1 कुरिंततोर 12:13 - माडिया गोंड पवित्र सास्त्रम

¹³ अद इद्रमि: माट यहुदिर आयि, यहुदि आयवोर आयि, ओर्युलतोर आयि, ओर्युल आयवोर आयि, माट सबेटोराङ जीवानगा, देवुळ उंदिय जीवातुन वळता. विस्वसि मन्कल बेस्के येसुना पेदिरते एग़ मीस्तोग़, अस्केने देवुळता जीवा ओन दुस्रोर विस्वसिरा संगे जोळे कीस्ता. माट सबेटोरल किर्स्तुना मेंदुलताङ कय्क-काल्क आतपु, इद्रम कीस्ता.

1 कुरिंततोर 12:13 Referans Kwoze

इपिसुसतोर 4:5

येसुसामि वग़ोग़े मावा सामि. माट कतमतोरल ओनाय पेदिरते एग़ मीतल. ओसो विस्वसता उंदिय अग़दे ताकिह्‌नल.

कुलुसितोर 3:11

पूना पिसमुळ दोर्किह कीताह्‌कु, डायना रिवज कीतोग़ यहुदि मन्कल मनेग़, डायना केवोग़ यहुदि आयवोग़ मनेग़, कग़यतोग़ मनेग़, गेळा-माळातोग़ मनेग़, ओर्युलतोग़ मनेग़, मता मन्कल मनेग़, इव पोल्‍लोङ देवुळता मुनेह बेराङ आयोङ. बाराह्‌क इतेके किर्स्तुये मोदुल आंदोग़, ओग़ माट सबेटोर विस्वसिरगा मन्ह्‌तोग़.

गलातितोर 3:28

यहुदि जाततोग़ आयेग़, दुस्रा जाततोग़ आयेग़, ओर्युलतोग़ आयेग़, माल्काल आयेग़, आंचाळ आयि, कोय्तोग़ आयेग़, इद्रम उड्लोग़-बेरोग़ बातय इले; मीट सबेटोर विस्वसिरिर इतेके, किर्स्तु येसुना राजेमते उंदिय मह्‌निर, इदिन सीता कीम्ह्‌टु.

1 पत्रु 3:21

अद पोल्‍लोता लेह्‌काने, इंजेके (मीटु विस्वसिर आतिर अस्के,) येसुना पेदिरते एग़ मीताह्‌कु, बेद लावते देवुळि येसु किर्स्तुनु हामुरताहि जीवा अर्ह्‌ता, अदे लावते मीट पिसिह्‌निर. इद बेद्रमता इतेके, मेंदुदा माच एडग़ा इनजोरे, मीयनद आयो; मति नावा जीवा कसुरलेवप आयि इन्जि, पूरा जीवाताहि देवुळतुन ताल्ह्‌कनद आंदु.

रोम सहरतोर 3:29

(इद पोल्‍लो वने विचर कीस ऊळाटु,) देवुळि सिरप यहुदिराय देवुळिया? आयो! अदु यहुदिरा वने, यहुदि आयवोरा वने देवुळि.

योहन 4:10

येसु तान इतोग़, “देवुळ बेद देय्वा नीक ईकन इन्ह्‌ता, ओसो उनडलाह ईम इनजोर नीक ताल्ह्‌कवाल बोग़ु, इदिन निमा पुतेके, नाक निमा अद देय्वातुन ताल्ह्‌केनिन. अस्के नना नीक जीवात मनदनद एग़ एवेनन.”

लूकाल 3:16

अदिन पुन्जि योहन सबेटोरिन इद्रम इतोग़, “नना इतेक लोकुरिह्‌क देवुळता पेदिरते एतेन मीहतलाह आतन. मति ओर्वोग़ बार वायलाह आतोग़, ओग़ नाकाय वीळिसि बेरा लावतोग़ आंदोग़, ओना कादुन इटलाह वने नना ओप्पोन, अचोन नना उड्लोनन! ओग़ देवुळता पवित्र जीवाते ओसो किसते मीक मीहवाल आयनोग़.

मत्याल 3:11

तमा पापमताहि मिळ्न्दतोर इन्जि तोहतलाह, नना लोकुरिह्‌कु देवुळता पेदिरते सिरप एते मीहवानन आंदन. मति नाक तेला बेह्‌रोग़ ओर्वोग़ डीसातोग़ मन्ह्‌तोग़, ओग़ नावा पया वायनोग़. ओना कादुन इटलाह वने नना ओप्पोन, अचोन नना उड्लोनन! ओग़ देवुळता पवित्र जीवाते ओसो किसते, मीक मीहवाल आयनोग़.

इपिसुसतोर 5:26

ओरिन एग़लेह्‌काडा तना पोल्‍लोते एडिह कीस, तनेनाह्‌क एग़िह कीयलाहि,

योहन 4:14

मति नना ईयनद एतुन बोर उनडनुर, ओरिह्‌क पया मुर्तिय एग़ उनडा वसो आयग़ा. नना ईयनद एग़ मात्रम, ओरा लोप्पा अमेसा पिसलाह ईयनदु, ऊता एग़लेह्‌का पोङग़ा,” इनजोर इतोग़.

योहन 3:5

इतस्के “इह केंजा, नना सेतेम वेहतह्‌नन, बोग़े एताहि ओसो देवुळता जीवाताहि पुटवालेवा, देवुळ राजेम केवालोर लोकुरगा ओन्कु जागा दोर्को आयग़ा.

गलातितोर 3:23

मति विस्वसता कालम वायनामुने, माकु यहुदिराङ अडोङ राका कीतप आंदुङ. इतेके विस्वसता अग़ि पुनाह्‌जोमु, माट दोहतप लेह्‌का मंदल.

1 कुरिंततोर 10:2

मोयुल सबेटोरिन मुळ्हच मता, ओसो देवुळि सम्दुरतुह्‌क अग़ कीसीताह्‌के, सम्दुरता नडुमतुह्‌क ताकतोर. इद्रमि देवुळि ओर सबेटोरिन मोसा मुय्तोना अदिकरते ताकवालोर कीता.

योहन 6:63

मन्कना बुदते विचर केमाटु, ताना पाय्दा बातय इले. मति देवुळता जीवाताहि दोर्कनद बुदते ताकतेकेने, मीकु तानग्डाहि करलता पिसमुळ दोर्कग़ा. बेव गोटिङ नना मीक वेहतन, अव देवुळता जीवाताङ गोटिङ आंदुङ, अविन नमतेके मीकु करलता पिसमुळ दोर्कग़ा.

इपिसुसतोर 6:8

ओर्युलतोग़ आयेग़, ओर्युल आयवोग़ आयेग़, तना कीयनद बेसता कबळता इसबते, देवुळि ओन्क बूति ईयग़ा इनजोर, मीट पुतिरे.

रोम सहरतोर 4:11

ओग़ डायना रिवज केवस्केन, देवुळतुन विस्वस कीतोग़. अदिनेनाह्‌क अद ओन सेतेमतोनिन इता. ओना विस्वसते ओग़ देवुळता मुनेह सेतेमतोग़ आतोग़ इनजोर तोहतलाह, देवुळि ओन डायना रिवजता सीना कीया वेहता. इंजेक वने डायना रिवज केवा, देवुळतुन विस्वस केवालोर सबेटोरिन, अद सेतेमतोर इन्ह्‌ता. अदिनेनाह्‌क विस्वसतेनाह ऊळिसि, ओरा वने अब्रहम पेदामुय्तोग़ आस्तोग़.

योहन 1:16

देवुळता मग़ि देवुळता देय्वाते निंदिस मताह्‌कु, ओनग्डाहि माकु देय्वा दोर्कसोरेन मन्ह्‌ता.