1 कुरिंततोर 10:28 - माडिया गोंड पवित्र सास्त्रम

^28-30 मति तिनवालोरगा बोग़ाय, इद पेन-बोमानेनाह्‌क वाटटदु इनजोर वेहतेक अचोन, तान तिनमाट. मीट इद्रम इनेरिर, “दुस्रोन्क पोलिह्‌ताया पोलो इनजोर, माट बाराह्‌क तिनोम आयकोम? माट बातालाय तिनदा पग़यह्‌नोम. माट देवुळतुन जोहर कीसि, तान तितेक अचोन, मावा पोग़ोन तिपल बाराह्‌क वास्ता?” इनेरिर. इद सामिनाहि वाता, तितेके बाताल आयो इन्जि, मीट पुतिरे. मति मीक वेहवाल मन्कल, पोलिह्‌ताया पोलो इनजोर पुनोग़. पुनवाह्‌कु मीट तिनदनदिन ऊळिसि, ओग़ विस्वसताहि लेसनोग़ बहे.

1 कुरिंततोर 10:28 Referans Kwoze

1 कुरिंततोर 8:7

मति सबेटोर विस्वसिर इद पोल्‍लोतुन पुनोर. उच्वुर मन्कलोर मुने पेन-बोमानु मोळ्किस मर्सताह्‌कु, नेटा दिया एवनाह, पेन-बोमानेनाह्‌क मोळ्कतव अविङ तिनदह्‌पा, अव पेन-बोमाह्‌क वाटटव इनजोर, सीता कीस तिन्ह्‌तोर. (ओरा नेह्‌ना-लाग्वा पुनदनद बुद बेर्सवा मताह्‌कु, इविन तिनदनद पोलिह्‌ताया, पोलो इनजोर पुनोर.) अदिनेनाह्‌क अद्रमताङ अविङ तिताह्‌कु, कळ्‍वोग़ आतोम इनजोर, ओरा जीवा चुहेम आयो.

रोम सहरतोर 14:15

नावा विस्वस पका मेग़्कता, नना विचर वातद तिनदा पग़यह्‌नन इनजोर इह्‌निर, मति मीवा तिनमुळते मीवा ऐंगेटोग़ विस्वसिह्‌कु एग़्कुळ आतेके, इद बहु? ओन वने पिसिह कीयलाह, किर्स्तु तना जीवा ईतोग़, अदिनेनाह्‌क मीवा तिनदना तिंडटे, ओना विस्वसतुन बूळे केमाटु. अद्रम कीतिर इतेके, मीट मीवा ऐंगेटोन निटमे जीवा केविर.

1 कुरिंततोर 8:9

उंद पोल्‍लोतुन सीताते तासाट: मीट विस्वसते बेस मेग़्कताह्‌कु, मीवा विचरते सबे पोलिह्‌ताङ. मति इद पोल्‍लोता मेटे, पोलिह्‌ताया पोलो इनजोर, विस्वसते मेग़्कवोरिन पापमते अरनाह कीयनद आयो.