1 कुरिंततोर 14:37 - माडिया गोंड पवित्र सास्त्रम

³⁷ बोग़ाय तन्क देवुळता जीवाता दळ्मते वळ्ह्‌कनद बुदि दोर्कतोनन इनजोर इनेग़, इलवेके देवुळता जीवा ईतद दुस्रा बुदि दोर्कतोनन इनजोर इनेग़. इतेके अद्रमतोग़ मन्कल, इद सीटटे नना रासनव पोल्‍लोङ, सामि ईतव उकुम आंदुङ इन्जि पुनेग़.

1 कुरिंततोर 14:37 Referans Kwoze

1 योहन 4:6

मति माट देवुळता लोकुरल. बोरु देवुळतुन पुतोर, ओर मावा पोल्‍लोतुन केंजिह्‌तोर; मति बोरु देवुळतुन पुनोर, ओर मावा पोल्‍लोतुन केंजोर. इद्रमलेह्‌का सेतेमता पवित्र जीवा ओरगा मन्ह्‌ताया, बार लेसिह कीयनद जीवा मन्ह्‌ता इनजोर, माक पुनमुळ आस्ता.

2 कुरिंततोर 10:7

मीवा मोकम मुनेह बेव पोल्‍लोङ दिसिह्‌ताङ, अविना लोप्पा बेस विचर कीम्ह्‌टु. नना किर्स्तुना मन्कनन इनजोर इनवाल मन्कल, तना किर्स्तुना मन्कल आतप लेह्‌कान, माट वने किर्स्तुनोरोम आंदोम, इदिन पुनेग़!

यहुदाल 1:17

मति, नावा गोततोरिर! मावा येसुसामि किर्स्तुनाङ बळयिर मुनेन वेहतव पोल्‍लोन, मीट सीता कीम्ह्‌टु.

2 पत्रु 3:2

वेल्‍लाय मुने, देवुळता पवित्र कबुरतोर तानाङ पोल्‍लोन वेहतोर; ओसो मावा पिसिह केवाल येसुसामि किर्स्तु ईतद उकुम, ओनाङ बळयिरा तोडटे मियगा वाता. इव मीट कग़यतव पोल्‍लोन सीता कीम्ह्‌टु इनजोर, नना वेहतलाह आतन.

गलातितोर 6:8

इतेके बोर तमा मन्कना बुद वेहतपु, लाग्वाङ कबस्क वीतिह्‌तोर, ओरिह्‌क अदे मन्कना बुदतुह्‌कु, बूळेम आयनद सिक्साता पंटा दोर्कग़ा. बोर बार देवुळता जीवा वेहतपु बेसताङ कबस्क वीतिह्‌तोर, ओरिह्‌क देवुळता जीवाये ईतदु अमेसाता पिसमुळता पंटा दोर्कग़ा.

2 कुरिंततोर 11:4

अद बह इतेके, माट मीक येसुना पोल्‍लोतुन पोकुर कीतोम, मति पूनोर मन्कलोर वासि, माट वेहतदिन विळ्सिसि, ओना लोप्पा दुस्राङ पोल्‍लोन पोकुर कीयह्‌पा, बेस केंजतिर! मीट मुने देवुळता जीवातुन दोर्किह कीतिर, मति ओर दुस्रा जीवाता पोल्‍लोतुन वेहनेके, मीट अदे पोल्‍लोतुन नमतिर. माट मीक वेहतद बेसता कबुरतुन विळ्सिसि, ओर वेहतद दुस्रा कबुरतुन बेस केंजतिर! अदिनेनाह्‌क मीट लेसतिरा बहु इनजोर रेयतन.

2 कुरिंततोर 10:12

उच्वुर तम्क बेचोन बेरोरोम इनजोर, तमाय कबळतुन ऊळिस इन्ह्‌तोर. तमतमाय निच जोकिस ऊळिह्‌तोर, ओसो तम्क बेरोरोम इनजोर इन्ह्‌तोर. अद्रमतोर मन्कलोर तेल्वलेवोर आंदुर. माट कोनि ओरा मुडोरोम आयोम, ओरा संगे निच जोकिस ऊळवालोरोम आयोम. ओरे तेला बेरोर आयिर, माट अचोटोरोम आयोम!

1 कुरिंततोर 8:2

माट सबे पुतोम इनजोर, बोर बोर इतेक तेला, देवुळता मुनेह ओर इंका वने बेदे पोल्‍लोतुन पुनोर.

1 कुरिंततोर 7:40

मति नावा विचरते, अद दुस्रोग़ मुजोह्‌क अनवा मतेक अचोन, बेस ओप्पग़ा. ओसो बेद्रम माट देवुळता जीवाता बुदते वळ्ह्‌किह्‌नोम इनजोर इह्‌निर, अद्रमे इव सबे पोल्‍लोन वेहनेके, नाक वने देवुळता जीवा ताकिह कीस्ता इह्‌नन.

1 कुरिंततोर 7:25

कुव्रा मनवालोरा पोल्‍लोतुन ताल्ह्‌किस मतिर, तान रासकन: इद पोल्‍लोता लोप्पा, नाक सामि ईतद उकुम दोर्को. मति सामि नाक दया कीताह्‌कु, नना वेहतनद पोल्‍लो केंजना लायकता आंदु.

रोम सहरतोर 12:3

देवुळि नाक देय्वा ईस, तना बळयि इनजोर निल्पिह कीता. अद अदिकरते मियग्डाह ओर्विन-ओर्विन नना वेहतह्‌नन: नना विस्वसते बेरोनन इनजोर पोमाडेङ कीयनदायो, मति देवुळि नाक बेद्रमता बुदि ईता, अदिना इसबते नना बेद्रमतोग़ विस्वसिनन इन्जि, बेसतल बुदते विचर कीम्ह्‌टु.

लूकाल 10:16

“मीट कग़यवालोराङ पोल्‍लोङ बोर केंजिह्‌तोर, ओर नावाङ पोल्‍लोङ केंजिह्‌तोर, ओसो बोर मीवाङ पोल्‍लोङ केंजोर, ओर नावाङ पोल्‍लोङ केंजोर. अद्रमे बोर नावाङ केंजोर, ओर नाक लोहवानाङ वने केंजोर,” इनजोर येसु वेहतोग़.

1 कुरिंततोर 2:15

मति बोग़ देवुळता जीवाते ताकलाह आतोग़, ओग़ मन्कल सबे पोल्‍लोन पर्ह्‌किस ऊळिह्‌तोग़. मति ओना बुदतुन, बोग़े दुस्रोग़ मन्कल, देवुळता जीवालेवा पुनदा पग़वोग़.

1 कुरिंततोर 3:1

मावोर विस्वसिरिर! मुने नना मीवा संगे मनदह्‌पा, देवुळता जीवाते ताकवालोरिन वेहतना लेह्‌कान, मीक वेहता पग़वोन. मति मन्कना बुदते ताकवालोरिन,किर्स्तुन विस्वस कीयनद पोल्‍लोतुन, पूनाङ-पूनाङ कग़यवालोरिन वेहतना लेह्‌कान, मीक वेहमुळ आता.

1 कुरिंततोर 14:29

देवुळता जीवाता दळ्मते वळ्ह्‌कवालोर इर्वुर-मुवुर वळ्ह्‌किर. दुस्रोर मन्कलोर बार, बेस-नेह्‌ना केंजिसि, वेहतव पोल्‍लोना सेतेम पर्ह्‌किस ऊळिर.

1 कुरिंततोर 14:36

देवुळता बेसता कबुर बह, मीट कुरिंततोरग्डाहिये पेसताया? इलवेके सिरप मियगान एवताया? (अद्रम मुर्तिय आयो! अदिनेनाह्‌क सबेटोर विस्वसिर कीयना लेह्‌कान, मीट कीयना.)

1 कुरिंततोर 14:38

मति बोग़ाय इद उकुमतुन सीता केवेक अचोन, देवुळ वने ओन सीता केवप लेह्‌का आयग़ा.