1 कुरिंततोर 4:15 - माडिया गोंड पवित्र सास्त्रम

¹⁵ मीट किर्स्तुन विस्वस कीतोरिर, मीक दहा अजर्क काग़्हवालोर गूरुर मनेर, तेला मति वेल्‍लाटोर तपेर इलेर. बाराह्‌क इतेके, मुने ननाय मियगा किर्स्तु येसुना बेसता कबुर तताह्‌कु, मीट ओना संगे जोळेम आतिर. अदिनेनाह्‌क ननाय मीवा तपेना लेह्‌का आतन.

1 कुरिंततोर 4:15 Referans Kwoze

गलातितोर 4:19

इंगो रा, इह केंजाट बाबा, किर्स्तुना बुदि मियगा पुटनाह्‌जोम, रिकम आयनद मग़तलिना पोटातगा आतप लेह्‌का, नावा पोटातगा मळमळ आस्ता.

1 कुरिंततोर 3:10

देवुळि नाक तना देय्वाते ईतद बुदता इसबते, बेस तेल्वतोग़ बेल्दर जोता दोहतना लेह्‌कान, नना मुने मीक किर्स्तुना पोल्‍लो वेहतन. दुस्रोर मन्कलोर बार ताना पोग़ोन तेहचोर दायना लेह्‌का, मीक काग़्हतह्‌तोर. मति ताना पोग़ोन तेहचोर अनवाल मन्कल, तना बेद रीतते दोहतह्‌तोग़ इनजोर, उसरते सीता कीयना गावले.

1 कुरिंततोर 9:23

बेसता कबुर मतपु नावा ताकमुळ आयि इनजोर, बेसता कबुरतासाटि सबे कीय्ह्‌नन.

1 कुरिंततोर 9:14

अद्रमलेह्‌काने किर्स्तुना बेसता कबुरतुन पोकुर केवालोरिह्‌क, अद कबुरतुन केंजिसि विस्वस केवालोर तीहतना इनजोर, सामिना उकुम मन्ह्‌ता.

1 पत्रु 1:23

येसुना कबुर केंजिस नमताह्‌कु, इंजेके मीटु पूना पुटटप आतिर. तलोग़-तपेराहि पुटटद जीवा डोलिह्‌ताये; मति देवुळता अमेसा मनदनदु बेस्केन मिळ्न्दवदु पोल्‍लो केंजताह्‌कु, माक पूना जीवा दोर्कता, अद बेस्केन डोलो.

याकुब 1:18

माटु देवुळता सेतेमता कबुरता मेटे, पूना पुटमुळ दोर्किह कीतल. इद्रम आयि इनजोर, देवुळि मुनेन विचर कीस मता. अद विचर मतपु, इद बूमतगा पुटिह कीतव सबेटविनग्डाह, मुने माके पूना जीवा ईसि, तनेनाह्‌क अलग कीस तासता.

पिलेमोन 1:19

नना नीक निहच ईय्ह्‌नन इनजोर, नना पोलुनन नावाय कयदे रासिसि करल कीय्ह्‌नन. मति उंद पोल्‍लो माग़्ङमा, (नना पोकुर कीताह्‌कु, निमा किर्स्तुन विस्वस कीसि, पूना पिसमुळतुन दोर्किह कीतिन. अदिनेनाह्‌क) निमाने नाक करा मह्‌निन.

2 तिमोति 4:3

बह इतेके, वायनाङ दियाने सेतेम पोल्‍लोतुन, मन्कलोर केंजोर आयनुर. मति तमाय विचरतेनाह्‌क, तमाङ केव्किह्‌क बेद पोल्‍लो केंज वसिह्‌ता, अद पोल्‍लो काग़्हवालोर वेल्‍लाटोर मन्कलोरिन, तमगा जमा कीयनुर.

1 कुरिंततोर 9:18

पया नावा बूत बातालि? नावा अदिकरतुन पोहचि, किर्स्तुना बेसता कबुरतुन पुनेमते पोकुर कीय्ह्‌नन इन्जि, नाक पोग़यलाह दोर्किह्‌ता. अदे नावा बूति.

1 कुरिंततोर 9:12

किर्स्तुनाङ दुस्रोर सेवकिर मीवाङ कोतान तिनदलाह, मावा अदिकर मन्ह्‌ता इन्ह्‌तोर. ओर अद्रम आस्तोर इतेक, ओरिह्‌काय वीळिसि माक पकाय अदिकर मन्ह्‌ता. तेला मति मीवाङ कोताना अग़ ऊळिस मनोम. किर्स्तुना बेसता कबुरतुन नमलाह एग़्कुळ आयनदायो इनजोर, माट सबे तिपल्किन आपिसि, केमेन मह्‌नोम.

1 कुरिंततोर 3:6

बह इतेके, (मीट विस्वसिरिर पोर्ह्‌काना लेह्‌कान मह्‌निर.) नना वीतवाना लेह्‌कान, कबळ सुरु कीतोनन; अपुलोस पेग़्के एग़ अर्हतोना लेह्‌कान, (मीक येसुनाङ पोल्‍लोन कग़यलाह साय्ता) कीतोग़. मति मीक बेर्सिह कीतद इतेके देवुळिये!

रोम सहरतोर 15:20

इद्रमलेह्‌का बेसता कबुरतुन ओयह्‌पा, (किर्स्तुना पोल्‍लोतुन मुनेन मुर्तिय केंजवोरगा दायलाह विचर कींदन.) दुस्रोग़ दोहतद जोतातगा नना लोन पंडनद ओप्पो, अद्रमलेह्‌का दुस्रोर पोकुर कीतद नाटेनगा दायलाह, नाक विचर वावो.

1 कुरिंततोर 1:30

मति देवुळि मीक किर्स्तु येसुना संगे जोळे कीता. किर्स्तुना मेटे माट देवुळतुन पुनदनद बुदि दोर्किह कीतल. किर्स्तुना मेटे माक देवुळ सेतेमतोर कीता, पवित्र मन्कलोर कीता. किर्स्तुये माक पापमता सिक्साताहि विळ्सिह कीतोग़.

1 कुरिंततोर 3:8

वीतवाल वने पंटा पंडि इनजोर वीतिह्‌तोग़, एग़ अर्हवाल वने पंटा पंडि इनजोर एग़ अर्हतह्‌तोग़. इद्रम ओर्वोग़-ओर्वोग़ मन्कह्‌क, आपुना-आपुना कबळता इसबते, बूति दोर्कग़ा.

1 कुरिंततोर 9:16

किर्स्तुना बेसता कबुरतुन पोकुर कीयलाह आतन इनजोर, नना पोग़यसोर तिरिय पग़वोन. अद कबळतुन देवुळि नावा पोग़ोन वाटटा, नाक तान कीयाय पोयह्‌ता. केवेक अचोन देवुळि नाक पकाय सिक्सा ईयग़ा.

1 कुरिंततोर 15:1

मावोर विस्वसिरिर! नना मियगा पोकुर कीतद किर्स्तुना बेसता कबुरतुन, इंजेके ओसो सीता कीसीयलाह आतन. अद कबुरतुन मीट केंजिस नमतिर. ताना पोग़ोन विस्वस तासिसि, इंजेके निच मह्‌निर.

2 कुरिंततोर 4:5

अदिह्‌क येसु किर्स्तुये सामि आंदोग़ इनजोर, माट पोकुर कीय्ह्‌नोम, मावाय लोप्पाडा पोल्‍लोतुन केवोम. माट इतेके ओना पोल्‍लो केंजताह्‌कु, मीवाङ सेवकिरोम आंदोम.

गलातितोर 3:24

इतेके किर्स्तुन नमिसिये माट सेतेमतोरल आयना इन्जि, ओग़ वानाह्‌जोम, अडोङ इतेके माक ओर्वोग़ ऊळेवाळे केवानलेह्‌काने आंदुङ.

गलातितोर 3:25

पया विस्वसता कालम वातस्के, इंजेके ऊळेवाळे केवाना इळ्न माट इलवल.