1 कुरिंततोर 14:18 - माडिया गोंड पवित्र सास्त्रम

¹⁸ नयगा इतेके मीट सबेटोरिह्‌काय वीळिसि, तेळियवद बासाते वळ्ह्‌कनद बुद मन्ह्‌ता. अद बुदतेनाह्‌क नना देवुळतुन जोहर कीय्ह्‌नन.

1 कुरिंततोर 14:18 Referans Kwoze

1 कुरिंततोर 4:7

पोग़यवानिन! निमा दुस्रोरिह्‌क बेरोनिन इन्जि, बोग़ वेहतोग़? नियगा मनदनद बुदि, पूरा देवुळि ईताह्‌के कोनि मन्ह्‌ता! पूरा देवुळिये ईता इतेके, बाराह्‌क पोग़य बोटटिन?

1 कुरिंततोर 14:2

बाराह्‌क इतेके, देवुळता जीवाता दळ्मते वळ्ह्‌कवाल, विस्वसिरा विस्वसतुन बेस मेग़्किह कीयलाहि, ओरिह्‌क दीरा ईयलाहि, ओरा जीवातुन सितुर कीयलाहि वळ्ह्‌किह्‌तोग़. तेळियवद बासाते वळ्ह्‌कनद बुदतोग़ बारा, मन्कलोरा संगे आयो, मति देवुळता संगे वळ्ह्‌किह्‌तोग़. ओग़ देवुळता जीवा ईतद, पुनवद बासाते वळ्ह्‌कताह्‌कु, अद पोल्‍लो बोन्के तेळियो.

1 कुरिंततोर 14:4

तेळियवद बासाते वळ्ह्‌कतेके, वळ्ह्‌कवानाय पाय्दा आस्ता. मति देवुळता जीवाता दळ्मते वळ्ह्‌कतेके, विस्वसिरा मुडा पाय्दा आस्ता.

1 कुरिंततोर 14:5

मीट सबेटोरिर वने तेळियवव बासाने वळ्ह्‌कतेके, नना गिर्दा आवेनन. मति तान्काय एक्‍वा, मीट देवुळता जीवाता दळ्मते वळ्ह्‌कना इनजोर, पका विचर कीय्ह्‌नन. बाराह्‌क इतेके, बोग़ाय तना तेळियवद बासाते वळ्ह्‌किह्‌पा, विस्वसिरा मुडा विस्वस बेस मेग़्कि इनजोर, तान मुडोरा बासाते तेळियिह कीस वेहवेक अचोन, ओरिह्‌क बाताले पाय्दा इले. अदिनेनाह्‌क तेळियवव बासाने वळ्ह्‌कवाह्‌काय, देवुळता जीवाता दळ्मते वळ्ह्‌कवाले बेरोग़.

1 कुरिंततोर 14:17

निमा इतेके देवुळतुन बेस-नेह्‌ना जोहर कीय्ह्‌निन, मति इदिने नीक केंजवालोरा विस्वस बेस-नेह्‌ना मेग़्को!

1 कुरिंततोर 14:19

मति विस्वसिरा मुल जमा आतस्के, तेळियवव बासाने दहा अजर्क पोल्‍लोङ वळ्ह्‌कना वाटो, दुस्रोर विस्वसिरिन काग़्हतलाहि, नना पुनदनद बासाते रेंड पोल्‍लोङ वळ्ह्‌कनदे नाक ओप्पिह्‌ता.