LUKA 12:32 - Disambi Dipyadipya

³² Kanucini, kibumbu kibende kia mikwakwa, bwalo bwamaxekyelela Tetenu ndo kunupa bufumu.

LUKA 12:32 Referans Kwoze

EBELEO 12:28

Mbwôso bwalo bututanangata bufumu butabiyi kunyingixibwa, coco twakali yi lwoxixi lutuxexingila Ncembi yinalu yi fionu, yi diedya yi bowa.

KIEBEXELU 1:6

yi amatuteka bufumu, makanda ku mpala a Ncembi anci yi Tetenci ; kudiyi kwakali dikai yi mpinyu ku mieciya ya mieciya. Amen.

FILIPI 2:13

bwalo budi you Ncembi encenca munda mwenu yi kunanga yi kwenca, bea bidi muxekyelelu ănci.

LUKA 10:21

Ku ola you kwakaxekyelelayi mu kidimu kienci ene, Nkwatumbisa Tete, Fumu a diulu yi a loboko, bwalo bwamasokoka bintu bebi kudi bena bwinu yi bena nkanyi, yi wamabiebesa kudi babaki ; E, Tete, bwalo bwapwakala bimpe ku meso ebe ndo kukisa nako.

MATEYO 25:34

Fumu unabatôyela lolo badi ku kidyo kienci ene, Nulwi nonu bamalwangwasanibwa kudi Tetemi, nukiti bufumu bwamanulungikidibwa pôi kibangolelu kia loboko ;

2 TESALONIKA 1:11

Mbwôso tunwalombelela kabidi matuku moso, Ncembi ecu anubali ene, nwamalelekyela yi kubikidibwa kwenu bileli, akukisi muxekyelelu mwoso ă kunengela kwanci yi mudlmo ă kwetabusa, yi ngulu ;

2 PITA 1:11

mo nako kibwelelu kinanudipudibwa kingi kingi mu bufumu bwa Fumwecu yi Mupandixi ecu Yisu Kalistu bwa kô kô.

MATEYO 14:27

Mo Yisu akatôya yinabo mangwoso ene, Nukolesi micima ; meme kayou ; kanucini.

KIEBEXELU 22:5

Yi butuku kabunakala koku kabidi nyô, yi kabanakwabila obo a mwinda, ndo obo a diba kumoni ; bwalo bunabatekyela Fumu Ncembi obo ; yi banakala yi bufumu ku mieciya ya mieciya.

2 TESALONIKA 1:5

Nako ndo kilayixilu kia kusambola kwa Ncembi kwa nkwami ; binuxebadibwa ene, nwamalelekyela yi bufumu bwa Ncembi bileli, bunwamatacila kabidi.

LOMA 6:23

Difuto dia bubi didi lufu, mo dilongi dia Ncembi didi môyo ă kô kô munda mwa Kalistu Yisu Fumwecu.

YAKOBO 2:5

Nwombwi, bakunyi bamene banangibwi. Ki Ncembi amasungula bakombi ku bwalo bwa loboko lolu, bena madidi ku bwalo bwa kwetabusa, bena miekito ba bufumu bwamabaxiyilayi kilaka bamwananga ?

YOANO 18:36

Yisu akapingasa ene, Bufumu bwamene kabuna bwa loboko lolu ; ximbi bufumu bwamene bwapwakala bwa loboko lolu, basadi bamene baxetanda bintaxelongolebwa kudi bena Yuda ; kate nkyekyu bufumu bwamene kabuna bwa kunu.

MATEYO 20:16

Mo nako bena nyuma banakala ku buxi ; yi bena buxi ku nyuma.

MATEYO 7:15

Nudimuki bwalo bwa badimuxi ba mancanga balolwa kunudi mu bixeba bia mikwakwa, kaninga badi ngasama ya makitu munda.

MAKISA 20:28

Mbwôso nudidingili mikyenu, yi bungi bwa kibumbu kia mikwakwa, kinwamatekyebwa banami bakio kudi Mwoxixi a babala, nudisi kikokye kia Ncembi kiamakwolayi ku maxi a you anci mikyenci.

MAKISA 20:29

Ngwalubukwa ene, kunyuma kunamancuka kunabwela ngasama ya bubi kunudi, yitasokwombwela kibumbu kia mikwakwa mwengo ;

1 KOLINTI 1:21

Ku bwinu bwa Ncembi, (bwalo butalubukwa loboko Ncembi ku bwinu bwalu), ndo kwakamonebwa loko kudi Ncembi kupandisa bantu bamakwetabusa ku budibi bwa diembi dia nkulusu.