1 कुरिंततोर 15:42 - माडिया गोंड पवित्र सास्त्रम

⁴² डोलतोर ओसोवने जीवा अरयनद अद्रमे. इद मेंदुलि आक्रिते कळियग़ा, मति देवुळि तान ओसोवने जीवा अर्हतस्के, अद मेंदुल बेस्केन बूळेम आयो आयग़ा.

1 कुरिंततोर 15:42 Referans Kwoze

मत्याल 13:43

अस्के सेतेमतोर तमा देवुळबाबाना राजेमते, पोळ्‍द दींचतप लेह्‌का, देवुळता संगे मांजसोर मनदनुर.बोरिह्‌कु पुनदलाह गिर्दा मन्ह्‌ता, ओर नावा पोल्‍लोतुन बेस केंजिर!

1 पत्रु 1:4

ओसो मयेनाह्‌कु इन्जि, देवुळदीपते बेरा उंदि जीवाता बर्कत तासतद मन्ह्‌ता. अद उंदि बेस्केन बूळेम आयवदु, माचलेवदु, वाग़वदु बर्कत आंदु. इद बर्कत आक्रिता दियाते देवुळि सबेटोर विस्वसिरिह्‌क तोहतग़ा. अदु बर्कत मीक दोर्कनाह्‌जोमु, देवुळि तना लावते मीकु काप आडग़ा, बाराह्‌क इतेके, मीटु देवुळता पोग़ोन बर्वस तासिह्‌निर इनजोरे.

रोम सहरतोर 1:23

अमेसा मनदनद देवुळतुन, निमान बेरा डीसातोनिन इनजोर मोळ्कना वाटो, रेंड दियाङ मनवालोर मन्कलोरा, पिटेना, जन्वर्कना, तरस्कना लेह्‌काडाङ बोमाङ पंडटोर; ओसो अविस्किन पेन्क इनजोर मोळ्किह्‌तोर.

रोम सहरतोर 2:7

बोर मन्कलोर आरेम आयवा, बेसताङ कबस्क कीसि, देवुळतग्डाहे मान, कदर,अमेसाता पिसमुळ दोर्किह कीयलाह ऊळिह्‌तोर, ओरिह्‌क देवुळि अमेसाता पिसमुळ ईयग़ा.

1 कुरिंततोर 15:41

पोग़ोन पोळ्‍दता वेह्‌च दुस्राये, नेलाता वेह्‌च दुस्राये, उकाना वेह्‌च दुस्राये. उकाना वेह्‌च वने अलग-अलग मन्ह्‌ता.

गलातितोर 6:8

इतेके बोर तमा मन्कना बुद वेहतपु, लाग्वाङ कबस्क वीतिह्‌तोर, ओरिह्‌क अदे मन्कना बुदतुह्‌कु, बूळेम आयनद सिक्साता पंटा दोर्कग़ा. बोर बार देवुळता जीवा वेहतपु बेसताङ कबस्क वीतिह्‌तोर, ओरिह्‌क देवुळता जीवाये ईतदु अमेसाता पिसमुळता पंटा दोर्कग़ा.