जि पत्रु इतोग़. अस्के येसु इतोग़, “नना नीवाङ काल्किन नोग़वेके, नीक नयगा जागा दोर्को आयग़, रा!” इतोग़.

इब्रितोर 10:29

मोसानाङ अडोनु पास्कतेक, अद्रम आस्ता इतेके, देवुळता मग़िनु तना कादे विह्‌कतप लेह्‌का केवाल, पूना करलते माक पवित्र कीयनद किर्स्तुना नेतुरतुनकळ्‍वोग़ इनवाल, तन्क दया तोहतनद देवुळता जीवातुन उस्कना-पास्कना केवाल, इद्रमतोग़ मन्कह्‌क बेचोन सिक्सा दोर्कग़ा?(विचर कीस ऊळाट अले!)

1 योहन 2:12

ए पेकोरिर, येसु किर्स्तुना मेटे, मीवा पापमता मापि आता इन्जि, मीक इव पोल्‍लोङ रासलाह आतन.

मत्याल 20:4

‘मीट वने नावा अंगुर वाळुमतगा कबळ कीयलाह अन्ह्‌ट रा! नना मीकु बेद बूत ओप्पिह्‌ता, अद ईकन,’ इन्जि माल्काल इतोग़. अह इताहे पया ओर वाळुमतगा अतोर.