MAKISA 13:39 - Disambi Dipyadipya

³⁹ munda mwanci lolo, muntu mwoso amakwetabusa amasuwixibwa malo moso, anutabiyi kusuwixibwa ku bwadi bwa Mosese.

MAKISA 13:39 Referans Kwoze

NGALATIA 2:16

bwalo butwalubukwa ene, muntu kasosuwixibwa ku makisa a bwadi, mo ku kwetabusa kwa Yisu Kalistu, isanga coco twamakwetabuxila Kalistu Yisu, bituxesuwixibwa bwalo bwa kwetabusa kwa Kalistu, kumoni ku makisa a bwadi ; bwalo butasosuwixibwa munyu mwoso ku makisa a bwadi.

LOMA 10:4

Bwalo budi Kalistu kisudeyelu kia bwadi ku bwalo bwa nkwamiku mucwe ă muntu mwoso amakwetabusa.

LOMA 8:3

Bwalo bobu butabiyi bwadi kufikisa bwalo bwakadibu kulebela kumucwe ă munyu, Ncembi ndo amabufikisa pa kutuma Mwananci yi bufwani bwa munyu ă bubi, yi ku mucwe ă bubi.

EBELEO 7:19

(bwalo butakukisa bwadi kintu kioso), yi kudi kukitisa mudingidilu ămadika loko utwakokyela pepe yi Ncembi ku mucwe ău.

LOMA 10:10

Bwalo bwamakwetabusa muntu yi mucima ku nkwami, yi ku musuku kwamasakola muntu ku kupandixibwa kwa môyo.

LOMA 8:1

MBWÔSO nkyekyu ku bwalo bwa bantu badi munda mwa Kalistu Yisu, lopelo nyô.

LOMA 4:15

Bwadi ndo bwamalelesa bisusu ; mo kutasoakala bwadi kakuna kabidi kuxipa kwa bwadi.

LOMA 3:19

Mo twalubukwa ene, bintu bioso biamatôya bwadi, bwamatôyela bantu badi muxi mwa bwadi, bixencibikibwa musuku mwoso, bixeakala bungi bwa loboko bena lopelo ku mpala a Ncembi.

LOMA 5:20

Mo bwadi bwakasokama bixelekola kwona bungi. Mo ku kidi kwakalekola bubi bungi kwamadika lwoxixi kulekola bungi.

LOMA 5:9

Mbwôso kabidi, bwalo butwamasuwixibwa nkyekyu ku maxi anci, tunapandixibwa bisusu bia Ncembi kudiyi.

YOANO 1:17

Bwalo bwakapebwa bwadi kudi Mosese ; lwoxixi lwapwakala yi sôsôlwo kudi Yisu Kalistu.

EBELEO 10:11

Yi bokanda bwoso bwamakwemana budi mu kusala mudimo ku dituku ku dituku, yi budi mu kulongola bixipilu bebi bitabiyi kuncula mabi ;

EBELEO 10:4

Bwalo butabiyi maxi a ñombi yi a mbuxi kuncula mabi.

LOMA 5:1

MBWÔSO bwalo butwamasuwixibwa ku kwetabusa, twapwakala yi polo ku mpala a Ncembi kudi Fumwecu Yisu Kalistu.

LOMA 4:24

kate ku bwalo bwecu kabidi banabadidibwaku ku nkwami bamakwetabuxila you akabisa Yisu Fumwecu kudi bafu,

MAKISA 10:43

Ku bwaio bwanci kwamatôbôla bungi bwa badimuxi ntôbô, ene, ku dina dienci, muntu mwoso umwetabuxila unangata kulekyelebwa kwa mabi.

NGALATIA 5:3

Yi ngwatôbôlela muntu mwoso elebwa bwadi ene, udi muna mbata ndo kukisa bwadi buncimancima.

NGALATIA 3:8

Yi mukanda ă Ncembi ăkalubukwa buxi ene, Ncembi uxesuwisa bena mabila ku kwetabusa, ăkakwambila Abalami losangu lunengela buxi ; ene, Munda mwebe munalwangwasanibwa mabila moso.

NGALATIA 2:19

Meme lolo, ku mucwe ă bwadi, namafwa bwalo bwa bwadi, binxeakala yi môyo ku bwalo bwa Ncembi.

1 KOLINTI 6:11

Yi banga badi yinenu bakadi mo nako ; kate nwamakusudibwa, kate nwamabalolebwa, kate nwamasuwixibwa ku dina dia Fumu Yisu, yi kudi Mwoxixi a Ncembi ecu.

LOMA 9:31

Mo bena Isalele bakalabela bwadi bwa nkwami kabafikili ku bwadi.

YOANO 5:24

Sôsôlwo, sôsôlwo, nwatôyela ene, You ombombwa diyi diamene, yi amakwetabusa you akangutuma, udi yi môyo ă kô kô, yi kasolwa ku lopelo, kate amabatuka mu lufu ku môyo.

LUKA 18:14

Nwatôyela ene, You muntu akapinana ku ncibo anci, amasuwixibwa, kumoni yiwa. Bwalo bunapwexebwa muntu mwoso udiabandisa, yi you udiapwesa unabandixibwa.

LUKA 10:28

Yi akamutôyela ene, Wamapingasa yi nkwami ; enca nako yi unakala yi môyo.

LUKA 10:25

Yi mona, mweyexi a bwadi akakwemana yi akamwelekyesa ene, Mweyexi, nxekwenca kai ndo kukita môyo ă kô kô mwokito ?

LOMA 3:20

Mbwôso ku makisa a bwadi kakunasuwixibwa munyu mwoso ku mpala anci ; bwalo ku bwadi kudi kilubukilu kia bubi.