LOMA 7:18 - Disambi Dipyadipya

¹⁸ Bwalo bungwalubukwa ene, munda mwamene, mu munyu ămene, kamusoakala kunengela ; bwalo bwa kukyeba kudiko yinami, mo kukisa kwa kunengela kakunako.

LOMA 7:18 Referans Kwoze

YOANO 3:6

Kintu kioso kiamalelebwa kudi munyu kidi munyu ; kioso pako kiamalelebwa kudi Mwoxixi kidi Mwoxixi.

NGALATIA 5:17

Bwalo bwatanda munyu yi Mwoxixi ku nyinga yau, yi Mwoxixi ndo atanda yi munyu ; mbwôso bubidi bwabo badi bimpakampaka, binutaxekwenca bintu bebi binwamakyeba kwenca.

LOMA 7:25

Ncembi axingibwi biloba kudi Yisu Kalistu Fumwecu. Mbwôso meme mikyemi ngwasadiia mulangu ă Ncembi ku lukanyi ; mo ku munyu, mulangu ă bubi.

NGALATIA 5:24

Yi bobo badi bena Kalistu Yisu bamakopeka munyu ku nkulusu, yi masama au yi nyinga yau.

FILIPI 2:13

bwalo budi you Ncembi encenca munda mwenu yi kunanga yi kwenca, bea bidi muxekyelelu ănci.

TITO 3:3

Bwalo butwakadi badibi coco kabidi kalikali, bena ntamu, twakadimbibwa, twakadi mu kusadila minga xindilu yi binga biango, twakakala yi mwoxingi yi mwokunyo, bena nyete, twakadi mu kwombwelañana nkyetekyete.

LOMA 7:19

Bwalo buntasokwenca kunengela koku kungwakyeba kwenca ; kate bubi bobu buntasokyeba, ka bobu ndo mbwencenca.

LOMA 7:15

Bwalo bobu bungwencenca, kisobubikila ene, bwamene ; bwalo bungwakisa bwalo bobu buntasokyeba kwenca ; kate bwalo bunamanyañana, ka bobu bungwencenca.

MATEYO 15:19

Bwalo bwabatuka nkanyi mibi munda mwa mucima, monda, mendela, madibi, misaka, ncimi ya kudimbidila bantu, mpolo,

1 PITA 4:2

kumoni kwakaia kinga kicini kia kikondo kienci mu munyu ndo kusadila xindilu ya bantu, kate nyinga ya Ncembi.

FILIPI 3:12

Kumoni luna kutôya ene, namangata nkyekyu, ndo ene, namakuka nkyekyu, mo ngwalabela ndo ambeci nxekwata bwalo bobu bunakakwacidibwa kudi Kalistu Yisu.

LUKA 11:13

Mbwôso ndo nonu badi babi nubili kulonga bana benu malongi anengela, ki Tetenu utani mu diulu unadika kubalonga Mwoxixi a babala bamwalomba ?

LOMA 13:14

Kate nulati Fumu Yisu Kalistu, yi kanwedi munyu ěnu lukanyi bwalo bwa nyinga yau kuyidisa.

LOMA 7:5

Ku kikondo kitwakadi mu munyu, xindilu ya mabi yakasadixibwa ku bwadi yakakwencañana mu bicini bia mumbidi ecu ndo kukama mamoma a lufu.