2 PITA 1:3 - Disambi Dipyadipya

³ Ngulu yenci ya buNcembi bwanci yamatupa bintu bioso biamalelekyela yi môyo yi mwosambu ă Ncembi, ku kilubukilu kia you akatubikila ku dikai yi ku dikimu.

2 PITA 1:3 Referans Kwoze

1 PITA 5:10

Mo Ncembi a lwoxixi lwoso akanubikila ku dikai dienci dia kô kô mu Kalistu Yisu, panakala nwamatata kakondo kabende, unanukukisa, unanusubisa, unanukolesa bô.

2 TIMOTEO 1:9

akatupandisa yi akatubikila yi kubikila kwa babala, kumoni bwalo bwa makisa ecu, kate bwalo bwa lukanyi lwanci mikyenci yi lwoxixi lwanci lwakatupebwa munda mwa Kalistu Yisu buxi bwa mieciya ya bikondo bia loboko,

LOMA 8:32

You utaximba Mwananci mikyenci, kate akamulongola ku micwe yecu ya bungi bwecu, ki you unatupa bintu bioso yinanci kabidi kanana ?

2 KOLINTI 12:9

Yi yei akangwambila ene, Lwoxixi lwamene lukwakuka ; bwalo bwamakukixibwa ngulu yamene mu bubombu. Mbwôso nakwanina mabombu amene mwanu yi kiango kingi, bixexikama ngulu ya Kalistu kulu kwamene.

1 PITA 2:21

Nwakabikidibwa ku bwalo bobu ; bwalo bwakanutacila Kalistu, amanuxiyila lwedi kwelekyesa, binuxetomba bipokye bienci ;

2 TESALONIKA 2:14

kwakanubikilayi ku losangu lwecu lunengela ku kwangata kwa dikai dia Fumwecu Yisu Kalistu.

1 PITA 2:9

Mo nonu nudi bu-tonga bwa bantu bamasungudibwa, bubokanda bwa bufumu, bubila bwa babala, bantu badi bena diso dia-manculayi ; binuxekwebesa miesambu ya lwoxixi ya you akanubikila mu mwedima kulwa ku obo anci a kikamakama ;

1 TESALONIKA 2:12

ene, nuxekwenda bea bialelekyela yi Ncembi amanubikila ku bufumu bwanci yi ku dikai dienci.

1 TESALONIKA 4:7

Bwalo butasotubikila Ncembi ku lobindu, kate ndo kubalolebwa.

1 PITA 1:15

kate bea bidi you babala akanubikila ndo binwakali nonu kabidi babala ku mwosambu ěnu muncimancima ;

EFESO 4:1

MBWÔSO meme, musungi mu bwalo bwa Fumu, nwabondabonda ene, Nwendi bea bialelekyela yi kubikidibwa kunwamabikidibwa yinaku,

1 KOLINTI 1:9

Ncembi udi yi kibaku unwakabikidibwa kudiyi ku busangilañani bwa Mwananci Yisu Kalistu Fumwecu.

2 PITA 1:2

lwoxixi yi polo bilelexebwi yinenu bungi bungi mu kilubukilu kia Ncembi yi kia Yisu Fumwecu.

2 PITA 1:5

Mo ku mucwe ou kabidi, nwakali yi mulukutu mwoso, mu kwetabusa kwenu ndo kwakala yi dikimu, mu dikimu kwakala yi kilubukilu,

1 PITA 3:9

kanupingaxi bubi ku mucwe ă bubi, ndo lukisu ku mucwe ă kukixibwa kumoni ; kate bunga bwalo, nulwangwasani ; bwalo bunwakabikidibwa ku noku binuxekita mulwangwasanu mwokito.

KOLOSAI 1:16

Bwalc bwakapangibwa bintu bioso munda mwanci mu melu kulu yi pa loboko ; bintu biamonebwa ku meso yi bintu bitasomonebwa ; ndo bixikaminu bia bafumu ndo mafumu ndo makalanga ndo mamanya ; bintu bioso biamapangibwa kudiyi yi ku bwalo bwanci ;

1 TIMOTEO 4:8

kwekyelesa mumbidi kudi loko lubende, mo mwosambu ă Ncembi udi loko ku bintu bioso, udi yi kilaka ku bwalo bwa môyo ou udiko nkyekyu, yi kia ou ulolwa.

EFESO 4:4

Mumbidi udiko umoumwe, yi Mwoxixi umoumwe, bea binwakabikidibwa yi mudingidilu umoumwe ă kubikidibwa kwenu ;

FILIPI 4:8

Ku sula bakunyi, bwalo bwa bintu bioso bidi sôsôlwo, bintu bioso bidi bowa, bintu bioso bidi yi nkwami, bintu bioso bidi babala, bintu bioso bidi lwoxixi, bintu bioso bidi bia mwoximo unengela ; ndo dikimu dioso dia mucima didiko, ndo lotumbu lwoso, nweli bintu bebi nkanyi.

MATEYO 28:18

Yi Yisu akalwa kudibo, yi akabambila ene, Bumanya bwoso bwamangupebwa mu diulu yi pa loboko.

EBELEO 1:3

You udi obo kaikai a dikai dienci, yi kifwanisa kia mwakadilu ănci, yi abamba bintu bioso ku diyi dia ngulu yenci. Pakadi yei amamana kikusudilu ku bwalo bwa mabi bienci, akaxikama ku kidyo kia Bunene kulu wapa ;

1 PITA 1:5

nonu bamanamibwa ku ngulu ya Ncembi ku kwetabusa, pôi ku kipandilu kia môyo kitanalanda kwebexebwa ku kikondo kia ku sula.

LOMA 9:24

isanga coco, bamabikilayi kabidi, kumoni ba bena Yuda batupu kate ba mabila kabidi.

FILIPI 3:8

Kate sôsôlwo, ngwabala bintu bioso kabidi mo kupwekyelela bwalo bwa kilubukilu kia Kalistu Yisu Fumwami ; unamapwekyelela ku bintu bioso ku mucwe ănci, yi namabibala luna mwosapu, binxeakala yi Kalistu ku kutetowa kwamene,

2 PITA 1:6

mu kilubukilu kwakala yi mulangu, mu mulangu kwakala yi bwika, mu bwika kwakala yi mwosambu ă Ncembi,

2 PITA 1:8

Bwalo ndo bintu bebi bidi munda mwenu yi biamayiba bungi kanunakala yi ndo bompoci ndo bokuta mu kilubukilu kia Fumwecu Yisu Kalistu.

2 PITA 1:10

Mbwôso bakunyi, nupalali yi mulukutu kwakala yi kilayixilu bwalo bwa kubikidibwa kwenu yi bwa kusungudibwa kwenu ; bwalo ndo nwencenca bintu bebi, kanunapona pô ;

2 PITA 2:20

Bwalo panakala bamakwongoloka ku mbindu ya loboko ku kilubukilu kia Fumu yi Mupandixi Yisu Kalistu, akali bamadingibwa yi bamapwexebwa kudiyo, mwakadilu ăbo ă kunyuma ămadika mwakadilu ăbo ă buxi bubi.

2 PITA 3:18

mo nulundi mu lwoxixi yi mu kilubukilu kia Fumwecu yi Mupandixi ecu Yisu Kalistu. Kudiyi kwakali dikai yi nkyekyu yi ku diba dia mwociya ă kô kô. Amen.