1 कुरिंततोर 2:14 - माडिया गोंड पवित्र सास्त्रम

¹⁴ मति बोग़ु मन्कना बुदते ताकिह्‌तोग़, ओग़ देवुळता जीवाताङ पोल्‍लोन केंजोग़. ओग़ अव पोल्‍लोन बुदलेवव पोल्‍लोङ इन्ह्‌तोग़. बाराह्‌क इतेके, देवुळता जीवातेने, अव पोल्‍लोन बेस-नेह्‌ना पर्ह्‌किस ऊळनदु. ओग़ अद्रम केवाह्‌कु, अविस्किन पुनदा पग़वोग़.

1 कुरिंततोर 2:14 Referans Kwoze

1 कुरिंततोर 1:18

मन्कलोरिन पिसिह कीयलाहि, किर्स्तु हव्कनागुटातगा डोलतद पोल्‍लोतुन, अद तेल्वलेवद पोल्‍लो इनजोर, विस्वसलेवोर बूळेम आयवालोर इन्ह्‌तोर. देवुळि पिसिह कीतोरल माट बारा, अद पोल्‍लोतगा देवुळता पिसिह कीयनद लाव मन्ह्‌ता इनजोर इह्‌नल.

1 योहन 2:27

मति मीवा जीवातगा इतेके, येसु किर्स्तुना मेटे दोर्कतद देवुळता पवित्र जीवा मन्ह्‌ता. अदिनेनाह्‌क बोग़े दुस्रोग़ मन्कल मीक काग़्हतनद गर्ज इले. किर्स्तुना मेटे दोर्कतद पवित्र जीवा मीक सबे काग़्हतह्‌ता. अद जीवा सेतेमता आंदु, जोलता आयो. अदिनेनाह्‌क अद काग़्हतप लेह्‌काने, किर्स्तुना संगे जोळेम आस मन्ह्‌टु.

1 कुरिंततोर 15:46

मति देवुळता लावतद मेंदुलि, मुनेता मेंदुल आयो. मुने मनदनद मेंदुलि इतेके मन्कना लावतदु. पयाडा मेंदुलि देवुळता लावतदु.

यहुदाल 1:19

वेर मन्कलोर दुस्रोरिन ओर्विह्‌क-ओर्विन कोंटेङ पुटिह केवालोर; वेर मन्कना बुदते ताकवालोर; वेरगा देवुळता पवित्र जीवा इले.

याकुब 3:15

इद्रमता बुदि देवुळतग्डाहि वावो, मति मन्कना बुदतग्डा, इद दुनियातग्डा, देयमदीपतग्डा आंदु.

1 योहन 2:20

मति मीक इतेके, किर्स्तु तना पवित्र जीवा ईसि निल्पिह कीतोग़, अदिह्‌क इंजेके मीट सबेटोरिर सेतेमतुन पुह्‌निर.

1 कुरिंततोर 15:44

मावा मन्कना लावतद मेंदुलतुन मन्कलोर पोहतह्‌तोर, मति देवुळि तान ओसोवने जीवा अर्हतस्के, अद देवुळता लावतद मनदग़ा. मन्कना लावतद मेंदुल माक इंजेक मन्ह्‌ता. अद्रमे देवुळता लावतद मेंदुल वने मनदग़ा.

1 कुरिंततोर 2:12

अद तना माक बेचोन देय्वा ईता इनजोर पुनदलाहि, तना जीवातुन माक ईता. देवुळ माक ईतद जीवा, इद दुनियातग्डा आयो.

योहन 12:37

ओरा मुनेह इचोटाङ बामिह कीयनाङ सीनाङ येसु तोहतोग़; तेला मति ओग़ देवुळ लोहतोग़ पिसिह केवाल आंदोग़ इन्जि ओर नमोर.

योहन 5:44

मीट ओर्विनेनाह ओर्वोग़ कदर पर्ह्‌किह्‌निर, मति वग़य देवुळतेनाह दोर्कनद कदरतुन बार पर्ह्‌कविर इतेके, मीट बेद्रम विस्वस कीया पग़यकिर!

मत्याल 16:23

अस्के येसु पत्रुनके मल्स ऊळिस इतोग़, “एय देयमदीपता बुदते वळ्ह्‌कवानिन, अद्रमता बुदतुन पोहचीम! निमा नाकु कटळ वाटटप एग़्कुळ आय्ह्‌निन. नीवा विचरि मन्कना विचरतेह मन्ह्‌ता, मति देवुळता विचरतके इले,” इनजोर इतोग़.

योहन 14:26

तेला मति बाबाल तना पवित्र जीवातुन मीक तोळ मनदलाह लोहतनोग़, अद जीवा नावा अदिकर पोसि मीक कतम काग़्हतग़ा. ओसो बेव गोटिङ नना मीक वेहतन, अविस्किन कतमे अदु सीता कीसि वेहतग़ा.

बळयिर 16:14

अस्के अगा उंद यहुदि आयवदु लुदिया पेदिरता आंचाळ मता. अद आसिया पटटा तुवातिरा इनदनद सहरता आंदु. पका दाराताङ, डुंगा पंडटा रंगलेह्‌काडाङ गेंदेना वीकुर कींदु. अदु यहुदिरा देवुळतुन मोळ्किंदु. पोलु वेहतनव पोल्‍लोन, अद बेस केंजसोर मता. अस्के ओग़ वेहतनव पोल्‍लोन विस्वस कीयनाह, देवुळि तान्क तेळियिह कीसीता.

योहन 8:43

नावाङ पोल्‍लोङ मीक बह केंज वसो. अदिह्‌के नना वेहतनव गोटिङ मीक तेळियोङ.

1 कुरिंततोर 1:23

माट कोनि हव्कनागुटातगा डोलतोग़ येसुना पोल्‍लोतुन पोकुर कीय्ह्‌नोम. अद पोल्‍लो यहुदिरिन विस्वस कीया पग़वप लेह्‌का कीता.(बाराह्‌क इतेके देवुळ लोहवाल पिसिह केवाल, अद्रम लजा वानाह डोलवाल आयोग़ इनजोर, ओर विचर कीतोर.)यहुदि आयवोरिह्‌क बारा, मावा कबुर बुदलेवद पोल्‍लो दिसिह्‌ता.

1 योहन 5:20

देवुळता मग़ि येसुसामि इद बूमतगा वासि, सेतेम देवुळतुन पुनदना इन्जि, ओग़ माक बुद ईतोग़. माट इंजेके इदे निटम देवुळता संगे जोळेम आतल इतेके, ताना मग़ि येसु किर्स्तुना संगे जोळेम आतल. सेतेम देवुळ ओसो अमेसाता पिसमुळ एवाल वेग़े आंदोग़. माक विस्वसिरिह्‌क इव सबे पोल्‍लोङ एर्काय मन्ह्‌ताङ.

बळयिर 25:19

मति ओर तमाय दर्मताङ पोल्‍लोना लोप्पा, ओसो बोग़ो येसु पेदिरतोग़ मन्कना लोप्पा, वेर यहुदिर पोलुन कट्ला कींदुर. वेग़ येसु डोलिसाय मति जीवात मन्ह्‌तोग़, इद्रम पोलुना इनमुळ मन्ह्‌ता.

योहन 15:26

“तोळ आयनद सेतेम तोहतनद देवुळता जीवा, तान नना बाबानग्डाहि मियके लोहतकन. अद पेसिस वातस्के, नना बोनन आंदन इन्जि वेहतग़ा.

बळयिर 18:15

मति इव सबे मीवाङे अडोनाङ पोल्‍लोङ काग़्हतना, पेदिर्क वेहतना आंदुङ. इदिन मीटे ऊळाट, इद्रमताङ पोल्‍लोन नना नेयम केवोन,” इनजोर इतोग़.

बळयिर 17:32

हामुरताहि जीवा अरयना पोल्‍लोतुन केंजतापया, उय्तुर बार ओन कवतोर. ओसो उय्तुर बार “अले बेस्काय इद नीवा पोल्‍लोतुन, माट ओसो केंजकोम,” इनजोर इतोर.

योहन 10:20

ओरग्डाहि वेल्‍लाटोर इतोर, “वेग़ पिसाङ आतोग़, रा! वेन देयम पोयता. वेनाङ मीट बाराह्‌क केंजिह्‌निर?” इह इतोर.

बळयिर 17:18

अस्के इपिकुरि तुंगाता ओसो इस्तोयिकि तुंगाता गूरुर वने, ओना संगे वेल्‍लाङे पोल्‍लोङ वळ्ह्‌कतोर. ओसो उय्तुर “वेग़ पोमाडेङि बाताङ वेहतलाह आतोग़ रा?” इतोर. येसुना लोप्पा, ओसो ओग़ डोलिस जीवा अरतद बेसतल कबुरतुन वेहतह्‌पा केंजिसि, “वेग़ु, माट पुनवाङ पेन्कनाङ पोल्‍लोन पोकुर कीस्तोग़ बहे,” इनजोर उय्तुर इतोर.

योहन 14:17

अद देवुळता सेतेम तोहतनद जीवा आंदु. दुनियातोर तान पोयोर आयनुर, बाराह्‌क इतेके ओर तान ऊळोर, तान पुनोर वने. मति मीट इतेक तान पुह्‌निर, बह इतेके अद मीवा तोळ मन्ह्‌ता इनजोरे. ओसो मीवा लोप्पा पया जागा आयग़ा.

1 कुरिंततोर 1:21

इतेके देवुळि मुनेन तना बुदते इद्रम विचर कीता: इद दुनियाता बुदते, मन्कलोर नाक पुनमाकिर इता. माट किर्स्तुना बेसता कबुरतुन पोकुर कीय्ह्‌नोम. अद पोल्‍लो बुदता, तेल्वता आयो इनजोर, लोकुर पास्किह्‌तोर. मति मन्कलोर पास्कनद पोल्‍लोतेन, विस्वस केवालोरिन पिसिह कीकन इनजोर, देवुळतुह्‌क विचर वाता.

1 कुरिंततोर 1:25

(इद बहु? किर्स्तु डोलतद पोल्‍लोतुन केंजिसि, देवुळि बुद कीस केवो इनजोर, मन्कलोर इन्ह्‌तोर. मति) बेदिन बुद कीस केवद पोल्‍लो इन्ह्‌तोर, अद मन्कलोरा बुदतुह्‌काय एक्‍वा बुदता आता. अहे (किर्स्तु डोलतद पोल्‍लोतुन केंजिसि, देवुळता लाव गुचता इनजोर वने, मन्कलोर इन्ह्‌तोर. मति) बेदिन लाव गुचता इन्ह्‌तोर, अद पोल्‍लो मन्कलोरा लावतुह्‌काय एक्‍वा लावता आता.

1 कुरिंततोर 3:1

मावोर विस्वसिरिर! मुने नना मीवा संगे मनदह्‌पा, देवुळता जीवाते ताकवालोरिन वेहतना लेह्‌कान, मीक वेहता पग़वोन. मति मन्कना बुदते ताकवालोरिन,किर्स्तुन विस्वस कीयनद पोल्‍लोतुन, पूनाङ-पूनाङ कग़यवालोरिन वेहतना लेह्‌कान, मीक वेहमुळ आता.