EBELEO 11:6 - Disambi Dipyadipya

⁶ Mo kutena kwetabusa kababiyi kumuxekyelesa ; bwalo you ulolwa kudi Ncemoi udi yi dibambu dia kwetabusa ene, Yei udiko ; yi ene, udi musayidi a bantu bamwapalala.

EBELEO 11:6 Referans Kwoze

MATEYO 6:33

Nupalali lolo bufumu bwa Ncembi buxi, yi nkwami yenci ; yi bintu bioso bebi noku binanubodeyebwa.

LUKA 12:31

Kaninga nupalali bufumu bwanci, yi bintu bebi binanubodeyebwa.

EBELEO 7:25

Mbwôso kabidi ubili kubapandisa dyendeli bakokyela pepe yi Ncembi kudiyi, bwalo bwapwakalayi yi môyo matuku moso ndo kubatôyela.

LOMA 10:14

Kaninga banakwabila muntu beci utasokwetabuxilabo ? Yi banakwetabuxila muntu beci utasokwombwabo diembi dienci ? Yi banakwombwa beci kutena mwambidi a diembi ?

EBELEO 3:12

Nudingili bakunyi, ximbi ambeci munda mwa muntu enu mwoso muxeakala mucima mubi utena yi kwetabusa, ă kuncuka kudi Ncembi a môyo ;

YOANO 14:6

Yisu akamwambila ene, Meme ndi ncila, yi sôsôlwo, yi môyo ; kakuna muntu ulolwa kudi Tete kutena kundi meme.

2 PITA 1:5

Mo ku mucwe ou kabidi, nwakali yi mulukutu mwoso, mu kwetabusa kwenu ndo kwakala yi dikimu, mu dikimu kwakala yi kilubukilu,

EBELEO 4:6

Mbwôso biapwakala bwalo noku ene, banga baxebwela momu, yi bobo bakakwambidibwa losangu lunengela kalikali bakaxikila dia kubwela bwalo bwa ntamu,

NGALATIA 5:6

Bwalo butasoakala bwadi bwalo munda mwa Kalistu ndo mwontonto ; kate kwetabusa kwamakwencafiana yi nyinga kudi bwalo.

2 PITA 3:14

Mbwôso banangibwi, bwalo bunwadingila bintu bebi, nupalali yi mulukutu ndo kusananibwa kudiyi yi polo, kutena kantobo yi kutena bwalo bubi ;

YOANO 8:24

Ndo binapunwambila ene, nunafwa mu mabi enu ; bwalo kutena nunakwetabusa ene, Meme ndi you, nunafwa mu mabi enu.

2 PITA 1:10

Mbwôso bakunyi, nupalali yi mulukutu kwakala yi kilayixilu bwalo bwa kubikidibwa kwenu yi bwa kusungudibwa kwenu ; bwalo ndo nwencenca bintu bebi, kanunapona pô ;

EBELEO 7:19

(bwalo butakukisa bwadi kintu kioso), yi kudi kukitisa mudingidilu ămadika loko utwakokyela pepe yi Ncembi ku mucwe ău.

EBELEO 4:2

Bwalo butwamakwambidibwa losangu lunengela luna bobo kabidi ; kate diyi dia losangu diakadi kadisobatetowesa, bwalo butaputolebwadio yi kwetabusa mu bantu baba bakakwombwa.

KIEBEXELU 21:8

Kate bena bowa, yi bobo batasokwetabusa, yi bena nyete, yi bondi, yi bendedi ba bakaxi babene, yi baloxi, yi bena ngixi, yi bena ncimi boso, dikapa diabo dinakala mu kiteleñena kiamalumuka yi mudilu yi sulufa ; nako kudi lufu lwamubidi.

EBELEO 11:26

Akabala dia bundu bwa Kalistu ene, budi bodidi bwamadika bima bia Ecipito loko ; bwalo bwakadingilayi sayi ya difuto.

MAKU 16:17

Yi bilayixilu bebi binasangila yi bobo bamakwetabusa ; banatenyeka bidimu bibi mu dina diamene ; banatôya yi ndimi mipyamipya ;

LUKA 6:35

Kaninga nunangi bantu batanda yinenu, yi nwenci kunengela yi nusombwesi kutena kudingidila kintu kioso kabidi ; yi sayi yenu yinakala minene, yi nunakala bana ba You adika kulu ; bwalo budiyi yi bonkangi kudi bena nkolwa batasomuxinga, yi kudi bantu babi.

MATEYO 6:16

Oka nwamancila bidya, kanwakadi bea luna bena mancanga, yi mpala ya buxitu ; bwalo bwononabo mpala yabo bixemonekabo yi luncilu kudi bantu ; nwatôyela sôsolwo ene, Bapwangata sayi yabo.

MATEYO 6:5

Oka lolo nwalomba, kanwakadi bea bena mancanga ; bwalo bwanangabo kulombela bemanini mu bixingidilu yi ku matakanu a ncila ndo kumoneka kudi bantu. Nwatôyela sôsôlwo ene, Bapwangata sayi yabo.

MATEYO 5:12

Nuxekyeleli yi nwakali yi kiango kingi, bwalo budi sayi yenu minene mu diulu ; bwalo bwakafinabo badimuxi nako bakadi ku buxi bwenu.

MATEYO 11:26

Mo nako Tete, bwalo bwa kukisa nako kwapwakala bimpe ku meso ebe.