EBELEO 9:26 - Disambi Dipyadipya

²⁶ ximbi noku uxetata matata mangi pôi kibangolelu kia loboko. Mo nkyekyu amakwebexebwa diebesa dimodimwe ku sula kwa mieciya ndo kuncula bubi ku kixipilu kia mikyenci.

EBELEO 9:26 Referans Kwoze

1 PITA 1:20

akalubukibwa sôsôlwo buxi bwakadi loboko kalusobangibwa, mo akakwebexebwa ku sula kwa bikondo ku micwe yenu ;

EBELEO 9:12

yi kumoni lolo ku mucwe ă maxi a mbuxi yi a bana ba ñombi, mo ku mucwe ă maxi anci mikyenci, kwakabwelayi ku kikondo kimokimwe dyendeli nya mu bidi bia babala, bwalo bwakadiyi amasañana mpiku ya kô kô.

MATEYO 25:34

Fumu unabatôyela lolo badi ku kidyo kienci ene, Nulwi nonu bamalwangwasanibwa kudi Tetemi, nukiti bufumu bwamanulungikidibwa pôi kibangolelu kia loboko ;

1 PITA 3:18

Bwalo bwakatata Kalistu kusama kabidi ditata dimodimwe dyendeli nya ku bwalo bwa mabi, muna nkwami ku mucwe ă bantu batena yi nkwami ; bixetufikisayi kudi Ncembi ; akaxipibwa mu munyu, mo akatekyebwa yi môyo mu Mwoxixi ;

EBELEO 1:2

amatutôyela coco ku sula kwa matuku aa noku mu Mwana, amatekayi muna mwokito a bintu bioso ; akapangayi mieciya mioso kudiyi.

EBELEO 10:4

Bwalo butabiyi maxi a ñombi yi a mbuxi kuncula mabi.

EBELEO 7:27

butena yi bwalo bwa kudilongolela malongi, bea makanda aa manene ku dituku ku dituku, ku buxi bwalo bwa mabi anci mikyenci, yi kunyuma bwalo bwa mabi a bantu ; dilongi dedi ndo diakalongolayi ku kikondo kimokimwe dyendeli nya pakadilongolayi mikyenci.

1 YOANO 3:5

Nwalubukwa lolo ene, yei akakwebexebwa kuncula mabi ecu ; yi munda mwanci kamuna bubi.

EBELEO 10:12

mo you, pakadi amalongola kixipilu kimokimwe ku bwalo bwa mabi, akaxikama kangala kangala ku kidyo kia Ncembi ;

EBELEO 10:10

Ku nyinga yei ndo kutwamabalolebwa ku bwalo bwa kulongola kwa mumbidi ă Yisu Kalistu ku kikondo kimokimwe dyendeli nya.

EBELEO 9:14

ka maxi a Kalistu, akadilongola mikyenci kudi Mwoxixi a kô kô ku mpala a Ncembi, kutena kantobo kamokamwe, amadika kususula kilubukilu kienu kia munda bwaio bwa makisa mafu, ndo kusadila Ncembi a môyo ?

1 PITA 2:24

akacwala mabi ecu mikyenci mu mumbidi ănci kulu kwa muci, bituxeakala yi môyo ku bwalo bwa nkwami, bwalo butwamafwa ku bwalo bwa mabi ; yi ku miekolola yenci ndo kutwamapandixibwa.

KIEBEXELU 17:8

Nyama akamona owe akadiko yi kienako ; yi utanalanda kuximuna mu dina twakô kuya ncimina nya. Yi bantu bamaxikama ku loboko batena yi mena mafunda mu mukanda ă môyo pôi kibangolelu kia loboko, banakama kama pa kumona Nyama ene, akadiko, yi kienako, yi unalwa.

EBELEO 4:3

Bwalo butwabwela mu kiomowelu kieki bamakwetabusa ; bea biakatôyayi ene, Binakateya kiteyi ku bituku biamene, ene, kabanabwela mu kiomowelu kiamene pô ; isanga makisa akamanibwa pôi kibangolelu kia loboko.

TITO 2:14

akadilongola ku micwe yecu, bixetupikulayi ku kwona kwoso, yi bixeditekyelayi bantu yi babala bakali bantu banci mikyenci, badi yi mulukutu ă kulukutila makisa anengela.

EFESO 5:2

yi nwendi mu nyinga bea biakatunanga Kalistu kabidi, yi akadilongola ku micwe yecu, dilongi yi kixipilu ku mpala a Ncembi, didi yi mwoxixi ă manonu anengela.

EFESO 1:10

ene, ku mulungikilu ă kikondo kinakukixibwa mieciya mioso kiolubilu tô ndo kunasangisayi bintu bioso mu Kalistu ; bintu bia mu melu kulu, yi bintu bia pa loboko.

1 KOLINTI 10:11

Mo bintu bioso bebi biakabaponena luna bielekyexelu bia malof yi biakafundibwa ndo kutudimusa coco bamatulula ku sula kwa mieciya.

KIEBEXELU 13:8

Yi bantu boso bamaxikama ku loboko banamuxingila, batena yi dina diabo difunda mu mukanda ă môyo ă Mwana a mukwakwa akaxipibwa pôi kibangolelu kia loboko.

EBELEO 10:26

Bwalondo twonona yi bituku kunyuma kutwamangata kilubuki lu kia sôsôlwo you, kakusosala kabidi kixipilu ku bwalo bwa mabi nyô,

NGALATIA 4:1

KANINGA ngwatôya ene, Pakala muna mwokito ukidi mwamuki, kasoxiyañana yi musadi pô, isanga udi fumu a bintu bioso ;

YOANO 17:24

Tete, bwalo bwabo bwa bantu bamangupa Owe, ngwakyeba ene, ku kidi kingwakala mikyemi, bobo kabidi baxeakala koku yinami, bixemonabo dikai diamene diamangupa Owe, bwalo bwakangunanga buxi bwa kibangolelu kia loboko.

YOANO 1:29

Mankyelo akamona Yisu udi mu kulwa kudiyi, yi akatôya ene, Mona, Mwana a mukwakwa a Ncembi ancula bubi bwa loboko.

MATEYO 13:39

mutandanani you akayikuna udi diabolo ; yi kibukilu kidi ku sula kwa mwociya ou, yi babuki badi bangele.

MATEYO 13:40

Byekyene biamakokyeyebwa sisanya lolo, yamakwoxebwa mudilu, binakala ku sula kwa mwociya ou.

1 PITA 4:7

Mo ku sula kwa bintu bioso kudi pepe ; mbwôso nwakali bena bweso, yi bena milangu bwalo bwa ndombu kulomba.

1 YOANO 3:8

You onona udi muna diabolo ; bwalo bwonona diabolo pôi bubangabanga. Ku mucwe ou kwakakwebexebwa Mwaña a Ncembi, bixexipayi makisa a diabolo.