Yãkóꞌbõ 4:14 - Ị́jọ́ Úꞌdí rĩ

¹⁴ Ĩmi icó nị̃lé la drụ̃sị̃ ãꞌdu la mụ ru idélé ídri ĩmidrị̂ gá nĩ yã rĩ gá ku. Ídri ĩmi agá ꞌdĩ ãꞌdi ãni yã? Ĩmi cécé ũfú ꞌdelépi iꞌdalépi sáwã wereŋá sĩ ãzíla ãvĩlépi rá rĩ áni.

Yãkóꞌbõ 4:14 Referans Kwoze

1 Pétẽrõ 1:24

Ị́jọ́ mgbã Ãdróŋá drị̂ ꞌbã jọlé rĩ áni, “ꞌBá pírí ꞌbá ru ꞌdĩ kí ꞌbãngá cécé ásé áni, ũnĩ ĩꞌdidrị̂ pírí cécé ásé fũ áni, ásê la nụ rá, ãzíla fũ la la zõ rá,

1 Yõhánã 2:17

Ụ̃nọ́kụ́ la alị-alị ãko pírí ala gá ꞌbá ꞌbã kí lẽlé rĩ kí abe, wó ꞌbá ị́jọ́ Ãdróŋá ꞌbã lẽlé rĩ kí idélépi rĩ la uꞌá jã ꞌdâ.

Yãkóꞌbõ 1:10

Ãzíla ꞌbá Yẹ́sụ̃ ãꞌị̃lépi rá, málĩ trũ rĩ ꞌbã uꞌá kí ãyĩkõ sĩ Ãdróŋá drĩ kí iri vụ̃rụ́ rĩ gá. ꞌBá málĩ trũ rĩ kí drụ́zị́ zõ vũ gâlé cécé ife fũ ꞌbã zõjó rĩ áni.

1 Pétẽrõ 4:7

Ị́jọ́ ụ́ꞌdụ́ ãko pírí ꞌbã kí ãsị̃jó rĩ acá ãni rú ꞌbo. Ị́jọ́ ꞌdĩ sĩ, ĩmba ĩmi tã, ĩmi adru mịfị́ trũ sĩ Ãdróŋá zịjó.

Ị́jọ́ Uꞌbéŋá 27:1

Mí ịpị́ mi ụ́ꞌdụ́ drụ̃sị̃ rĩ sĩ ku, ãꞌdusĩku míní nị̃jọ́ la ãꞌdu la mụ ru idélé ụ́ꞌdụ́ drụ̃sị̃ rĩ gá nĩ yã ku rĩ sĩ.