1 कुरिंततोर 15:57 - माडिया गोंड पवित्र सास्त्रम

⁵⁷ मति मावा येसुसामि किर्स्तुना मेटे देवुळि, माक पापमतुन ओसो हामुरतुन गेल्सनाह कीस्ता. अदिनेनाह्‌क तान्क जोहर!

1 कुरिंततोर 15:57 Referans Kwoze

2 कुरिंततोर 2:14

देवुळतुह्‌क जोहर आयि! अद माट सेवकिरिन, तना गेल्समुळते किर्स्तुना संगे पोत्ला आयलाह, कलियिह कीता. ओसो बेद्रम अतर्नेयदा गब, बेके अतेकाय गम-गम एग़्स्किह्‌ता, अद्रम माट बेके अतेकाय, देवुळि मावा पोल्‍लोतुन केंजवालोर मन्कलोरगा किर्स्तुन पुनाह कीस्ता.

रोम सहरतोर 8:37

इव तिपल्क माक वातेक तेला, माक जीवा कीतोग़ु किर्स्तु मावा तोळ मनाह्‌कु, माक आरे कीया पग़वोङ, माटे पूरा गेल्सिह्‌नल.

तोहचीतव पोल्‍लोङ 12:11

गोरेपिलाता नेतुर मावाङ सबे कसुर्किन एडिह कीता इदिन पुन्जि, मावोर विस्वसिर मासुंडता कसुर ओपतदिन रेयोर. माट येसुनोरोम इन्जि साक्सि ईताह्‌कु, हामुर वायग़ा इन्जि पुतोर, पुन्जाय मति ओर तमा जीवाता पर्वा केवोर. इद्रमलेह्‌का ओर मासुंडतुन आरे कीतोर.

योहन 16:33

नाक नमिसि मीट सुकमते मनदना इन्जि, इव गोटिङ मीक वेहतन. दुनियातोर मीक तिपल कीयनुर निटमे, मति दीरा पोय्म्ह्‌टु, नना दुनियातुन गेल्सतन,” इन्जि येसु इतोग़.

2 कुरिंततोर 9:15

देवुळ माक ईतद देय्वा बेचोन बेरा मन्ह्‌ता, अद वेहता वावो! तान्क जोहर आयि.

इपिसुसतोर 5:20

ओसो मावा येसुसामि किर्स्तुना पेदिरते, सबे पोल्‍लोनेनाह्‌क, देवुळबाबान अमेसा जोहर कीसोर मन्ह्‌टु.

रोम सहरतोर 7:25

मावा किर्स्तु येसुसामिये, नाक विळ्सिह केवाल आंदोग़, देवुळतुह्‌क जोहर आयि! इद्रमलेह्‌का इंजेके नावा जीवाते, देवुळताङ अडोन नना माळिह्‌नन. मति बेद बुदि नावा मेंदुलतगा मन्ह्‌ता, अद पापमता कय इळ्न मन्ह्‌ता.

2 कुरिंततोर 1:11

मीट वने मावा तोळ आसि, मयेनाह्‌क पार्तना कीय्ह्‌निर. बह इतेके मावासाटि वेल्‍लाटोर मन्कलोर पार्तना कीयनदिन केंजिस, देवुळि तना देय्वाते माक पिसिह कीता. तानासाटि वेल्‍लाटोर मन्कलोर मयेनाह देवुळतुन जोहर कीयिर.

1 कुरिंततोर 15:51

इद केंजाट! इचानाह मन्कलोर पुनवद पोल्‍लोतुन मीक वेहतह्‌नन: माट मन्कलोरग्डाहि उच्वुर मन्कलोरल डोलवल, मति आक्रिता अकुम ऊरतस्के, माट सबेटोरल बद्लेम आयकल. आक्रिता अकुम केंज वायग़ा. अस्के देवुळि डोलतोर विस्वसिरिन, बेस्केन कळियवद मेंदुल अग़्के, अस्केडा अस्केन ओसोवने जीवा अर्हतग़ा. अस्के माट जीवात मनवालोरल बद्लेम आयकल.

बळयिर 27:35

इन्जि तना सबेटोरा मुनेह आरतुन पोसि, देवुळतुन जोहर कीतोग़. कीसि आरतुन किळ्हच, तिनदलाह बोटटोग़.

इब्रितोर 2:14

(वेर पिलाङ-पेकोर इतेके माटे!) माट कय्क-काल्क मनवालोरल मताह्‌कु, येसु वने मावा लेह्‌का कय-कादोग़ आसि वातोग़. जीवात मनाह्‌जोम, मयगा हामुरता रेय मताह्‌कु, देयह्‌कना मुक्याना अदिकर मावा पोग़ोन मता. मति येसु तना हामुरता मेटे, ताना अदिकरतुन बूळे कीतोग़. कीसि माकु हामुरता रेयताहि विळ्सिह कीतोग़.

तोहचीतव पोल्‍लोङ 21:4

देवुळि ओराङ सबे तिपल्किन जेक कीसि, ओराङ कंड्रिन उम्चिसीयग़ा. अद ओरा संगे मनाह्‌कु, मुनेता कालम मारिस अता; अदिनेनाह्‌क हामुर मनो आयग़ा, दुकम मनो आयग़ा, अळयनद मनो आयग़ा, तिपल आयनद मनो आयग़ा.”