MAKISA 9:31 - Disambi Dipyadipya

³¹ Nako kikokye kiakadi yi polo, ku bungi bwa Yudiya yi Ngalili yi Samalia, yi kiakakwabakibwa ; kiakakwenda lolo mu bowa bwa Fumu, yi mu kibondelu kia Mwoxixi a babala, kiakalundixibwa.

MAKISA 9:31 Referans Kwoze

LOMA 5:5

Yi mudingidilu kausoxipa bundu pô ; bwalo bwamapangufudibwa nyinga ya Ncembi munda mwa micima yecu kudi Mwoxixi a babala amatupebwa.

LOMA 15:13

Ncembi lolo a mudingidilu anwolubisi yi kiango kioso yi polo pa kwetabusa, binuxelekola yi mudingidilu ku ngulu ya Mwoxixi a babala.

MAKISA 8:1

YI Saulu akakwetabuxila kuxipibwa kwanci. Ku diba dedi kwakabanga kukolomona kungi, bwalo bwa kikokye kiakadi mu Yelusaleme ; yi bakacakanixibwa bungi bwabo ca mu mbata ya Yudiya yi Samalia, kutena batumibwi.

EFESO 4:12

bwalo bwa kukukisa bena babala ; ndo ku kwendesa kwa mudimo ă busadi kusala, yi ndo ku kwabaka kwa mumbidi ă Kalistu ;

2 KOLINTI 13:10

Mbwôso ngwafunda bintu bebi pakala ndi kunga, bintaxetôya diyi dikola ku mpala, yi bumanya bwamangupa Fumu bwalo bwa kwabaka yinabu, kumoni bwalo bwa kuxinda paxi.

2 KOLINTI 10:8

Bwalo isanga nxekwana mwanu mungi bwalo bwa bumanya bwecu (bwakapa Fumu ndo kunwabaka, kumoni bwalo bwa kunuxinda), kinaxipibwa bundu ;

2 KOLINTI 7:1

MBWÔSO bwalo bututani yi bilaka bebi banangibwi, tudikusuli mikyecu ku lobindu lwoso lwa munyu yi lwa kidimu, twombudisi babala mu bowa bwa Ncembi.

MAKISA 16:5

Mbwôso bikokye biakasubixibwa mu kwetabusa, yi bakalunda ku bungi dituku dioso.

MAKISA 12:24

Kaninga diyi dia Ncembi diakalunda, diakalelañana.

MAKISA 6:7

Yi diyi dia Ncembi diakadikanana, yi lubadi lwa beyi ba ku Yelusaleme fwakalundixibwa bongonco, yi kibumbu kinene kia makanda akakwedeya kwetabusa.

YUDE 1:20

Mo nonu, banangibwi, pa kudiabaka mikyenu kulu kwa kwetabusa kwenu kwamadika babala, yi pa kulomba mu Mwoxixi a babala,

EBELEO 4:9

Mbwôso kiomowelu kia Sabado kiamasala bwalo bwa bantu ba Ncembi.

1 TIMOTEO 1:4

yi kababaki tufumu macu ndo mena a batete atena kipwilu kia kupwa, biamafikisa mbata, yi kabasofikisa bunkôngôlo bwa Ncembi budi mu kwetabusa.

1 TESALONIKA 5:11

Mbwôso nubondanani yi nwabakanani muntu mwoso muna kwanci, bea binwencenca kabidi.

KOLOSAI 1:10

binuxekwenda bea biaielekyela yi Fumu yi ñonu mioso ; nudi mu kukama mamoma ku mudimo mwoso unengela, yi nudi mu kulunda lunda bwalo bwa kilubukilu kia Ncembi.

FILIPI 2:1

MBWOSO ndo kibondelu kioso kidiko munda mwa Kalistu ndo kusambanina kwoso kwa nyinga, ndo busangilañani bwoso bwa Mwoxixi, ndo mwengo mwoso yi mankangi moso,

EFESO 5:21

Nudipwesi mikyenu muntu kudi muna kwanci muntu kudi muna kwanci mu bowa bwa Kalistu.

EFESO 4:29

Kutôya kwoso kwa musalu kakuncuki ku musuku ěnu, kate kutôya koku noku kwamalelekyela yi mwabakilu mwoso uxekwabakibwa, bixelongolaku lwoxixi kudi bantu baba bombombwa.

EFESO 4:16

Kudiyi kwamakwelekyexebwa bungi bwa mumbidi bileli te, yi ămasambikibwa ku dinyungu dioso luna mwakisadio, bea bidi mukixilu ă kicini kioso pa lwedi Iwakio, ămalundisa mumbidi ndo kudiabaka mikyeu mu nyinga.

2 KOLINTI 12:19

Nonu nwakisa kikondo kincimancima, ene coco tudi mu kudielela mwalo kunudi. Twatôya ku mpala a Ncembi mu Kalistu ; mo twencenca bintu bioso, banangibwi, bwalo bwa kunwabaka nonu.

1 KOLINTI 14:26

Mbwôso bwalo budi beci, bakunyi ? Oka nwasangila, muntu mwoso udi yi musambu, udi yi kieyexelu, udi yi kiebexelu, udi yi ludimi, udi yi kisakolelu. Bintu bioso biencebwi ndo kwabakanana.

1 KOLINTI 14:12

Mo nako nonu, bwalo bunudi yi nyinga ya malongi a Mwoxixi, nupalali kulekola yinao bwalo bwa kwabaka kwa kikokye.

LOMA 14:19

Mbwôso tulandi bintu bia polo, yi bintu bia kwabakanana yinabio muntu muna kwanci muntu muna kwanci.

LOMA 14:17

bwalo butasoakala bufumu bwa Ncembi kudya yi kunwa ; kate nkwami, yi polo, yi kiango mu Mwoxixi a babala.

MAKISA 2:47

badi mu kutumbisa Ncembi, yi bakadi yi makasa anengela ku mpala ya bungi bwa bantu ; yi Fumu akasangisa bantu ku dituku ku dituku badi mu kupandixibwa.

MAKISA 5:11

Yi bowa bungi bwakaponena kikokye bungi bwaklo, yi bantu boso bakakwombwa bintu bebi.

MAKISA 20:32

Nkyekyu lolo meme nwalongola kudi Ncembi yi diyi dia lwoxixi lwanci, dialubukwa kunwabaka, yi kunupa mwokito yi bungi bwabo bamabalolebwa.