1 कुरिंततोर 11:25 - माडिया गोंड पवित्र सास्त्रम

²⁵ अद्रमलेह्‌काने तितापया, अंगुर जोमा मतद बट्कितुन पोयतोग़, पोसि “इदिन उन्ह्‌टु! इद बट्किता अंगुर जोमा, नावा नेतुरता सीना आंदु. देवुळि लोकुरा संगे कीयनद पूना करलतुन, अद नेतुर निल्पिह कीस्ता. मीट इद्रम बेस्के उनडकिर, अस्के (नावा नेतुर मियेनाह्‌क पोवता इन्जि,) सीता कीस उन्ह्‌टु,” इतोग़.

1 कुरिंततोर 11:25 Referans Kwoze

लूकाल 22:20

इद्रमलेह्‌का ओर सबेटोर तितापया बट्कितुन तेहचि, “इद बट्किता अंगुर जोमा, नावा नेतुरता सीना आंदु. लोकुरा संगे देवुळ कीयनदु पूना करलतुन, इद नेतुर निल्पिह कीस्ता. मियेनाह्‌क नावा नेतुर नेल पोङग़ा.

इब्रितोर 13:20

सुकम ईयनद देवुळि, तना विचर कीतप लेह्‌का मीट कीयनाह, मीक सबे बेसताङ पोल्‍लोङ ईयि. येसु किर्स्तुना मेटे, मावा ताकमुळतगा तान्क विचर वातव पोल्‍लोङ आयिङ. किर्स्तु येसुना नेतुरता मेटे, देवुळि मावा संगे अमेसातुह्‌क मनदनद पूना करलतुन निल्पिह कीयलाह आता. इद पूना करल नितना इन्जि, देवुळि येसुन ओसोवने हामुरताहि जीवा अर्हता, इद्रमि येसु किर्स्तु मावा बेरोग़ कोपाल आतोग़. ओने मन्कलोर अमेसा-अमेसातुह्‌क मान ईयिर. आमेन.

2 कुरिंततोर 3:6

देवुळि इंजेके मन्कलोरा संगे पूना करल कीता. अद करलतुन पोकुर कीयनद सेवा कीयलाह, माक ओप्पे कीता. अद पूना करल मोसाल रासतव अडोना इसबते आयो, मति देवुळता जीवाता इसबते आंदु.(बोग़े रासतव अडोन पूरा नोम पग़वोग़,) अदिह्‌क अवु माक हामुरतेके ओसीस्ताङ. देवुळता जीवा बार, माक अमेसाता पिसमुळतके ओसीस्ता.

1 कुरिंततोर 10:16

सामिना कुळ्पि तिनदह्‌पा, माट उंदिय बट्किताहि अंगुर जोमा उह्‌नल. तानेनाह्‌क सामिन जोहर कीय्ह्‌नल. माट उंदिय बट्किताहि उनडह्‌पा, किर्स्तुना नेतुरता मेटे, माट ओना संगे जोळेम आतल इनजोर तोहतह्‌नल. अहे माट उंदिय आरताङ किळ्केन तिनदह्‌पा, किर्स्तुना मेंदुलता मेटे, माट ओना संगे जोळेम आतल इनजोर तोहतह्‌नल.

2 कुरिंततोर 3:14

मति देवुळता वेह्‌च मोसानाङ केंजतोरा बुदते ओळियो, ओर गळ्स आतोर. नेंड वने इस्रयेलतोर यहुदि मन्कलोर, तमा जमा आयनगा, देवुळि ईस मतद पाळ्ना करलता अर्वनदिन केंजिह्‌तोर. मति ओरा बुदतुन बातालो मुळ्हतप लेह्‌कान मताह्‌कु, ओर सेतेम पोल्‍लोतुन पुनोर. किर्स्तुये ओरा बुदतुन तेग़िय पग़यह्‌तोग़.

1 कुरिंततोर 11:24

पोसि देवुळतुन जोहर कीतोग़. पया आरतुन किळ्हचि, तनाङ कग़यवालोरिह्‌क तूसिस ईयह्‌पा, इद्रम वेहतोग़, “इदु! मियेनाह्‌क नना ईयनद नावा मेंदुलि! नाक सीता कीयलाह, मीट वने आरतुन किळ्हचि तिनदनद कीसोर मन्ह्‌टु,” इनजोर वेहतोग़.