1 कुरिंततोर 12:28 - माडिया गोंड पवित्र सास्त्रम28 विस्वसिरा मुडगा, देवुळि मुनेन किर्स्तुनाङ बळयिरिन निल्पिह कीता. ओरा पेग़्के देवुळता कबुरतोरिन निल्पिह कीता. ओरा पेग़्के देवुळता पोल्लोतुन काग़्हवालोरिन निल्पिह कीता. पया देवुळता लावताङ कबस्क कीयनद बुदतोरिन निल्पिह कीता. अहे ओसो दुकतोरिन सव्रे कीसीयनद बुदतोरिन निल्पिह कीता. अहे साय्ता कीयनद बुदतोरिन निल्पिह कीता. ओसो विस्वसिरा मुडुन ताकिह कीयनद बुदतोरिन निल्पिह कीता. ओसो तमा तेळियवव बासाने वळ्ह्कनद बुदतोरिन निल्पिह कीता. Gade chapit la |
1 कुरिंततोर 12:28
23 Referans Kwoze
अद पोल्लो इद्रम मन्ह्ता: यहुदि आयवोर बेसता कबुरतुन विस्वस कीतोर, कीताह्कु देवुळता बर्कत किर्स्तुन विस्वस कीतोर यहुदिरा संगे, ओरिह्क वने दोर्किह्ता. ओर ओसो यहुदि विस्वसिर, उंदिय मेंदुलतोर आतोर. अदिनेनाह्क किर्स्तु येसुनोरेनाह्क, देवुळि पोल्लो विळ्सिस मतविन, पूरा दोर्किह कीतोर. देवुळि तासिस मतद इद पोल्लोतुन, मुनेटा कालमतोर मन्कलोरिह्क तोहवा मता. मति इंजेके किर्स्तुनाङ पवित्र बळयिरिह्क, ओसो देवुळता कबुरतोरिह्क, तना जीवाता मेटे तोहचीता.
बाराह्क इतेके, देवुळता जीवाता दळ्मते वळ्ह्कवाल, विस्वसिरा विस्वसतुन बेस मेग़्किह कीयलाहि, ओरिह्क दीरा ईयलाहि, ओरा जीवातुन सितुर कीयलाहि वळ्ह्किह्तोग़. तेळियवद बासाते वळ्ह्कनद बुदतोग़ बारा, मन्कलोरा संगे आयो, मति देवुळता संगे वळ्ह्किह्तोग़. ओग़ देवुळता जीवा ईतद, पुनवद बासाते वळ्ह्कताह्कु, अद पोल्लो बोन्के तेळियो.
मीट सबेटोरिर वने तेळियवव बासाने वळ्ह्कतेके, नना गिर्दा आवेनन. मति तान्काय एक्वा, मीट देवुळता जीवाता दळ्मते वळ्ह्कना इनजोर, पका विचर कीय्ह्नन. बाराह्क इतेके, बोग़ाय तना तेळियवद बासाते वळ्ह्किह्पा, विस्वसिरा मुडा विस्वस बेस मेग़्कि इनजोर, तान मुडोरा बासाते तेळियिह कीस वेहवेक अचोन, ओरिह्क बाताले पाय्दा इले. अदिनेनाह्क तेळियवव बासाने वळ्ह्कवाह्काय, देवुळता जीवाता दळ्मते वळ्ह्कवाले बेरोग़.
Piblisite