1 कुरिंततोर 11:17 - माडिया गोंड पवित्र सास्त्रम

¹⁷ इंजेके ओसो उंद पोल्‍लो मन्ह्‌ता. मीट मोळ्कलाह जमा आय्ह्‌निर, मति जमा आयनद पाय्दा आयवालेवा, मीवा नुस्कन आसोर मन्ह्‌ता अले. मीट इद्रम कीयनद नाक विचर वावो.

1 कुरिंततोर 11:17 Referans Kwoze

इब्रितोर 10:25

उच्वुर ऐंगेन जमा आयनदिन विळ्सतोर, ओरा लेह्‌कान माट जमा आयनदिन विळ्सवल. विस्वसते मेग़्किस मनदलाहि, ओर्विना-ओर्वोग़ तोळ आयकल. सामि वायनद दिया एवयलाह आता, इदिन मीट पुतिर. अदिनेनाह्‌क माट ओसोय जिदते इद्रम कीसोर मनदकल.

1 कुरिंततोर 14:23

मीट विस्वसि मुल जमा आतस्के, मीट सबेटोरिर तेळियवव बासाने वळ्ह्‌केरिर. अस्के मीट वळ्ह्‌किह्‌पा, येसुना लोप्पा तेळियवोग़ मन्कल, इलवेके येसुन विस्वस केवोग़ मन्कल, मियगा ओळियेग़. अस्के मीट वळ्ह्‌कनदिन केंजिसि, वेर कोन पिसाङ आतोर इनजोर इनोग़ा? (अह इन्जि, मीवा संगे कलियोग़ आयनोग़ बहे. इद्रमलेह्‌का मीट तेळियवव बासाने वळ्ह्‌कनदु, विस्वसलेवोरिह्‌क देवुळताहि जेक आयनद सीना मन्ह्‌ता.)

1 कुरिंततोर 11:22

इद बह कीतिर? लेवोर विस्वसिरिह्‌क बेसता गाटो तूसवा, ओरिन लजा कीय्ह्‌निर, इद्रम कीस देवुळता मुडुन पास्किह्‌निर! इद्रम कीयना वाटो, जमा आयनामुने, मीवाङ लोह्‌कने तिन्ज वातेक बेसु. इद पोल्‍लोतुन नना बाताल इनजोर वेहतकन? बेस-नेह्‌ना कीयलाह आतिर इनदकना? आयो! मुर्तिय अद्रम इनोन.

1 कुरिंततोर 14:26

मावोर विस्वसिरिर! इंजेके इदे पोल्‍लो मन्ह्‌ता: मीट देवुळतुन मोळ्कलाह जमा आतस्के, ओर्वोग़ पाटा ओयेग़, ओर्वोग़ काग़्हेग़, ओर्वोग़ मकतव पोल्‍लोन पेसिह कीसीयेग़, ओर्वोग़ तना तेळियवद बासाते वेहेग़, ओर्वोग़ तान तेळियिह कीसीयेग़, इव सबे विस्वसिरा मुडा विस्वसतुन बेस-नेह्‌ना मेग़्किह कीयलाह कीयनदु.

1 कुरिंततोर 11:2

मीट नाक सबे पोल्‍लोने सीता कीय्ह्‌निर, अहे नना मीक काग़्हतव पोल्‍लोना लेह्‌काने ताकिह्‌निर, बेस-नेह्‌ना कीय्ह्‌निर.

1 कुरिंततोर 11:34

बोन्काय कग़्व वसतेके, ओग़ तना लोन तिन्ज वायेग़. अस्के मीट जमा आतस्के, सबेटोरिह्‌क आलनाह तिनदा दोर्कग़ा. अद्रम केवेके, देवुळताहि सिक्सा दोर्कग़ा. इंजेके पिसताङ पोल्‍लोन बह कीयनद, नना मियगा वातस्केन वेहतकन.

1 कुरिंततोर 11:20

मीट सामिन सीता कीयनद कुळ्पि इनजोर जमा आय्ह्‌निर, अस्के मीट दुस्रोरिन केपवा, आपुना-आपुना गाटोतुन तिनदलाह गाबरते मह्‌निर. बोग़-बोग़ कग़्वते मन्ह्‌तोग़! बोग़-बोग़ तिन्जि-उन्जि मन्ह्‌तोग़! इद्रम आतेके, तेन सामिना कुळ्प इनजोर बह इह्‌निर?

रोम सहरतोर 13:3

बेसताङ कबस्क केवाल सर्करतुह्‌क बाराह्‌क रेयनोग़? लाग्वाङ कबस्क केवाले रेयनोग़. सर्करतुह्‌क रेयवालेवा मनदना इतेके, मीट बेसताङ कबस्क कीम्ह्‌टु. अस्के ओर मीक बेसतोर इनजोर इनदनुर.