EBELEO 3:6 - Disambi Dipyadipya

⁶ mo Kalistu bea Mwana, kulu kwa ncibo anci ; utudi ncibo anci coco, akali twamabamba mucima ěcu nda pôi ku sula, yi mwanu ă mudingidilu ěcu.

EBELEO 3:6 Referans Kwoze

2 KOLINTI 6:16

Yi kwetabusañana kwa beci kudiko kwa tempelo a Ncembi yi ngixi ? Bwalo bunudi tempelo a Ncembi a môyo ; bea biakatôya Ncembi ene, Meme nakwakala munda mwabo ; yi nakwenda munda mwabo ; yi nakwakala Ncembi abo, yi bobo banakala bantu bamene.

1 KOLINTI 3:16

Nonu kanubiyi ene, nudi tempelo a Ncembi, yi ene, Mwoxixi a Ncembi apwakala munda mwenu ?

1 PITA 2:5

nonu kabidi bea mabwe a môyo nudi mu kwabakibwa ncibo a Mwoxixi, ndo kwakala bubokanda bwa babala, ndo kulongola malongi a Mwoxixi, adi ñonu ku mpala a Ncembi kudi Yisu Kalistu.

EBELEO 10:35

Mbwôso kanwecikixi dikimu dienu didi yi sayi mingi ku difuto.

EBELEO 6:11

Yi twakyeba bwalo bwa muntu mwoso yinenu a-ebesi mulukutu ă noku ku bwalo bwa kilubukilu kia mudingidilu ou pôi ku sula ;

1 KOLINTI 6:19

Ape kanusolubukwa ene, mumbidi ěnu udi tempelo a Mwoxixi a babala udi munda mwenu, unwapwangata kudi Ncembi, yi kanuna bantu benu mikyenu ?

EBELEO 10:23

Tubambi kusakola kwa mudingidilu ěcu nda, kutena kucimbacimba, bwalo budiyi muna kibaku amaxiya dlaka ;

EBELEO 4:11

Mbwôso tupalali yi mwokulu kubwela mu kiomowelu kieki, bitaxepona muntu mwoso ku bufwani bobu bwa ntamu.

EBELEO 3:14

Bwalo butukyelwa basangilañani yi Kalistu, akali twamabamba bubangabanga bwa kwetabusa kwecu nda pôi ku sula ;

KIEBEXELU 3:11

Ndolwa mangwoso ; namata ku bintu bidi yinebe bitaxencula muntu mwoso kilongo kiebe.

EBELEO 4:14

Mbwôso bwalo bututani yi Bokanda bunene bunene bwamadika melu moso kulu, Yisu Mwana a Ncembi, tubambi kusakola kwecu nda.

EBELEO 1:2

amatutôyela coco ku sula kwa matuku aa noku mu Mwana, amatekayi muna mwokito a bintu bioso ; akapangayi mieciya mioso kudiyi.

1 TIMOTEO 3:15

mo ndo ngwaxikama kikondo, bixelubukwa owe muxeakala muntu yi mwosambu unengela mu ncibo a Ncembi, udi kikokye kia Ncembi a môyo, mutondo ă sôsôlwo yi kisubixilu kienci.

KOLOSAI 1:23

akali nonu nwasala mu kwetabusa, nwamasubixibwa yi nwamakolexebwa, yi kanusonamunibwa ku mudingidilu ă losangu lunengela lunwakakwombwa, Iwakakwambidibwa ku kipangu kincimancima muxi mwa diulu, lunakatekyebwa musadi alu, meme Paulu.

MATEYO 10:22

yi nunanyafianibwa kudi bantu boso ku bwalo bwa dina diamene. Mo you unakala amakwemana ku sula, yei unapandixibwa.

1 TESALONIKA 5:16

Nuxekyeleli matuku moso.

LOMA 15:13

Ncembi lolo a mudingidilu anwolubisi yi kiango kioso yi polo pa kwetabusa, binuxelekola yi mudingidilu ku ngulu ya Mwoxixi a babala.

MATEYO 24:13

kaninga you unakala amakwemana pôi ku kipwilu unapandixibwa.

KIEBEXELU 2:25

mo bwalo bwa bintu bebi bidi yinenu nkyekyu, nunamati kudibio pôi kikondo kindolwa.

KIEBEXELU 2:18

Yi kudi mwangele a kikokye kia mu Tiatila funda ene, Bintu bebi ndo biatôya Mwana a Ncembi, udi yi meso bea mwanga ă mudilu, yi makasa anci bea kiengele obo,

2 TESALONIKA 2:16

Nkyekyu Fumwecu Yisu Kalistu mikyenci, yi Ncembi Tetecu akatunanga, akatupa kibondelu kia kô kô, yi mudingidilu unengela bwalo bwa lwoxixi,

LOMA 5:2

Kudiyi, ku bwalo bwa kwetabusa, ndo kutwapwangata kabidi kibwelelu kiecu munda mwa lwoxixi lolu lutwamakwemana momu ; yi twañana mwanu yi mudingidilu ă dikai dia Ncembi.

1 PITA 1:8

unwamananga kutena nwamamumona ; yi isanga kanusomumona nkyekyu, kaninga nwamamwetabuxila yi nwamaxekyelela kungi yi kiango kitabiyi kusakolebwa, kiamakwolubila dikai ;

NGALATIA 6:9

Mo katupwangwi yi kukisa kwa kunengela ; bwalo butunabuka ku kikondo kia lwedi akali katusopenyuka.

LOMA 11:22

Mbwôso mona bonkangi bwa Ncembi yi kukola kwanci. Ku bwalo bwa bantu bamapona, kukola kwanci ; ku bwalo bwebe, bonkangi bwa Ncembi, ndo owe waxikama dyendeli mu bonkangi bwanci ; mo ndo kumoni, owe kabidi unaxakibwa.

MATEYO 16:18

Yi meme kabidi, nkwatôyela ene, Owe udi Pita, yi pelu pa lubwe lolu ndo panakwabaka kiamene kikokye, yi mbelo ya adese (luna Ngiliki, “  hades  ”) kayinakidika bumanya.

LOMA 12:12

Ku bwalo bwa mudingidilu, nuxekyeleli ; ndo bwa buxitu, nwakali yi bwika ; ndo bwa lulombu kulomba, nulombi kangala kangala.

NGALATIA 6:10

Mbwôso bitwakala yi kipoma kinengela, twenceli bantu boso kunengela ; yi tulekoli yi kwenca noku bwalo bwa bantu badi bena nkumbu a kwetabusa.

EFESO 3:12

utudi yi mucima munda mwanci yi kibwelelu kia kubwela yi mucima bwalo bwa kwetabusa kwecu ku bwalo bwanci.

EBELEO 4:16

Mbwôso tukokyeli yi mucima ku lukwasa lwa lwoxixi, bituxeangata mwengo, yi bituxesañana lwoxixi lwa kutukwacisa ku kikondo kia loko.

EBELEO 6:18

mbwôso ku mucwe ă bintu bibidi bitabiyi kukulumuka, bitabiyi Ncembi kudimba kudibio, ndo kutuxeakala coco yi kibondelu kia ngulu, bamacina ku kicininu ndo kubamba mudingidilu ămatekyebwa ku mpala ecu ;

EBELEO 7:19

(bwalo butakukisa bwadi kintu kioso), yi kudi kukitisa mudingidilu ămadika loko utwakokyela pepe yi Ncembi ku mucwe ău.

EBELEO 10:19

Mbwôso bwalo bututani yi mucima, bakunyi, ă kubwela mu bidi bia babala ku mucwe ă maxi a Yisu,

EBELEO 10:21

yi bwalo bututani yi bokanda bunene kulu kwa ncibo a Ncembi,

EBELEO 11:1

KWETABUSA lolo kudi kilubukilu ko kia bintu biamadingidibwa, kiebexelu kia malo atasomoaebwa.

1 PITA 4:17

Bwalo bwamafika kikondo, lopelo kubangola ku ncibo a Ncembi ; mo ndo ku buxi kutudi, kixikidilu kiabo kinakala beci batasokwedeya losangu lunengela lwa Ncembi ?

KIEBEXELU 2:26

You amapila, amanama makisa amene pôi ku sula, nakumupa bumanya kulu kwa mabila ;