LOMA 12:10 - Disambi Dipyadipya

¹⁰ Ku bwalo bwa nyinga yanangafiana bakunyi, nunanganani yi mwengo ku mucima ; ku bwalo bwa diedya, nusangali yi kudikisañana kulu.

LOMA 12:10 Referans Kwoze

FILIPI 2:3

Kanwenci kintu kioso ku bwalo bwa mbata ndo ku disasa, kate muntu mwoso abali yi diedya ku lukanyi ene, muna kwanci umwadika kunengela ;

EBELEO 13:1

NYINGA ya bakunyi yasali.

1 YOANO 4:11

Banangibwi, ndo Ncembi akatunanga noku, coco kabidi tuxenangañana.

1 PITA 1:22

Bwalo bunwamasusula micima yenu ku kwedeya kwenu kwa sôsôlwo ku nyinga ya bakunyi yitena mancanga, nunanganani kungi ku mucima ă babala ;

1 PITA 2:17

Nunemeki bantu boso. Nunangi bakunvi. Nucini Ncembi bowa. Nunemeki fumu.

1 TESALONIKA 4:9

Mo ku bwalo bwa nyinga ya bakunyi, kanusokwabila muntu kunufundila ; bwalo bunwamakweyexebwa kudi Ncembi ndo kunangañana.

NGALATIA 5:13

Bwalo bunwakabikidibwa nonu bakunyi ku bwana bwa bula ; mo kanwakadi yi bwana bwenu bwa bula ndo kukixisa munyu ; kate nusadilafiani yi nyinga.

NGALATIA 5:22

Mo dimoma dia Mwoxixi didi nyinga, kiango, polo, kicwandundu, bonkangi, kunengela, kibaku kia malo,

1 YOANO 4:20

Ndo muntu amatôya ene, Ngwananga Ncembi, yi amanyañana muna kwanci, udi muna ncimi ; you utasonanga muna kwanci amamonayi, unalubukwa kunanga Ncembi beci, utamonayi ?

2 PITA 1:7

mu mwosambu ă Ncembi kwakala yi nyinga ya bakunyi, mu nyinga ya bakunyi kwakala yi nyinga.

1 PITA 5:5

Mo nako nonu babaki, nudipwesi mikyenu kudi babakulu ; yi bungi bwenu nudikobi diedya muntu yi muna kwanci, muntu yi muna kwanci ; bwalo bwamatanda Ncembi yi bena disasa, mo upapa bena diedya lwoxixi.

YOANO 15:17

Meme nwalanga malo aa binuxenangañana.

LOMA 13:7

Nufuti bantu boso bintu bixefucibwabo ; mulambu kudi fumu a mulambu ; sayi kudi muna sayi ; bowa kudi muna bowa ; kinemu kudi muna kinemu.

MAKISA 4:32

Yi kibumbu kia bantu bakakwetabusa kiakadi yi mucima umoumwe yi kidimu kimokimwe ; kakwakadi muntu a kutôya dia kintu kioso kiakadiyi yinakio ene, kidi kienci mikyenci, kate bintu bioso biakakwabanyibwa abanyibwa.

LUKA 14:10

Kate panakala wamaswadibwa, yaka ya xikami mu kidi kia muxi ; mbwôso palolwa you akakuswala, uxekutôyela ene, Kimbila, banda ku mukunci ; nako unakala yi kinemu ku mpala a bantu boso baxikama ku mesa yinebe.

MATEYO 20:26

Kakunakala nako kunudi, kate muntu mwoso unakala munene kunudi unakala musadi enu ;

2 TESALONIKA 1:3

Tudi yi dibambu dia kuxingila Ncembi biloba ku bwalo bwenu matuku moso, bakunyi, bea bidi loko ; bwalo bwamalunda kwetabusa kwenu kungi, yi nyinga yenu yamalekola bungi yinwanangañana bungi bwenu, muntu muna kwanci, muntu muna kwanci ;

KOLOSAI 1:4

bwao butwamakwombwa dia kwetabusa kwenu mu Kalistu Yisu, yi dia nymga yinudi yinayo bwalo bwa bena babala boso ;

NGALATIA 5:6

Bwalo butasoakala bwadi bwalo munda mwa Kalistu ndo mwontonto ; kate kwetabusa kwamakwencafiana yi nyinga kudi bwalo.

YOANO 17:21

bixeakalabo umoumwe bungi bwabo, bea bidi Owe Tete munda mwamene, yi meme munda mwebe, bixeakalabo umoumwe kabidi munda mwecu ; bixekwetabusa loboko ene, Owe wakangutuma.