1 KOLINTI 1:18 - Disambi Dipyadipya

¹⁸ Bwalo budi diyi dia nkulusu budibi kudibo bancimina ; kaninga kutudi bamapandixibwa, didi ngulu ya Ncembi.

1 KOLINTI 1:18 Referans Kwoze

1 KOLINTI 2:14

Bwalo butasoangata muna paxi bintu bia Mwoxixi a Ncembi, bwalo budibo budibi ku meso anci ; yi kabiyi kubikyendula, bwalo bwalembetelebwabio kudi Mwoxixi.

LOMA 1:16

Bwalo buntasokwombwela losa ngu lunengela bundu ; bwalo budilu ngulu ya Ncembi ku kupandixibwa kwa môyo kwa muntu mwoso a-etabusa ; kwa muna Yuda buxi, mo kwa muna Ngiliki kabidi.

2 TESALONIKA 2:10

yi lodimbu Iwoso lwa kwona, bwalo bwa bantu badi mu kuncimixibwa ; bwalo bwakadibo kabasoangata nyinga ya sôsôlwo, bixepandixibwabo.

2 KOLINTI 4:3

Mo ndo losangu lwecu lunengela lwamabukidibwa, lwamabukidibwa mu bantu bancimina ;

1 KOLINTI 1:21

Ku bwinu bwa Ncembi, (bwalo butalubukwa loboko Ncembi ku bwinu bwalu), ndo kwakamonebwa loko kudi Ncembi kupandisa bantu bamakwetabusa ku budibi bwa diembi dia nkulusu.

1 KOLINTI 3:19

Bwalo budi bwinu bwa loboko lolu budibi yi Ncembi. Bwalo bwakafundibwa ene, Yei ndo akwata bena bwinu mu bwanya bwabo.

1 TESALONIKA 1:5

Bwalo butaluli losangu lwecu lunengela kunudi mu diyi ditupu, kate yi ngulu kabidi, yi Mwoxixi a babala, yi kilubukilu kingi ; bwalo bunwalubukwa butonga butwakadi yinabu pakacikaci penu ku bwalo bwenu.

1 KOLINTI 2:2

Bwalo bunakakwenca ene, kilubukwi kintu kioso kwenu kitena Yisu Kalistu ; yi yei muxipa ku nkulusu.

MAKISA 13:41

ene, Numoni, bena ntamu, nukami, nuncimini ; bwalo bungwakisa mudimo ku matuku enu, mudimo unutasokwetabusa pô, isanga muntu unwambila.

EBELEO 4:12

Bwalo budi diyi dia Ncembi yi môyo yi kucwa, diamadika mwele mwoso ă mpala ibidi kucwa, diamatubula isanga kunamuna yi mucima yi kidimu bonamu, yi manyungu yi bwongo bwa mifwa ; dibili kukala mitôyelu ya munda yi nkanyi ya mucima.

2 KOLINTI 10:4

Bwalo butena bipiko bia mbita ecu bia munyu, kate bidi bia ngulu ku mpala a Ncembi ndo kuxinda bimana bia ngulu.

1 KOLINTI 15:2

lunwamapandixibwa yinalu kabidi ; ndo nwanamata ku diyi dedi dinakanwambila losangu yinadio, kutena nwamakwetabusa kanana.

MAKISA 17:32

Yi pakakwombwabo dia kubisa kwa bafu, banga bakakyeca ; kaninga banga ene, Tunakwombwa kabidi dia bwalo bobu.

MAKISA 17:18

Yi banga bena nkanyi kabidi ba bena i Epikulo yi baStoiki bakafwilañana yinanci. Yi banga bakatôya ene, You mutabakani akyeba kutoya kai ? Banga ene, Ulexi yi luna mwambidi a ngixi ya babene ; bwalo bwakakwambilayi dia Yisu yi dia kwombuludibwa kwa bafu.

MAKISA 2:47

badi mu kutumbisa Ncembi, yi bakadi yi makasa anengela ku mpala ya bungi bwa bantu ; yi Fumu akasangisa bantu ku dituku ku dituku badi mu kupandixibwa.

1 KOLINTI 4:10

Coco tudi badibi ku mucwe ă Kalistu, mo nonu nudi yi bwinu mu Kalistu ; coco tudi kulebela, mo nonu nudi yi ngulu ; nonu nwamanemekyebwa, mo coco twamakyesolebwa.

EBELEO 12:2

tudi mu kudingila Yisu sosonyi, mubangodi yi musudeyi a kwetabusa. Yei, ku bwalo bwa kiango kiakatekyebwa ku mpala anci, akatata nkulusu yi bwika, akatamuna bundu bobu, yi amaxikama ku kidyo kia lukwasa lwa Ncembi.