1 कुरिंततोर 1:27 - माडिया गोंड पवित्र सास्त्रम

²⁷ बुदतोर मन्कलोरा लजा रेहतलाहि, दुनियातोर बोरिन-बोरिन बुदलेवोर इन्ह्‌तोर, ओरिन देवुळि आचता. लावतोर मन्कलोरा लजा रेहतलाहि, दुनियातोर बोरिन-बोरिन कबळतुह्‌क ओजवोर इन्ह्‌तोर, ओरिन आचता.

1 कुरिंततोर 1:27 Referans Kwoze

याकुब 2:5

मावोर विस्वसिरिर, केंजाट! इद दुनियातोरा इसबते बोर गरिबते मन्ह्‌तोर, ओरिन विस्वसते बेरोर कीयलाह, देवुळि आचताया, आचो? नावा राजेम मियेनाह्‌के आयग़ा इन्जि, देवुळि तन्क जीवा केवालोरेनाह्‌क पोल्‍लो विळ्सिस मता इन्जि पुतिर; अदे राजेम गरिबतोर विस्वसिरिह्‌क आयग़ाया, आयो?

मत्याल 11:25

अस्के येसु देवुळतुन जोहर कीस इतोग़, “ए बाबा! इळ्ता, पोग़ोटा बूमता सामिनिन! नना नीक जोहर कीय्ह्‌नन, बाराह्‌क इतेके निमा इव सेतेम पोल्‍लोनु, बुदतोरोम, पका तेळियतोरोम इनवालोरिह्‌क तोहवालेवा, उड्लोरोम, बुदलेवोरोम इनवालोरिह्‌क तोहतिन.

1 कुरिंततोर 1:20

अद इसबते देवुळता मुनेह, बुदतोरोम तेल्वतोरोम इनजोर इनवालोर, बाताले कबळतुह्‌क अरवोर. सास्त्रमगूरुर बाताले कबळतुह्‌क अरवोर. दुनियातगा बेस-नेह्‌ना वळ्ह्‌कवालोर, बाताले कबळतुह्‌क अरवोर. दुनियातोर बेदिन बुदि इन्ह्‌तोर, तान देवुळि बुदलेवद इनजोर तोहता.

लूकाल 21:15

मीक बाताल वळ्ह्‌कना मन्ह्‌ता, ताना बुदि नना मीक ईकन. मीवा कोटुलतोर मीवा पोल्‍लोतुन केंजतस्के, पोल्‍लो मल्हता पग़वोर आयनुर. मीवा पोल्‍लोतुन जोल वने तोहता पग़वोर आयनुर.

2 कुरिंततोर 4:7

बंगर-वेंडिन रेंड दियाना अळ्कातगा तासना लेह्‌कान, बेसता कबुरतुन देवुळि मयगा ईता. इद बेसता कबुरता वेहता वावप मनदनद लावु, मयग्डाह आयो, मति तानग्डाहिये मन्ह्‌ता इनजोर तोहतलाह, अद्रम कीता.

मत्याल 21:16

“पिलाङ-पेकोर नीकु बार इन्ह्‌तोर, तेन निमा केंजतिना?” इन्जि वेर येसुन कट्ला कीतोर. पया येसु इतोग़, “इंगो रा, ओर सेतेमे इन्ह्‌तोर! मति मीटु बेस्काय सास्त्रमते इद्रम अर्विसि ऊळतिरा: निमा उड्लोर पेकोराङ, बाला पेकोराङ तोडिनाहि, नीक जोहर कीयनव पाटाङ पेसनाह कीतिन”?

2 कुरिंततोर 10:10

नना इद्रम बाराह्‌कु वेहतह्‌नन इतेके, “पोलु तनाङ सीटिने बेराङ-बेराङ, पका कळक पोल्‍लोङ रासिह्‌तोग़, मति मावा संगे मनदह्‌पा, लावलेवप लेह्‌कान दिसिह्‌तोग़, ओग़ बेस-नेह्‌ना वळ्ह्‌क पुनोग़” इनजोर, उच्वुर इन्ह्‌तोर.

मत्याल 9:9

अग्डाह पया येसु पेसिस अनेके, सिद्‌वा एतना नाकातगा, मत्याल इनवाल उदिस मतोग़. ओन ऊळिस येसु इतोग़, “नावाङ कग़यवानिन आयकिन, दय!” अह इताहे, मत्याल तेदिसि येसुना संगे दाया बोटटोग़.

बळयिर 17:18

अस्के इपिकुरि तुंगाता ओसो इस्तोयिकि तुंगाता गूरुर वने, ओना संगे वेल्‍लाङे पोल्‍लोङ वळ्ह्‌कतोर. ओसो उय्तुर “वेग़ पोमाडेङि बाताङ वेहतलाह आतोग़ रा?” इतोर. येसुना लोप्पा, ओसो ओग़ डोलिस जीवा अरतद बेसतल कबुरतुन वेहतह्‌पा केंजिसि, “वेग़ु, माट पुनवाङ पेन्कनाङ पोल्‍लोन पोकुर कीस्तोग़ बहे,” इनजोर उय्तुर इतोर.

बळयिर 7:54

इस्तिपन वळ्ह्‌कतद पोल्‍लोतुन केंजिसि, तग्वाङ केवालोरिह्‌क इचोन ओङ वाता इतेके, ओन ऊळिस तमाङ पल्क कोग़्कलाह बोटटोर.

बळयिर 7:35

“अद्रमे ‘मावा नेयम कीसि, मावा पोग़ोन अदिकर ताकिह कीयलाहि, नीक बोग़ निल्पिह कीतोग़?’ इनजोर, वेग़ मोसा मुय्तोन इस्रयेल मन्कलोर मुनेन पास्किस मतोर, इदिन सीता कीम्ह्‌टु. मति इंजेके वेग़े मोसा मुय्तोह्‌क देवुळि अदिकर ईसि, तना मन्कलोरिन मिसरतोरा कयदाहि विळ्सिह कीस ततनोग़ इनजोर निल्पिह कीसि, किस पोतसोर मतद मरा जपतगा दिसतद देवतुलता मेटे, ओन मिसर देसेमतगा लोहता.

1 कुरिंततोर 1:21

इतेके देवुळि मुनेन तना बुदते इद्रम विचर कीता: इद दुनियाता बुदते, मन्कलोर नाक पुनमाकिर इता. माट किर्स्तुना बेसता कबुरतुन पोकुर कीय्ह्‌नोम. अद पोल्‍लो बुदता, तेल्वता आयो इनजोर, लोकुर पास्किह्‌तोर. मति मन्कलोर पास्कनद पोल्‍लोतेन, विस्वस केवालोरिन पिसिह कीकन इनजोर, देवुळतुह्‌क विचर वाता.

1 कुरिंततोर 2:12

अद तना माक बेचोन देय्वा ईता इनजोर पुनदलाहि, तना जीवातुन माक ईता. देवुळ माक ईतद जीवा, इद दुनियातग्डा आयो.