1 कुरिंततोर 4:14 - माडिया गोंड पवित्र सास्त्रम

¹⁴ मीवा लजा रेहतलाह, इव पोल्‍लोन रासोन. मति नना जीवा कीतोर पिलाङ-पेकोरिर इनजोर, मीक बुदि काग़्हतलाह आतन.

1 कुरिंततोर 4:14 Referans Kwoze

1 तिसलुनितोर 2:11

देवुळि मीकु तना राजेमतोर मन्कलोर कीयलाहि, तना डीसातगा काल्ह्‌पलाहि केयलाह आता. अदिनेनाह्‌क तान्क विचर वानाह ताकाट इनजोर वेहतोम. वेहचि, तपे तनाङ पिलाङ-पेकोरिन कीयना लेह्‌कान, मीवा ओर्वोग़-ओर्वोग़ मन्कना जीवातुह्‌क दीरा ईसोर, बुद काग़्हचोर, तेळियिह कीसोर मतोम, इदिन मीट पुतिरे.

3 योहन 1:4

नावाङ पेकोर सेतेमते ताकसोर पिसलाह आतोर इनजोर केंजिसि, नावा जीवातुह्‌क बेस गिर्दा आता. बेदे दुस्रा पोल्‍लो तान्काय वीळिस नाक गिर्दा एवो.

1 कुरिंततोर 9:15

(नाक तीहाट इनजोर मीक वेहतलाह,) नाक अदिकर मन्ह्‌ता. मति नना इचानाह बोने अद्रम इनोन. इंजेक मन्कलोर नाक तीहिर इनजोर वने, इव पोल्‍लोङ रासोन.(कोताङ एनवालेवा सामिना कबळ कीतन इनजोर,) नना निटम पोग़यसोर तिरियलाह आतन. बोग़ाय नना पोग़यनद पोल्‍लोतुन मायिह कीयना बद्ला, नना डोलतेक तेला बेसु.

1 कुरिंततोर 4:15

मीट किर्स्तुन विस्वस कीतोरिर, मीक दहा अजर्क काग़्हवालोर गूरुर मनेर, तेला मति वेल्‍लाटोर तपेर इलेर. बाराह्‌क इतेके, मुने ननाय मियगा किर्स्तु येसुना बेसता कबुर तताह्‌कु, मीट ओना संगे जोळेम आतिर. अदिनेनाह्‌क ननाय मीवा तपेना लेह्‌का आतन.

1 तिसलुनितोर 5:14

मावोर विस्वसिरिर! ओसो उंद पोल्‍लो वेहतह्‌नन: कबळतुह्‌क लंडालोरिन बुदि काग़्हाटु, आरेम आतोरा जीवातुह्‌क दीरा ईम्ह्‌टु, विस्वसते मेग़्कवोरिह्‌क तोळ ईम्ह्‌टु, सबेटोर मन्कलोरा संगे ओङ आयवा मन्ह्‌टु.

कुलुसितोर 1:28

ओग़े किर्स्तुन माट सबे जातिनोरिह्‌क, पोकुर कीयलाह आतोम. किर्स्तुना संगे तुंडिस मनवालोर सबेटोरिन किर्स्तुनगा बेस विस्वसते मेग़्किह कीसि, देवुळता मुनेह निल्पिह कीयना इनजोर, माटु देवुळ ईतद बुदते सबेटोरिन काग़्हतह्‌नोम, सुद्रे कीय्ह्‌नोम.

2 कुरिंततोर 12:19

मयगा कसुर इले इन्जि, मीक तोहतलाह इचोन वेहतोम इनजोर, विचर कीय्ह्‌निरा? अद्रम आयो! माट इतेके देवुळता मुनेह, किर्स्तुना अदिकरते वळ्ह्‌कलाह आतोम. नावा गोततोरिर! माट बाताल कीय्ह्‌नोम, अद सबे मीवा विस्वस बेर्सना इनजोर, कीयलाह आतोम.

2 कुरिंततोर 11:11

नना मियगा बोनाय पोग़ोन मोता वाटोन इनजोर, मीक जीवा केवाह्‌क इह्‌नना? अद्रम आयो! मीक जीवा कीय्ह्‌नन इन्जि, देवुळिये पुन्ह्‌ता.

2 कुरिंततोर 7:3

मीट माक इद्रम इतिर इनजोर, नना मीक कसुर वाटोन. नना मुनेन वेहतपु, मीक इचोन जीवा कीय्ह्‌नोम इतेके, हातेकाय पिसतेकाय, माट मीवा ऐंगेन मह्‌नोम.

1 कुरिंततोर 15:34

इव पोल्‍लोना लोप्पा पुन्ज मन्ह्‌टु. देवुळतुह्‌क विचर वातप बेस बुदते मन्ह्‌टु, पापम कीयनद विळ्साटु. मीक लजा वानाह उंद पोल्‍लो इह्‌नन, मियगा उच्वुर मन्कलोरिर देवुळतुन इंका पुनविरे.

1 कुरिंततोर 6:5

मीक लजा वायि इनजोर, इद्रम वेहतलाह आतन! विस्वसिरा कट्लातुन बेस-नेह्‌ना नेयम कीसीयलाह, बुदतोग़ मन्कल मीवा मुडगा बोग़े इलेग़?

बळयिर 20:31

अदिह्‌क उसरते मन्ह्‌टु! नना मूंड वर्साङ मीकु नग़्का पिळ्‍विळ पियल-पोळ्‍दु, वग़ोग़-वग़ोग़ मन्कन, कनिर पोहच बुद काग़्हचोर मतदिन सीताते तासाटु.

1 कुरिंततोर 4:17

इदे पोल्‍लोतेनाह्‌क नना तिमोतिन मियगा लोहतन. ओग़ नावा जीवा कीतोग़ मग़ना लेह्‌कान आतोग़. ओग़ किर्स्तुना सेवाते, मुर्तिय नाळेह केवोग़. किर्स्तुना अग़दे नना बेद्रम ताकलाह आतन इनजोर, ओग़ मीक सीता अर्हचीयनोग़. नना सबे जागाने, सबेटोर विस्वसिरा मुडोरगा वने, अवे पोल्‍लोन काग़्हतह्‌नन.

2 तिसलुनितोर 3:14

इद सीटटे माट रासतद पोल्‍लोतुन बोग़ाय केंजवेके, ओन ऊळिस मन्ह्‌टु, ओन्क लजा वानाह ओना संगे कलियमाट.

पिलेमोन 1:10

(नीवा वित वातोग़ ओर्युलतोग़) उनेसिमुसना लोप्पा, नीक अर्जि कीयलाह आतन; ओग़ नावा मग़ना लेह्‌का आतोग़. नना इगा जेलते मनदह्‌पा, ओग़ विस्वस कीताह्‌कु, नना ओना तपेना लेह्‌का आतन.

1 योहन 2:1

ए पेकोरिर! मीट पापम केमाटु इनजोर, इव पोल्‍लोन नना मियेनाह्‌क रासलाह आतन. मति मयग्डाह बोग़ाय पापम कीतेके, माकु देवुळबाबाना संगे गूनम केवाल ओर्वोग़ तोळतोग़ मन्ह्‌तोग़. ओग़े सेतेमतोग़ येसु किर्स्तु आंदोग़.