49 इद बूमते माट तोळ्योते पंडटोग़ आदमना लेह्कान मह्नल. तेला मति इंजेके मावा ताकमुळि, पोग़ोटोग़ मन्कल किर्स्तुना लेह्कान मनि.
बाराह्क इतेके, बोर बोर नयगा विस्वस तासनुर इनजोर, देवुळि मुनेन पुन्ज मता. नावा मग़ि येसु ओर सबेटोरा दादाल आयेग़ इनजोर, देवुळि ओरिन येसुना लेह्काडोर आयलाह, मुनेन आचता.
इंजेके माट सबेटोर विस्वसि मन्कलोरल, मोसाना लेह्का आयवल. मावा मोकमतुन मुळ्हच मतद गेंदे तेंडटप लेह्कान आता. अदमतगा ऊळना लेह्कान, माट इंजेके येसुसामिना मान-डीसातुन ऊळिह्नल. ओसो ओग़ तना जीवाता मेटे, माक बद्ले कीसोर दायलाह आतोग़. माट ओना लेह्कान आयना इन्जि, बेस-नेह्ना बद्लेम आसोर दायलाह आतल.
ए गोततोरिर, इंजेके माट देवुळताङ पेकोरल मह्नल निटमे! मति पया वायना कालमते माट बेद्रमतोरल आयकल, इद पोल्लोतुन पुनवल. तेला मति माक इद पोल्लो एर्का मन्ह्ता इतेके, किर्स्तु देवुळदीपताहि बेस्के मल्स वायनोग़ अस्के, किर्स्तु बह मन्ह्तोग़, अद्रमे ओग़ माक दिसनोग़. दिसतस्के, माट वने ओना लेह्का आयकल.
अस्के सेतेमतोर तमा देवुळबाबाना राजेमते, पोळ्द दींचतप लेह्का, देवुळता संगे मांजसोर मनदनुर.बोरिह्कु पुनदलाह गिर्दा मन्ह्ता, ओर नावा पोल्लोतुन बेस केंजिर!
सबेटविन ताकिह कीयलाहि, ओनगान लाव मन्ह्ता. अद लावते मावा मेंदुलतुन बद्ले कीसीयनोग़. इतेके इद कळियनद मावा मेंदुलतुन, तना बेस्केन बूळेम आयवद मेंदुलता लेह्कान, पूरा बद्ले कीसीयनोग़.