Mãtáyõ 12:48 - Ị́jọ́ Úꞌdí rĩ

⁴⁸ Yẹ́sụ̃ umvi, “ꞌBá mâ ãndrẽ rú rĩ ãꞌdi ꞌi? Ãzíla ꞌbá mâ ádrị́pịka rú rĩ kí ãꞌdi kî?”

Mãtáyõ 12:48 Referans Kwoze

Mãtáyõ 10:37

“ꞌBá átẹ́pị̃ kí lẽlépi ãndrẽ be ãndânĩ ndẽ ma rá rĩ ĩꞌdi ꞌbã ụ̃rọ̃drị́ mání ꞌdáyụ, ꞌbá vâ ị̃zẹ́pị̃ kí lẽlépi ngọ́pị̃ be ndẽ ma rá rĩ ꞌbã ụ̃rọ̃drị́ mání ꞌdáyụ,

Lụ́kã 2:52

Yẹ́sụ̃ zo úmgbó trũ, ãzíla ũndũwã trũ Ãdróŋá lẽ ĩꞌdi, ꞌbá ĩꞌdi nị̃lépi rá rĩ lẽ kí vâ ĩꞌdi ĩndĩ.

Ãzị́táŋá Amviŋá 33:9

ꞌBá Lẹ́vị̃ drị̂ ãꞌị̃ kí ándrá ị́jọ́ mídrị̂ rá ãzíla mba kí ándrá tị icíma mídrị́ ĩꞌba abe rĩ tã rá. Kí ándrá ãrútáŋá ru ími ụrụꞌbá gá ndẽ ĩꞌbaní iꞌdalé ĩꞌbã átẹ́pịka ꞌbaní ádrị́pịka abe, jõku anzịŋá ĩꞌbadrị̂ ꞌbaní rĩ rá. Ũbĩ kí ãzị́táŋá mídrị̂ kí vú ãꞌị̃táŋá sĩ.

2 Kọ̃rị̃nị́tọ̃ 5:16

Ị́jọ́ ꞌdĩ sĩ, úꞌdîꞌda ãlị dó ꞌbá ãzí ꞌbã ị́jọ́ ũrãtáŋá ꞌbádrị̂ sĩ ku. Ãdrĩ ándrá táni Kúrísĩtõ ndre agá ũrãtáŋá ꞌbádrị́ ãlu ꞌdĩ sĩ rá tí, ãma icó dó ꞌdĩ idélé ꞌdĩ ꞌbã áni ị̃dị́ ku.

Lụ́kã 2:49

Umvi ĩꞌbaní, “Ĩmi tí ĩmi ngá áma ndrụ̃ agá ãꞌdu sĩ? Ĩnị̃ ma uꞌá agá mâ átẹ́pị drị́ jó agá rĩ gá ku yã?”

Mãtáyõ 12:47

ꞌBá ãzí jọ ĩꞌdiní, “Índre, mî ãndrẽ kí mí ádrị́pịka abe utu kí pá ãmvé ꞌdã, ãzíla lẽ kí ị́jọ́ jọlé mí be.”

Mãtáyõ 12:49

Lũ dó ãngũ ꞌbá ĩꞌdi ꞌbã imbálé rĩ ꞌba rụ̂lé ãzíla jọ, “Ĩndre, mâ andreka ãzíla mâ ádrị́pịka kí gápi ꞌdĩ.