1 कुरिंततोर 10:23 - माडिया गोंड पवित्र सास्त्रम

²³ मीट वेहतह्‌निर, “माक सबे कीयलाह पोलिह्‌ता” इह्‌निर, मति नना वेहतह्‌नन, “सबे कीयलाह पोलिह्‌ता, मति सबे कबळतुह्‌क अरवोङ” इह्‌नन. सबे कीयलाह पोलिह्‌ताये, मति विस्वसिरा मुडोरिर मीक विस्वसते बेर्सलाहि, सबे कबळतुह्‌क अरवोङ.

1 कुरिंततोर 10:23 Referans Kwoze

1 कुरिंततोर 6:12

मीट उच्वुर मन्कलोरिर, माक सबे कीयलाह पोलिह्‌ता इह्‌निर. अद निटमे, मति सबे कबस्कनाहि पाय्दा दोर्को इह्‌नन. नाक सबे कीयलाह पोलिह्‌ताये, मति बेदिने नाक आव्रे कीयलाह एवोन.

1 कुरिंततोर 8:9

उंद पोल्‍लोतुन सीताते तासाट: मीट विस्वसते बेस मेग़्कताह्‌कु, मीवा विचरते सबे पोलिह्‌ताङ. मति इद पोल्‍लोता मेटे, पोलिह्‌ताया पोलो इनजोर, विस्वसते मेग़्कवोरिन पापमते अरनाह कीयनद आयो.

इपिसुसतोर 4:29

बेदे लाग्वा पोल्‍लो मीवा तोडटग्डाहि पेसमाकि, मति केंजवालोरिह्‌कु पाय्दा आयनव पोल्‍लोङ पेसिङ! ओरिह्‌क बातालता गर्ज मन्ह्‌ता, तान ऊळिसि, ओरा कबळतुह्‌क अरयनव पोल्‍लोङ वळ्ह्‌काटु.

1 तिसलुनितोर 5:11

अदिनेनाह्‌क मीट इंजेके कीय्ह्‌निर अद्रमलेह्‌कान, ओर्विह्‌क-ओर्वोग़ दीरा ईम्ह्‌टु, ओसो ओर्विह्‌क-ओर्वोना विस्वसतुन बेर्सिह कीम्ह्‌टु.

रोम सहरतोर 14:15

नावा विस्वस पका मेग़्कता, नना विचर वातद तिनदा पग़यह्‌नन इनजोर इह्‌निर, मति मीवा तिनमुळते मीवा ऐंगेटोग़ विस्वसिह्‌कु एग़्कुळ आतेके, इद बहु? ओन वने पिसिह कीयलाह, किर्स्तु तना जीवा ईतोग़, अदिनेनाह्‌क मीवा तिनदना तिंडटे, ओना विस्वसतुन बूळे केमाटु. अद्रम कीतिर इतेके, मीट मीवा ऐंगेटोन निटमे जीवा केविर.

1 कुरिंततोर 14:17

निमा इतेके देवुळतुन बेस-नेह्‌ना जोहर कीय्ह्‌निन, मति इदिने नीक केंजवालोरा विस्वस बेस-नेह्‌ना मेग़्को!

1 कुरिंततोर 14:26

मावोर विस्वसिरिर! इंजेके इदे पोल्‍लो मन्ह्‌ता: मीट देवुळतुन मोळ्कलाह जमा आतस्के, ओर्वोग़ पाटा ओयेग़, ओर्वोग़ काग़्हेग़, ओर्वोग़ मकतव पोल्‍लोन पेसिह कीसीयेग़, ओर्वोग़ तना तेळियवद बासाते वेहेग़, ओर्वोग़ तान तेळियिह कीसीयेग़, इव सबे विस्वसिरा मुडा विस्वसतुन बेस-नेह्‌ना मेग़्किह कीयलाह कीयनदु.

1 कुरिंततोर 14:12

अदिनेनाह्‌क मीट देवुळता जीवाताङ बुदिन दोर्किह कीयलाह ऊळवालोरिर, विस्वसिरा मुडा विस्वसतुन पूरा मेग़्किह कीयनद बुदतुन, दोर्किह कीयलाह ऊळाटु!

1 कुरिंततोर 8:1

इंजेके पेन-बोमानेनाह्‌क वाटटव अविना लोप्पा ताल्ह्‌किस मतिर. इद पोल्‍लोता लोप्पा माट बेस-नेह्‌ना पुतोम इन्जि, उच्वुरिर इह्‌निर. अद निटमे मति, माट पका पुतोरोम इनवालोर, माट बेरोरोम इन्जि पोग़यसोर तिरियिह्‌तोर. जीवा केवालोर बारा, दुस्रोरा पाय्दातुन ऊळिह्‌तोर.

2 कुरिंततोर 12:19

मयगा कसुर इले इन्जि, मीक तोहतलाह इचोन वेहतोम इनजोर, विचर कीय्ह्‌निरा? अद्रम आयो! माट इतेके देवुळता मुनेह, किर्स्तुना अदिकरते वळ्ह्‌कलाह आतोम. नावा गोततोरिर! माट बाताल कीय्ह्‌नोम, अद सबे मीवा विस्वस बेर्सना इनजोर, कीयलाह आतोम.