YOANO 12:49 - Disambi Dipyadipya

⁴⁹ Bwalo buntatôyeli biamene mikyemi ; kate Tete akangutuma amangupa mulangu mikyenci binxetôya yi binxekwambila.

YOANO 12:49 Referans Kwoze

YOANO 14:10

Kusokwetabusa ene, Meme ndi munda mwa Tete, yi Tete udi munda mwamene ? Meyi anwatôyela, kisoatôya biamene kanana, kate Tete asala munda mwamene, yei ndo encenca makisa.

YOANO 8:26

Ndi yi malo mangi kutôya yi kusambola ku bwalo bwenu ; kate you akangutuma udi sôsôlwo, yi malo aa anamakwombwa kudiyi, ka aa angwatôyela loboko.

YOANO 5:30

Meme kibiyi kudiencela kintu kioso mikyemi ; bingwombombwa, ka bingwasambola ; yi kusambola kwamene kudi yi nkwami bwalo buntasopalala nyinga yamene, kate nyinga yenci ya you amangutuma.

YOANO 17:8

bwalo bwa mambi akangupa Owe, meme namabapao, yi bobo bamangata, yi bamalubukwa sôsôlwo ene, nakabatuka kudi ; yi bamakwetabusa ene, Owe wakangutuma.

YOANO 14:31

Kate bixelubukwa loboko ene, ngwananga Tete, yi bea biakangulanga Tete, ndo bingwencenca noku. Nwemani, tuncuki kunu.

YOANO 15:15

Kisonubikila basadi kabidi nyô, bwalo butasolubukwa musadi biencenca fumwanci ; kaninga namanubikila bimbila, bwalo bwa malo moso anamakwombwa kudi Tetemi, namanulubukisao.

YOANO 8:42

Yisu akabambila ene, Ximbi Ncembi akadi Tetenu nuxengunanga, bwalo bunakabatuka kudi Ncembi yi namalwa kudiyi ; bwalo buntasodilula mikyemi, kate yei akangutuma.

YOANO 3:32

Bwalo lolo bwamamonayi yi bwamakwombwayi ndo bwatôbôlayi ; yi kakuna muntu amangata ntôbô yenci.

YOANO 3:11

Sôsôlwo, sôsôlwo nkwatôyela ene, Coco twatôya malo atwalubukwa, yi twatôbôla ntôbô ya malo atwamamona, yi nonu kanusoangata ntôbô yecu.

KIEBEXELU 1:1

KIEBEKELU kia Yisu Kalistu kiakamupa Ncembi, ndo kwebesa basadi banci bintu bixepona mangwoso ; akatuma mwangele and, yi akalubukisa musadi anci Yoano,

YOANO 5:19

Mbwôso Yisu akapingasa yi akabambila ene, Sôsôlwo, sôsôlwo, nwambila ene, Mwana kabiyi kudiencela bwalo bwoso, butena bwalo bwamonayi Tete ubwakisa ; malo moso akisa yei, Mwana ndo akisa kabidi mo nako.

YOANO 6:68

Ximono Pita akamwambila ene, Fumu, tunaya kudi ñani ? Owe udi yi meyi a môyo ă kô kô.

YOANO 7:16

Mbwôso Yisu akabapingasa ene, Kweyesa kwamene kakuna kwamene, kate kwanci kwa you akangutuma.

YOANO 8:28

Mbwôso Yisu akabambila ene, Panakala nwamakwombulula Mwana a muntu, kunyuma nunalubukwa ene, Meme ndi you, yi kisodikixila kintu biamene mikyemi, kate luna biamangweyesa Tete ndo bingwatôya malo aa.

YOANO 14:24

You utasongunanga kasonama meyi amene ; yi diyi dinwombombwa kadina diamene, kate dia Tete akangutuma.