1 कुरिंततोर 14:26 - माडिया गोंड पवित्र सास्त्रम

²⁶ मावोर विस्वसिरिर! इंजेके इदे पोल्‍लो मन्ह्‌ता: मीट देवुळतुन मोळ्कलाह जमा आतस्के, ओर्वोग़ पाटा ओयेग़, ओर्वोग़ काग़्हेग़, ओर्वोग़ मकतव पोल्‍लोन पेसिह कीसीयेग़, ओर्वोग़ तना तेळियवद बासाते वेहेग़, ओर्वोग़ तान तेळियिह कीसीयेग़, इव सबे विस्वसिरा मुडा विस्वसतुन बेस-नेह्‌ना मेग़्किह कीयलाह कीयनदु.

1 कुरिंततोर 14:26 Referans Kwoze

इपिसुसतोर 5:19

निंदिस मन्जि, देवुळता सास्त्रमताङ पाटाङ ओसो रीतरीतिनाङ पाटाङ, इविस्कने सामिना जोहर कीसोर, मीवा पूरा जीवाताहि ओसोर मन्ह्‌टु.

रोम सहरतोर 14:19

अदिनेनाह्‌क माट ओर्विह्‌क-ओर्वोग़ गूनमते मन्जि, ओर्विह्‌क-ओर्वोना विस्वसतुन मेग़्किह कीयलाह ऊळिङ.

1 तिसलुनितोर 5:11

अदिनेनाह्‌क मीट इंजेके कीय्ह्‌निर अद्रमलेह्‌कान, ओर्विह्‌क-ओर्वोग़ दीरा ईम्ह्‌टु, ओसो ओर्विह्‌क-ओर्वोना विस्वसतुन बेर्सिह कीम्ह्‌टु.

इपिसुसतोर 4:16

बेद्रम पूरा मेंदुलि सीराना मेटेने जोळेम आस मन्ह्‌ता; ओसो कय्क-काल्क, कोंडाङ बाताङ, आपुना-आपुना कबळतुन बेस कीतेकेन, मेंदुलि बेस बेर्सिह्‌ता; अद्रमलेह्‌काने विस्वसिरा मुल वने, ओर्विह्‌क-ओर्वोग़ जीवा कीसि, तम्क देवुळि ईतद कबळतुन बेस-नेह्‌ना कीतेकेन, विस्वसते बेर्ससोर दास्तोर.

इपिसुसतोर 4:29

बेदे लाग्वा पोल्‍लो मीवा तोडटग्डाहि पेसमाकि, मति केंजवालोरिह्‌कु पाय्दा आयनव पोल्‍लोङ पेसिङ! ओरिह्‌क बातालता गर्ज मन्ह्‌ता, तान ऊळिसि, ओरा कबळतुह्‌क अरयनव पोल्‍लोङ वळ्ह्‌काटु.

2 कुरिंततोर 13:10

मीवा विस्वसतुन बेर्सिह कीयलाहि, सामिनाहि माक अदिकर दोर्कता, तान बूळे कीयलाहि आयो. मियगा वातस्के, इद अदिकरते मीक कळकते वेहतनाह आयमाकि इनजोर, इंजेक मियग्डाह जेक मनदह्‌पा, इव पोल्‍लोन रासलाह आतन.

2 कुरिंततोर 12:19

मयगा कसुर इले इन्जि, मीक तोहतलाह इचोन वेहतोम इनजोर, विचर कीय्ह्‌निरा? अद्रम आयो! माट इतेके देवुळता मुनेह, किर्स्तुना अदिकरते वळ्ह्‌कलाह आतोम. नावा गोततोरिर! माट बाताल कीय्ह्‌नोम, अद सबे मीवा विस्वस बेर्सना इनजोर, कीयलाह आतोम.

1 कुरिंततोर 14:40

मति सबे पोल्‍लोङ बेस-नेह्‌ना कीयना, ओसो ओर्कुलते कीयना गावले.

1 कुरिंततोर 14:27

तेळियवव बासाने वळ्ह्‌कना इतेके, इर्वुर-मुवुर मन्कलोर ओर्वोना पेग़्के ओर्वोग़ वळ्ह्‌किर. ओसो ओर्वोग़ तान पुनदनद बासाते, तेळियिह कीस वेहेग़.

रोम सहरतोर 1:13

यहुदि आयवोरिन बेसता कबुरतुन वेहचि, उय्तुरिन विस्वसते ततन. अद्रमे मियग्डोर उय्तुर मन्कलोरिन वने, विस्वसते ततकन इनजोर, मियगा ऊक-ऊके वायलाह ऊळिंदन, मावोरिर; मति इचानाह बेदाय अडम आसोर मता. इद पोल्‍लोतुन मीट पुनदना इनजोर, नना वेहतलाह आतन.

रोम सहरतोर 12:7

सेवा-साकुर कीयनद बुद दोर्कतोरिर, गिर्दाते सेवा-साकुर कीसोर मन्ह्‌टु. देवुळता पोल्‍लो काग़्हतनद बुद दोर्कतोरिर, बेस-नेह्‌ना काग़्हचोर मन्ह्‌टु.

रोम सहरतोर 15:2

ओरिन लजा केवा, ओरा विस्वसतुन मेग़्किह कीयना गावले.

1 कुरिंततोर 14:2

बाराह्‌क इतेके, देवुळता जीवाता दळ्मते वळ्ह्‌कवाल, विस्वसिरा विस्वसतुन बेस मेग़्किह कीयलाहि, ओरिह्‌क दीरा ईयलाहि, ओरा जीवातुन सितुर कीयलाहि वळ्ह्‌किह्‌तोग़. तेळियवद बासाते वळ्ह्‌कनद बुदतोग़ बारा, मन्कलोरा संगे आयो, मति देवुळता संगे वळ्ह्‌किह्‌तोग़. ओग़ देवुळता जीवा ईतद, पुनवद बासाते वळ्ह्‌कताह्‌कु, अद पोल्‍लो बोन्के तेळियो.

1 कुरिंततोर 14:15

पया बह कीकन? नना तेळियवद बासाते नावा जीवाते पार्तना कीकन, ओसो नना तेळियतद बासाते नावा बुदते वने पार्तना कीकन. अहे नना नावा जीवाते पाटा वाग़कन, नावा बुदते वने पाटा वाग़कन.