1 कुरिंततोर 16:9 - माडिया गोंड पवित्र सास्त्रम

⁹ बाराह्‌क इतेके, इगा वेल्‍लाटोरा पाय्दा आनाह, सेवा कीयलाह बेस-नेह्‌ना अग़ दोर्कता. मति विरुद केवालोर मन्कलोर वने वेल्‍लाटोर मन्ह्‌तोर.

1 कुरिंततोर 16:9 Referans Kwoze

2 कुरिंततोर 2:12

मीक अद सीटटुन रासतापया, नना किर्स्तुना बेसता कबुरतुन पोकुर कीयलाह, तरोवस सहरते अन्ज मतन. अगा सामिना कबळ कीयलाहि, ओना मेटे नाक अग़ दोर्किस मता.

कुलुसितोर 4:3

अद्रमे ओसो मयेनाह्‌क वने पार्तना कीम्ह्‌टु. किर्स्तुना लोप्पा मन्कलोर मुने पुनवा मंदुर, अद पोल्‍लोतुन पोकुर कीताह्‌कु, नना जेलते मह्‌नन. अदे पोल्‍लोतुन सबेटोरिह्‌क माट पोकुर कीयलाहि, देवुळि अग़ तेग़यि इनजोर, पार्तना कीम्ह्‌टु.

बळयिर 14:27

वातस्के विस्वसिरा मुडुन जमा कीतोर. जमा कीसि, देवुळि ओरा कयदे कीतव बेराङ-बेराङ कबस्किन वेहतोर. ओसो यहुदि आयवोरेनाह्‌क वने, येसुन विस्वस कीयलाहि, देवुळि बेद्रम अग़दुन तेग़यिस ईता, इन्जि वने वेहतोर.

पिलिपितोर 3:18

नना इद्रम बाराह्‌क इह्‌नन इतेके, किर्स्तु हव्कनागुटातगा डोलतद पोल्‍लोतुन, वेल्‍लाटोर मन्कलोर पास्कसोर ताकिह्‌तोर. ओरा पोल्‍लोतुन नना अमेसा मीक वेहचोर मतन. इंजेक वने अळसोर-अळसोर वेहतलाह आतन.

1 कुरिंततोर 15:32

इपिसुस सहरतगा, गेळा जन्वर्कना बुदलेह्‌काडोर मन्कलोरा संगे लळेम आतन. डोलतोर ओसोवने जीवा अरवोर इतेके, ओरा संगे नना लळेम आस, नाक बाताल पाय्दा दोर्कालि? अह इतेके, इस्रयेलतोर मुने इनदना लेह्‌कान, “नाळ कोनि डोलना मन्ह्‌ता, अदिनेनाह्‌क तिनदकल, उनडकल, गिर्दाते मनदकल,” इनजोर मनाह आवालि.

2 कुरिंततोर 1:6

इंजेके वने माट तिपल आयलाह आतोम इतेके, अद मीवा जीवातुन देवुळ सितुर कीयि, मीक पिसिह कीयि इनजोरे. अद मावा जीवातुन सितुर कीस्ता इतेके, मीवा जीवातुन वने सितुर कीस्ता. अस्के मावा लेह्‌कान मीट वने तिपल आयह्‌पा, तिपल्किन आपिस मनदा पग़यह्‌निर.

याकुब 5:16

अदिनेनाह्‌क मीट कीतद पापमतुन, ओर्विह्‌क-ओर्वोग़ कबुल आम्ह्‌टु, ओसो ओर्विनेनाह्‌क-ओर्वोग़ पार्तना कीम्ह्‌टु. अस्के मीट बेमरताहि बेस आयकिर. सेतेमतोग़ मन्कना पार्तनाते पका लाव मन्ह्‌ता.