Ị́jọ́ Uꞌbéŋá 6:17 - Ị́jọ́ Úꞌdí rĩ

¹⁷ ꞌbá ãfó ru rĩ kí, ꞌbá ĩnzõ jọlépi rĩ kí, ꞌbá ꞌbá ị́jọ́ kóru rĩ kí ụꞌdị́lépi rĩ kí,

Aringa

¹⁷ ꞌbá ãfó ru rĩ kí, ꞌbá ĩnzõ jọlépi rĩ kí, ꞌbá ꞌbá ị́jọ́ kóru rĩ kí ụꞌdị́lépi rĩ kí,

Ị́jọ́ Uꞌbéŋá 6:17 Referans Kwoze

Ị́jọ́ Uꞌbéŋá 12:22

Úpí ngụ̃ ꞌbá ĩnzõ jọlépi rĩ ũnzí, wó ĩꞌdi uꞌá ãyĩkõ sĩ la ꞌbá ị́jọ́ mgbã jọlépi rĩ sĩ.

Ị́jọ́ Uꞌbéŋá 21:4

Ãfó kí ị́pị́pị́ŋá be kí ꞌbá ũnzí rĩ drị̃ ují nĩ, wó ꞌdĩ ị́jọ́ ũnzí la.

Ãzị́táŋá Amviŋá 27:25

‘ꞌBá séndẽ sĩ ꞌbá mịfị́ sajó rĩ ꞌdụlépi sĩ ꞌbá ị́jọ́ kóru rĩ ꞌdịjó rá rĩ Ãdróŋá la ĩꞌdi wã rá.’ ꞌBá pírí ꞌbã jọ kí ‘Ámĩnã!’

Yõhánã 8:44

Ĩmi ũri ĩmĩ átẹ́pị Sĩtánĩ ãni la kí, ãzíla ĩmi ị́jọ́ ĩꞌdi ꞌbã idélé rĩ kí vúŋá idé. Ándrá iꞌdójó ꞌdã, ĩꞌdi ꞌbãngá ꞌbá ꞌbá ụꞌdị́lépi la, ãzíla ĩꞌdi ĩnzóꞌbá, ãꞌdusĩku ị́jọ́ mgbã ꞌbã adrujó ĩꞌdi agá yụ rĩ sĩ. Drĩ lẽ ĩnzõ alị́lé, ĩꞌdi jọ la tị ĩꞌdidrị́ gá ị́jọ́ ꞌdĩ ꞌbã kí ĩꞌdi sịjó rá rĩ sĩ, ãꞌdusĩku ĩꞌdi ĩnzóꞌbá, átẹ́pị ĩnzõ drị́ rĩ.

Ị́jọ́ Uꞌbéŋá 26:28

Ĩdra ĩnzõ alị́lépi rĩ ngụ̃ ꞌbá ĩꞌdi ꞌbã sĩ ãzá fẽjó ĩꞌbaní rĩ kí ũnzí, ãzíla tị ꞌbá ịpị́lépi ĩnzõ rú rĩ la ꞌbá ị̃lị̃kị̃ rá.

Ãzị́táŋá Amviŋá 19:10

Gẹ̃rị̃ ꞌdĩ sĩ mi dó sĩ ꞌbá ꞌdịŋá ị́jọ́ kóru rĩ atrị ãngũ Úpí Ãdróŋá mídrị̂ ꞌbã mụlé fẽlé míní ãwítã rú rĩ gá. Ị́jọ́ ꞌdĩ sĩ ị́jọ́ ꞌbá ꞌdịjó ị́jọ́ kóru rĩ rụ dó sĩ mi ku.

Ị́jọ́ Uꞌbéŋá 30:13

ꞌBá ãzí ri kí ũrã la kí ꞌbá múké la, ãzíla kí ꞌbá ãzí rĩ kí ndre ãzị́ kóru;

Ị́jọ́ Uꞌbéŋá 14:5

Sãdínĩ pịrị rĩ álị́ ĩnzõ ku, wó sãdínĩ ĩnzóꞌbá rĩ la ĩnzõ jọ kpẽté kpẽté.

Ícétáŋá 22:15

Wó táwụ̃nị̃ agá ãmvélé ru ꞌbá cécé ũcogo áni la kí, ꞌbá úlé ꞌdĩ kí, ꞌbá ãwụ́ꞌbá ru ꞌdĩ kí, ꞌbá ꞌbá ụꞌdị́lépi ꞌdĩ kí, ꞌbá ĩnzõ lẽlépi alị́lépi ꞌdĩ kí, ꞌbá ãdroŋa ĩnzõ rú rĩ kí ị̃nzị̃lépi rĩ kí abe.

1 Pétẽrõ 5:5

Ĩmi kãrị́lẹ̃ rú ꞌdĩ, ĩmi are ꞌbá ĩyõ ãmbogo rú ĩmi drị̃lẹ́ gá rĩ kí tị. Ĩmi pírí ꞌbã nị̃ kí uꞌá sĩ ásị́ ị̃gbẹ̃ sĩ ĩmi drĩdríŋĩ gá ãꞌdusĩku, “Ãdróŋá la ꞌbá ãfó ru rĩ ịsị́ vụ̃rụ́, wó ĩꞌdi ásị́ ị̃gbẹ̃ fẽ ꞌbá ru irilépi vụ̃rụ́ rĩ nî.”

Ị́jọ́ Uꞌbéŋá 17:7

ꞌBá azalépi aza-azâ rĩ tị gá ị́jọ́ ãlá rĩ ãfũ ku, ãzíla ĩnzõ jọjó rĩ sị úpí ngọ́pị ꞌi ku.

Ị́jọ́ Uꞌbéŋá 1:11

Drĩ kí jọ la míní, “Mí amụ́ ãma abe; ãmụ kí ãma zị̃lé gẹ̃rị̃ gá sĩ ꞌbá ãzí ꞌbã ãrí asujó, lẽ ãmụ kí ꞌbá ị́jọ́ kóru rĩ kí drị̃ tẽlé gẹ̃rị̃ gá sĩ kí ụꞌdị́jó!

Ị́jọ́ Uꞌbéŋá 1:16

ãꞌdusĩku kí cẹ̃ ị́jọ́ ũnzí gâlé ụ́ngụ́lẹ́ sĩ, kí bábá sĩ ꞌbá ãrí asujó.

Ị́jọ́ Uꞌbéŋá 6:16

Ãko ãzị́ kí ázíyá mgbã rĩ gá ázị̂rị̃ Úpí ꞌbã ngụ̃lé ũnzí rĩ kí:

Ị́jọ́ Uꞌbéŋá 28:17

ꞌBá ꞌbá ꞌdịlépi rĩ ꞌdị ꞌbụ́ sĩ ru ị̃sị̃jó cé nĩ, ꞌbá ãzí ꞌbã ãtị̃ jõ ũngúkú la ku.

Ị́jọ́ Uꞌbéŋá 16:5

Úpí ngụ̃ ꞌbá pírí ãfó ru ásị́ gá rĩ kí ũnzí, icó kí aꞌbelé drị̃rịma kóru ku.