FILIPI 3:10 - Disambi Dipyadipya

¹⁰ binxemulubukwa yei, yi ngulu ya kwombuluka kwanci kudi bafu, yi busangilanani bwa masama anci akatatixibwayi, binxefwanixibwa lufu lwanci ;

FILIPI 3:10 Referans Kwoze

NGALATIA 2:20

Meme namakopekyebwa yi Kalistu. Yi kiena yi môyo nyô meme ; mo Kalistu udi yi môyo munda mwamene ; yi môyo undi yinau mu munyu, ngwakala yinau ku kwetabusa kudi kwa Mwana a Ncembi, akangunanga yi akadilongola mikyenci ku mucwe ămene.

LOMA 8:17

yi ndo bana, bakiti ba mwokito kabidi, bakiti ba mwokito ă Ncembi, yi bakitañani yi Kalistu ndongo, ndo twamatata yinanci sôsôlwo, bituxebongexebwa yinanci ku dikai dienci kabidi ndongo.

FILIPI 3:8

Kate sôsôlwo, ngwabala bintu bioso kabidi mo kupwekyelela bwalo bwa kilubukilu kia Kalistu Yisu Fumwami ; unamapwekyelela ku bintu bioso ku mucwe ănci, yi namabibala luna mwosapu, binxeakala yi Kalistu ku kutetowa kwamene,

1 YOANO 2:3

Nako ndo twalubukwa ene, tumubili, ndo twamanama milangu yenci.

KOLOSAI 3:1

MBWOSO ndo nwakabixibwa yi Kalistu ndongo, nupalali bintu bidi kulu kwapwakala Kalistu, uxikamini ku kidyo kia Ncembi.

KOLOSAI 1:24

Nkyekyu ngwaxekyelela masama amene anamanutacila nonu, yi ntanakwombudisa kicini kiamasala kia maxitu a Kalistu ku munyu ămene, ku mucwe ă mumbidi ănci, udi kikokye.

2 KOLINTI 1:5

Byaka biamalekola masama a Kalistu yinecu ndo biamalekola kabidi kibondelu kiecu kudi Kalistu.

1 PITA 1:3

Ncembi yi Tete a Fumwecu Yisu Kalistu atumbixibwi, akatulela kabidi bea biakadi mwengo ănci mungi, bituxeakala yi mudingidilu ă môyo bwalo bwa kubika kwa Yisu Kalistu kudi bafu,

2 KOLINTI 13:4

Bwalo bwakakopekyebwayi ku nkulusu bwalo bwa kulebela, kate udi yi môyo bwalo bwa ngulu ya Ncembi. Bwalo butudi kabidi kulebela munda mwanci ; mo tunakala yi môyo yinanci bwalo bwa ngulu ya Ncembi kunudi),

1 YOANO 2:5

kaninga muntu mwoso amanama diyi dienci, munda mwanci mwamakukixibwa nyinga ya Ncembi sôsôlwo. Nako ndo kutwalubukwa ene, tudi munda mwanci.

YOANO 17:3

Yi kunu kudi môyo ă kô kô, bobo kukulubukwa Ncembi umoumwe a sôsôlwo, yi Yisu Kalistu akatuma Owe.

LOMA 8:29

Bwalo bwa bantu bakalubukwayi ku buxi, akalungika ku buxi kabidi ene, bafwanixibwi yi bufwani bwa Mwananci, bixeakalayi mwamukulu pakacikaci pa bakunyi bangi.

KIEBEXELU 1:18

yi you a môyo. Nakadi mufu, mo mona, ndi yi môyo ku mieciya ya mieciya, yi ndi yi fungula ya lufu yi ya Adese.

KOLOSAI 2:13

Yi nonu, bakadi bafu ku mona enu anwakakwona yi ku mwontonto ă munyu ěnu,—nonu pako ndo bakatekayi yi môyo yinanci ndongo, yi amatulekyela mona ecu moso ;

EFESO 4:13

bitwafika bungi bwecu ku mwakadilu umoumwe ă kwetabusa, yi ă kilubukilu kia Mwana a Ncembi, ku Iwedi lwa muntu amalunda mwamukulu, ku lwedi lwa bule bwa kiolubilu kia Kalistu.

2 KOLINTI 1:10

akatupaula mu lufu lwa bubi lolu noku, yi unatupaula ; utwamamwetabuxila ene, unatupaula kabidi ;

YOANO 10:18

Kakuna muntu umoumwe ungwanculau, kate ndialadikilau biamene. Ndi yi bumanya bwa kuladika, ndi lolo yi bumanya bwa kuwangata kabidi. Nakangata mulangu ou kudi Tetemi.

MATEYO 20:23

Yi akabambila ene, Nunanwa amene mpamba sôsôlwo ; kaninga ndo kuxikama ku kidyo kiamene, yi ku kimoso kakuna kwamene ndo kupa, kutena kudibo bamalungikidibwaku kudi Tetemi.

LOMA 8:36

Bea biakafundibwa ene, Ku bwalo bwebe ndo kutwamaxipibwa dituku dincimancima ; twamabadibwa bea mikwakwa ya kixipilu.

NGALATIA 6:17

Pôi nkyekyu, muntu kangunyingixi, bwalo bungwacwala makolo a Yisu mu mumbidi ămene.

2 PITA 1:13

Mo ngwencenca ene, kudi yi nkwami, pakala meme ndi mu ngandu kieki, kununyingisa ndo kunwelesa nkanyi ;