1 कुरिंततोर 16:10 - माडिया गोंड पवित्र सास्त्रम

¹⁰ ओसो उंद पोल्‍लो: तिमोति मियगा वातेके, ओन रेय्‍पिह केवालेवा तासाट. ओग़ वने नावा लेह्‌कान, सामिना कबळ केवाल आंदोग़.

1 कुरिंततोर 16:10 Referans Kwoze

1 कुरिंततोर 15:58

अदिनेनाह्‌क मावोर गोततोरिर! मीवा विस्वसते इळ्न अरवालेवा, मेग़्किस मन्ह्‌टु. मीट सामिनेनाह्‌क कह्‌टेम कीयनद कबळ उगस अनो इनजोर पुतिर, अदिनेनाह्‌क सामिना कबळते बेर्ससोर अन्ह्‌टु.

1 तिसलुनितोर 3:2

मावा तोळतोग़ तिमोतिन मियगा लोहतलाह विचर कीतोम. ओग़ किर्स्तुना बेसता कबुर पोकुर कीयनद कबळते, मावा ऐंगेटोग़ देवुळता सेवा केवाल आंदोग़; इंजेके किर्स्तुनेनाह्‌क वायनव तिपल्कनेनाह्‌कु, बोग़े पेग़्के-मुनेह आयमाकेग़ इनजोर, मीवा विस्वसतुन मेग़्किह कीसीयलाह, मीवा जीवातुन सितुर कीसीयलाह, ओन लोहतोम. माट विस्वसिरल किर्स्तुनेनाह्‌क तिपल आयना इन्जि, देवुळता विचर मन्ह्‌ता इनजोर, मीट पुतिरे.

1 कुरिंततोर 4:17

इदे पोल्‍लोतेनाह्‌क नना तिमोतिन मियगा लोहतन. ओग़ नावा जीवा कीतोग़ मग़ना लेह्‌कान आतोग़. ओग़ किर्स्तुना सेवाते, मुर्तिय नाळेह केवोग़. किर्स्तुना अग़दे नना बेद्रम ताकलाह आतन इनजोर, ओग़ मीक सीता अर्हचीयनोग़. नना सबे जागाने, सबेटोर विस्वसिरा मुडोरगा वने, अवे पोल्‍लोन काग़्हतह्‌नन.

रोम सहरतोर 16:21

नावा संगे किर्स्तुना सेवा केवाल तिमोति, मीक जय येसु इन्ह्‌तोग़. मावा यहुदि विस्वसिर लुकियुस, यासोन, सोसिपत्रुस वने मीक जय येसु इन्ह्‌तोर.

1 तिसलुनितोर 4:12

इद्रम मतेके, मीवा ताकमुळि विस्वस केवोरिह्‌क विचर वानाह मनदग़ा, अहे मीट बोनाय पोग़ोन मोता आयविर.

2 कुरिंततोर 6:1

माट देवुळता संगे कबळ कीय्ह्‌नोम, अदिनेनाह्‌क मीक अर्जि कीस वेहतह्‌नोम. मीट देवुळता दयातुन दोर्किह कीतिर, ताना लेह्‌कान पिसाट. तान सीता केवालेवा मनमाट.

2 कुरिंततोर 1:1

देवुळता विचरते किर्स्तु येसुना बळयि आयलाह, अद निल्पिह कीतोनन पोलुनन. नना कुरिंत सहरते मनवालोर देवुळता मुडोरिर मीकु, ओसो मीवा अकाया पटटोर सबेटोर देवुळता मन्कलोरिह्‌क, इद सीटटुन रासिह्‌नन. मावा तोळतोग़ विस्वसि तिमोति, नावा संगे इगा मन्ह्‌तोग़.

1 कुरिंततोर 16:11

अदिनेनाह्‌क मियगा बोग़े ओन पास्कमाकेग़, मति ओन सुकमते नयगा लोहचीम्ह्‌टु. ऐंगेटोर विस्वसिरा संगे ओग़ इगा वायनोग़ इनजोर केपतन.

बळयिर 19:22

पया तना तोळतोर तिमोतिन ओसो इरास्तुसिन मुनेन मकिदुनिया पटटे लोहचि, आसिया पटटगान तना उचुक दियाङ मतोग़.

बळयिर 16:1

पया पोलु, (सीलास, गलाति पटटा) दिरबे ओसो लुस्त्रा, इव सहर्कने अतोर. लुस्त्रा सहरतगा तिमोति पेदिरतोग़ ओर्वोग़ विस्वसि मतोग़, ओना तपे युनानि जाततोग़ु, मति तलोग़ि यहुदि आंचाळ आंदु, अद विस्वस वने कींदु.