MAKISA 24:14 - Disambi Dipyadipya

¹⁴ Kaninga nkwasakolela ene, Mu Ncila abikilabo ene, Busaluki, ndo mungwasadila Ncembi a batetecu, ndi mu kwetabusa bintu bioso biamafundibwa mu bwadi, yi kudi badimuxi ;

MAKISA 24:14 Referans Kwoze

MAKISA 9:2

yi akamulomba mikanda ya kuya yinayo ku Damasako ku bixingidilu ; ene, ndo asañana bantu ba bena ncila you, ndo babalumi ndo babakaxi, abacwali basuka ku. Yelusaleme.

LOMA 3:21

Mo nkyekyu nkwami ya Ncembi yamakwebexebwa kutena bwadi, yamatôbôlelebwa ntôbô kudi bwadi yi kudi badimuxi ;

MAKISA 28:23

Yi pakamuxiyilabo kilaka kia dituku, bakalwa kudiyi ku ncibo anci bangi bangi ; yi akabasakolela, akakwambila dia bufumu bwa Ncembi, yi akababondabonda dia Yisu, yi ku bwadi bwa Mosese yi ku badimuxi, pôi butwatuku pôi butuku.

MAKISA 3:13

Ncembi a Abalami yi a Isaka, yi a Yakobo, Ncembi a batetecu amatumbisa Musadi anci Yisu, unwakalongola nonu, yi nwakamunyañana ku mpala a Pilata, pakadi yei amasambola ene, Apaudibwi.

MAKISA 26:22

Mbwôso binakapomana yi busamunini bulolwa kwa Ncembi, ka binamakwemana pôi dituku dedi, ndi mu kutôbôlela bantu yi babende yi banene, kutena kutôya bwalo butatôyeli badimuxi yi Mosese ene, bunalwa ;

MAKISA 24:5

Bwalo butwamasafiana muntu you muna mulaku mungi, mutombokyexi a bena Yuda ku bungi bwa loboko, yi muntu munene a kibumbu kia baNasalete ;

2 TIMOTEO 1:3

Ngwaxingila Ncembi biloba, unamasadila pôi batetemi yi kilubukilu kia munda kia babala, muntani yi lukanyi lwebe kangala kangala mu miapangusu yamene yi ku butuku yi ku munyinya ;

MAKISA 26:27

Fumu Angilipa, owe wamakwetabusa badimuxi ? Ngwalubukwa ene, wamakwetabusa.

KIEBEXELU 19:10

Yi nakapona paxi ku makasa anci ndo kumuxingila. Yi yei akangwambila ene, Kwenci noku. Meme ndi musadi amasalañana yinebe mudimo, yi bena kwebe badi yi ntôbô ya Yisu. Xingila Ncembi. Bwalo budi ntôbô ya Yisu ku dicina dia kidimuxilu.

1 PITA 1:11

bakadi mu kupalala kikondo, yi butonga bwa kikondo, kiakakwebesa Mwoxixi a Kalistu akadi munda mwabo, pakatôbôlayi buxi dia masama a Kalistu yi dia makai axealanda kunyuma.

TITO 3:10

Muntu ndo udi musaluki, panakala nwamamudimusa dia buxi yi diamubidi, numunyañani ;

NGALATIA 5:20

kixingilu kia ngixi, disombo, nkyetekyete, bitumba, miekunyo, bisusu, mbata, bixe bixe,

1 KOLINTI 11:19

Bwalo buxeakala kabidi bixe bixe pakacikaci penu, bixemoneka bantu pakacikaci penu bamakwalakanibwa.

MAKISA 26:6

Nkyekyu lolo napwemana kunu ndo kusambolebwa, bwalo bwa mudingidilu ă kilaka kiakaxiyidibwa batetecu kudi Ncembi ;

MAKISA 24:22

Mo Felixi, pakalubukwayi sôsôlwo dia Ncila, akabopisa, ene, Panapweka Lisiasa kiliaka, nakumana bwalo bwenu.

MAKISA 22:14

Yi yei ene, Ncembi a batetecu amakusungula ndo kulubukwa nyinga yenci, yi kumona Muna nkwami yiwa, yi kwombwa diyi ku musuku ănci.

MAKISA 19:9

Kaninga pakasuba banga yi bakanyañana, badi mu kutôya bubi dia Ncila ku mpala ya kimbukuma, yei akancuka kudibo, yi akanamuna beyi, udi mu kwambila ku dituku ku dituku mu sikulu a Tilano.

MAKISA 13:15

Yi kunyuma kwa kubala kwa bwadi yi kwa badimuxi, bafumu ba kixingidilu bakatuma kudibo ene, Bena kwecu, aka nudi yi diyi dioso dia kubondabonda bantu, nutôyi.

MAKISA 10:43

Ku bwaio bwanci kwamatôbôla bungi bwa badimuxi ntôbô, ene, ku dina dienci, muntu mwoso umwetabuxila unangata kulekyelebwa kwa mabi.

MAKISA 7:32

ene, Meme ndi Ncembi a batetebe, Ncembi a Abalami, yi a Isaka, yi a Yakobo. Yi Mosese akalukuta, akacina kutebela.

MAKISA 5:30

Ncembi a batetecu akabisa Yisu, unwakaxipa nonu, nwakamukopeka ku muci.

YOANO 1:45

Filipi akasañana Natanyele, yi akamwambila ene, Twamasokolola you akafunda Mosese mu bwadi ku bwalo bwanci, yi badimuxi, Yisu, mwana a Yosefe, udi muna Nasalete.

LUKA 24:44

Yi akabatôyela ene, Aa ndo meyi anakanutôyela pakadi nkidi yinenu, bixefikixibwa malo moso amafundibwa mu bwadi bwa Mosese yi mu badimuxi, yi mu Misambu, ku bwalo bwamene.

LUKA 24:27

Yi akabangola pa Mosese yi pa badimuxi boso yi akabasakolela malo moso mu mukanda ă Ncembi ku bwalo bwanci mikyenci.

LUKA 16:29

Mo Abalami ene, Badi yi Mosese yi badimuxi ; babombweli bobo.

LUKA 16:16

Bwadi bwakadiko, yi badimuxi, pôi Yoano ; pôi kikondo kieki pamakwambidibwa losangu lunengela lwa bufumu bwa Ncembi, yi muntu mwoso udianyukula munda yi ngulu.

LUKA 1:70

Bea biakatôyayi ku misuku ya badimuxi banci ba babala, bamakala pôi kikondo kiakabanga loboko ;

MATEYO 22:40

Ku milangu ibidi yei noku kwamalembelela bwadi buncima bwabu, yi meyi a badimuxi.

MATEYO 10:32

Mbwôso muntu mwoso unangusakola ku mpala ya bantu, meme kabidi nakumusakola ku mpala a Tetemi udi mu diulu.

MATEYO 7:12

Mbwôso bintu bioso binwakyeba bantu banukixili, nubakixili nako kabidi ; bwalo bwapwakala bwadi nako yi badimuxi.

MAKISA 19:23

Yi pa kikondo kieki pakalwa muyengi mungi bwalo bwa Ncila.

MAKISA 15:5

Kaninga banga ba butonga bwa baFalixi bakakwetabusa, bakakwemana, ene, Baxebela bwadi, baxebatôyela ene, banami bwadi bwa Mosese.

MAKISA 25:8

yi Paulu akatôya ku bwalo bwanci ene, Kionene pô ndo bwalo bwa bwadi bwa bena Yuda, ndo bwalo bwa tempelo, ndo bwalo bwa Kyesa.

MAKISA 26:4

Mwosambu ămene lolo pôi bwabuki bwamene, ăkadi yi bubila bwamene ku Yelusaleme pôi bubangabanga, ămalubukwa bungi bwa bena Yuda ;

MAKISA 28:22

Kaninga twakyeba kwombwa kudi owe mwakanyakanya ; bwalo bwa kibumbu kieki, kiamalubukibwa kutudi ene, ku kidi kioso kwamatamunibwakio.

LOMA 1:9

Bwalo budi Ncembi mutôbôdi amene, umwa sadila mudimo ănci ku kidimu kiamene mu losangu lunengela lwa Mwananci, a kutôbôla bingwatamba bwalo bwenu kangala kangala matuku moso ku ndombu yamene,