Ị́jọ́ Uꞌbéŋá 5:23 - Ị́jọ́ Úꞌdí rĩ

²³ Ĩꞌdi mụ drãlé ĩꞌdi ꞌbã ru tã mbajó ku rĩ sĩ, Ĩꞌdi ãvĩ rá, ãꞌdusĩku aza ĩꞌdidrị̂ trẹ̃yị́.

Aringa

²³ Ĩꞌdi mụ drãlé ĩꞌdi ꞌbã ru tã mbajó ku rĩ sĩ, Ĩꞌdi ãvĩ rá, ãꞌdusĩku aza ĩꞌdidrị̂ trẹ̃yị́.

Ị́jọ́ Uꞌbéŋá 5:23 Referans Kwoze

Ị́jọ́ Uꞌbéŋá 14:32

Lị́kị̃ drĩ aꞌdé nĩ, ĩꞌdi ꞌbá ũnzí rĩ kí ịsị́ vụ̃rụ́, wó ꞌbá ãlá rĩ drĩ táni drã rá tí ĩꞌdi ꞌbã ãngũ sĩ ru zị̃jó la cí.

Ị́jọ́ Uꞌbéŋá 10:21

ꞌBá ãlá rĩ ꞌbã ị́jọ́ la ꞌbá ũꞌbí kí ásị́ imbá, wó ꞌbá azalépi aza-azâ rĩ la ru ꞌdị ĩꞌdi ꞌbã ãnị́ ãkõ sĩ.

Ị́jọ́ Uꞌbéŋá 14:14

Ála ꞌbá ãꞌị̃táŋá kóru rĩ kí ũfẽ ị́jọ́ ũnzí ĩꞌbadrị̂ kî sĩ, ãzíla ála ꞌbá ãlá rĩ kí ũfẽ ị́jọ́ múké ĩꞌbã kí ngalé rĩ kî sĩ.

Ị́jọ́ Uꞌbéŋá 1:31

ĩmi dó mụ gẹ̃rị̃ ĩminí acị́jó ị́jọ́ ũnzĩ agá rĩ ꞌbã sị́mvụ́ ꞌbị̃lé rá ãzíla ị́jọ́ ũnzí ĩminí ngalé rĩ kí fi ĩmi mịfị́ gá trotro.

Ị́jọ́ Uꞌbéŋá 12:8

Ála ꞌbá ịcụ́ ũndũwã ĩꞌdidrị̂ sĩ, wó ꞌbá azalépi aza-azâ rĩ ála ĩꞌdi ide ĩdẽ.

Ị́jọ́ Uꞌbéŋá 21:16

ꞌBá fũlépi ãmvé vãtáŋá agá ꞌdâ rá rĩ la fũ mụlé uꞌálé ꞌbá drãlépi rá rĩ kí abe.