1 कुरिंततोर 11:30 - माडिया गोंड पवित्र सास्त्रम

³⁰ अदिनेनाह्‌क मियग्डाहि वेल्‍लाटोर मन्कलोर लावलेवप आतोर, दुक अरतोर, वेल्‍लाटोर डोलतोर वने.

1 कुरिंततोर 11:30 Referans Kwoze

तोहचीतव पोल्‍लोङ 3:19

बोरिन-बोरिन नना जीवा कीतन, ओरिन सुद्रे कीयलाह तेर्हतह्‌नन. अदिनेनाह्‌क जिद कीसि, मीवा लेसिस दायनद अग़दाहि मल्म्ह्‌टु.

1 तिसलुनितोर 4:14

डोलतोर विस्वसिरा बह आस्ता इतेके, येसु डोलिसि जीवा अरतोग़, ओसो मल्स वायनोग़ इन्जि, माट विस्वस कीय्ह्‌नल. अद्रमे डोलतोर विस्वसिरिन, देवुळि मेंदुल अग़्के जीवा अर्हचि, ओरिन येसुना संगे देवुळदीपते ततग़ा.

1 कुरिंततोर 15:51

इद केंजाट! इचानाह मन्कलोर पुनवद पोल्‍लोतुन मीक वेहतह्‌नन: माट मन्कलोरग्डाहि उच्वुर मन्कलोरल डोलवल, मति आक्रिता अकुम ऊरतस्के, माट सबेटोरल बद्लेम आयकल. आक्रिता अकुम केंज वायग़ा. अस्के देवुळि डोलतोर विस्वसिरिन, बेस्केन कळियवद मेंदुल अग़्के, अस्केडा अस्केन ओसोवने जीवा अर्हतग़ा. अस्के माट जीवात मनवालोरल बद्लेम आयकल.

1 कुरिंततोर 11:32

मति उंद पोल्‍लो मन्ह्‌ता: विस्वस केवोर मन्कलोरा संगे माट बूळेम आयना आयो इनजोरे, सामिनाहि माक सुद्रे कीयनद सिक्सा वास्ता.

बळयिर 13:36

(पवित्र सेवकनन इनजोर, दाविद तन्क इनोग़ इन्जि माट पुतल. बाराह्‌क इतेके,) दाविद तना वेलाते, देवुळि ओन्क ईतद कबळतुन, मारिह कीसि डोलतोग़. डोलतस्के ओनाङ तादोर-बाबोराङ सेत्तानु बेगा मिसतोर, अगान ओना सेत्तातुन वने मिसतोर, अस्के ओना सेत्ता कळियता.

बळयिर 7:60

पया मिंडाङ कोटिसि बेरा लेङते “ए सामि, वेर मन्कलोर कीतद इद पापमता बद्ला ओरिह्‌क एमा,” इनजोर वळ्ह्‌किसि डोलतोग़.

1 कुरिंततोर 11:29

सामिन सीता कीयनद आरतुन, अंगुर जोमातुन तिनवालोर-उनवालोर, ताना अर्तमतुन बेस पुनिर. बाराह्‌क इतेके सामिना मेंदुलतुन पास्कवालोर, तमाय पोग़ोन सिक्सा वानाह कीस्तोर.

1 कुरिंततोर 11:31

मति माट कुदतुन बेस-नेह्‌ना पर्ह्‌किस ऊळतेके, देवुळि मावा पोग़ोन सिक्सा वाटो.