1 कुरिंततोर 14:21 - माडिया गोंड पवित्र सास्त्रम

²¹ सास्त्रमतगा रासतद मन्ह्‌ता: “पुनवद बासा वळ्ह्‌कवालोरा मेटे, पुनवोराङ तोडिना मेटे, नना वेरिन वळ्ह्‌ककन, तेला मति वेर नावाङ केंजोर आयनुर,” इनजोर सामि इन्ह्‌ता, इन्जि रासतद मन्ह्‌ता.

1 कुरिंततोर 14:21 Referans Kwoze

रोम सहरतोर 3:19

इंजेके माक यहुदिरिह्‌के, देवुळि तनाङ अडोना सास्त्रम ईता इनजोर पुह्‌नल. इतेके सास्त्रमते रासतव इव पोल्‍लोङ, मावाय कसुरतुन तोहतह्‌ताङ. इद्रमलेह्‌का देवुळि नेयम कीयह्‌पा, तान बोग़े कसुरलेवोनन इनदा पग़वोग़. पूरा बूममेटोर तमाङ लाग्वाङ कबस्कनेनाह देवुळता मुनेह जबब्दर आयनुर.

योहन 10:34

अस्के येसु ओरिन इतोग़, “मीट देवुळ्कनिर आंदिर इनजोर, देवुळबाबाल अस्केडोर राजेम केवालोरिन इन्जि, इद्रम मीवाङ अडोना सास्त्रमते रासतद इलेया?

बळयिर 2:4

वास उदतस्के ओर कतमतोर देवुळता पवित्र जीवाते निंदतोर. अस्के देवुळता जीवा ओरिह्‌क (तमा पुनवव दुस्राङ-दुस्राङ देसेह्‌कनाङ पोल्‍लोने वळ्ह्‌कनद) बुद ईता. बुद ईतस्के ओर सबेटोर दुस्राङ-दुस्राङ देसेह्‌कनाङ पोल्‍लोने वळ्ह्‌क बोटटोर.

1 कुरिंततोर 14:34

अगा विस्वसिरा मुल मोळ्कलाह कलियिह्‌तोर, अस्के आस्क केमेन मनदना. अव वेल्‍लाङ पोल्‍लोङ ताल्ह्‌कनद ओप्पो. गळ्बळ आयनदायो इन्जि, मोसानाङ अडोना सास्त्रम वेहतपु, अव तमाङ तोडिनु आव्रे कीसोर, पोल्‍लोङ केंजिस मनदना.