1 कुरिंततोर 10:16 - माडिया गोंड पवित्र सास्त्रम

¹⁶ सामिना कुळ्पि तिनदह्‌पा, माट उंदिय बट्किताहि अंगुर जोमा उह्‌नल. तानेनाह्‌क सामिन जोहर कीय्ह्‌नल. माट उंदिय बट्किताहि उनडह्‌पा, किर्स्तुना नेतुरता मेटे, माट ओना संगे जोळेम आतल इनजोर तोहतह्‌नल. अहे माट उंदिय आरताङ किळ्केन तिनदह्‌पा, किर्स्तुना मेंदुलता मेटे, माट ओना संगे जोळेम आतल इनजोर तोहतह्‌नल.

1 कुरिंततोर 10:16 Referans Kwoze

बळयिर 2:42

विस्वसिर किर्स्तुनाङ बळयिर काग़्हतनाङ पोल्‍लोन केंजसोरे, ऐंगेन कलियसोरे, किर्स्तुना मोकता सीता कीसि ऐंगेन आरिङ तिनजोरे, पार्तना कीसोरे, इद्रम मंदुर.

1 योहन 1:7

मति देवुळि बेद्रम वेह्‌चते मन्ह्‌ता, अद्रमलेह्‌का माट वने ताना वेह्‌चते ताकतेके, ओर्विह्‌क-ओर्वोग़ कलियिस मह्‌नल. ओसो देवुळता मग़ि येसुना नेतुर, मावा सबे पापमतुन एडिह कीस्ता.

इब्रितोर 3:14

अहे माट मुने कीतद विस्वसतुन, आक्रि एवनाह विळ्सवालेवा मतल इतेकेने, माट किर्स्तुनाङ सबे पोल्‍लोने पोत्ला आयकल.

बळयिर 2:46

दिनम उंदिय एकाते मंदिरताङ मंडानगा कलियिंदुर. ओसो गिर्दाते, बेसतल बुदते, लोह्‌क-लोह्‌क जमा आसि, ऐंगेन जावा उंडुर, अहे (किर्स्तुना मोकता सीता कीसि) आरिङ तिंदुर.

1 कुरिंततोर 1:9

देवुळि तना मग़ि, मावा येसुसामि किर्स्तुना संगे, मीक कलियिस मनदलाह केयता. अद देवुळि बर्वस लायकता आंदु.

1 योहन 1:3

देवुळबाबाना मग़ि येसु किर्स्तुन माट ऊळतोम, ओनाङ केंजतोम. मीट वने मावा संगे कलियिस मनदना इन्जि, ओना कबुरतुन मीक वेहतह्‌नोम. माट सबेटोरल ऐंगेन कलियिस मतल इतेके, देवुळबाबाल ओसो येसु किर्स्तु, वेरा संगे कलियिस मतप आस्ता.

बळयिर 20:7

पया ऐतारम दिया, किर्स्तुना मोकता सीता कीसि आरिङ तिनदलाह, विस्वसिरा संगे जमा आस मतोम. अस्के पोलु इमा दिया अग्डाहि दायना मताह्‌कु, ओरिह्‌क नडुमनग़्का एवनाह पोल्‍लोङ वेहचोरेन मतोग़.

1 कुरिंततोर 12:13

अद इद्रमि: माट यहुदिर आयि, यहुदि आयवोर आयि, ओर्युलतोर आयि, ओर्युल आयवोर आयि, माट सबेटोराङ जीवानगा, देवुळ उंदिय जीवातुन वळता. विस्वसि मन्कल बेस्के येसुना पेदिरते एग़ मीस्तोग़, अस्केने देवुळता जीवा ओन दुस्रोर विस्वसिरा संगे जोळे कीस्ता. माट सबेटोरल किर्स्तुना मेंदुलताङ कय्क-काल्क आतपु, इद्रम कीस्ता.

बळयिर 20:11

पया ओर पोग़ोन अतोर, अन्जि किर्स्तुना मोकता सीता कीसि, आरिङ किळ्हचि तितोर. पया पोलु विस्वसिरा संगे पङवियनाह वळ्ह्‌कसोर मतोग़. पया अग्डाहि अतोग़.

लूकाल 22:17

पया अंगुर जोमा मतद बट्कितुन तेहचि, देवुळतुन जोहर कीतोग़. कीसि, “इदिन तूसिस उन्ह्‌टु” इन्जि कग़यवालोरिह्‌क ईतोग़.

1 कुरिंततोर 10:15

मीट बुद पुतोर मन्कलोरिर इनजोर पुन्जि, नना वेहतलाह आतन. नना वेहतनव पोल्‍लोन, मीटे बेस-नेह्‌ना विचर कीस ऊळाट.