Ị́jọ́ Uꞌbéŋá 5:22 - Ị́jọ́ Úꞌdí rĩ

²² Ị́jọ́ ũnzí ꞌbá ũnzí rĩ ꞌbã idélé rĩ la adru ĩꞌdiní ímbá ru; ĩbáká ị́jọ́ ũnzí ĩꞌdidrị̂ drị̂ la ĩꞌdi vúŋá rụ.

Aringa

²² Ị́jọ́ ũnzí ꞌbá ũnzí rĩ ꞌbã idélé rĩ la adru ĩꞌdiní ímbá ru; ĩbáká ị́jọ́ ũnzí ĩꞌdidrị̂ drị̂ la ĩꞌdi vúŋá rụ.

Ị́jọ́ Uꞌbéŋá 5:22 Referans Kwoze

Ị́jọ́ Uꞌbéŋá 11:5

Ị́jọ́ mgbã rĩ la ꞌbá ãlá rĩ kí drị̃ ꞌde pịrị nĩ, wó ꞌbá ũnzí rĩ kí, ị́jọ́ ũnzí ĩꞌbadrị̂ la kí ịsị́ vụ̃rụ́.

Ị́jọ́ Uꞌbéŋá 1:18

Wó ꞌbá ꞌdĩ áni rĩ kí ímbá ꞌbe ĩꞌbã vúŋá nî, kí vúŋá la drã ímbá ĩꞌbã kí ꞌbelé rĩ sĩ nĩ!

Ẽbũrãníyã 13:4

Ị́jọ́ ũkú ĩgbãjó rĩ ꞌbã adru ãrútáŋá ru ꞌbá pírí ꞌbanî, ãzíla ãgọbị kí ũkú kí abe ꞌbã ãꞌị̃ kí ꞌbã uꞌá kí ãꞌị̃táŋá sĩ kí drĩdríŋĩ gá, ãꞌdusĩku Ãdróŋá la ị́jọ́ lị ãwụ́ꞌbá kí drị̃ gá ꞌbá mi ãcí idélépi rĩ abe rá.

Ị́jọ́ Uꞌbéŋá 11:3

Ị́jọ́ pịrị rĩ la ꞌbá múké rĩ tã mba rá, wó ꞌbá ũnzí rĩ kí ị̃lị̃kị̃ ị́jọ́ ũnzí ĩꞌbã kí ngalé rĩ kí sĩ rá.

Ị́jọ́ Uꞌbéŋá 11:6

Ị́jọ́ mgbã rĩ la ꞌbá ãlá rĩ kí pa nĩ, wó ị́jọ́ ũnzí ꞌbá ũnzí rĩ ꞌbã kí lẽlé rĩ la kí rụ nĩ.

Ị́jọ́ Uꞌbéŋá 12:14

Ị́jọ́ ãfũlépi ími tị gá múké rĩ la míní ụ̃rọ̃drị́ ají, ãzíla ãzị́ ngalé ũkpó sĩ rĩ la ụ̃rọ̃drị́ ají rá.

Ị́jọ́ Uꞌbéŋá 14:32

Lị́kị̃ drĩ aꞌdé nĩ, ĩꞌdi ꞌbá ũnzí rĩ kí ịsị́ vụ̃rụ́, wó ꞌbá ãlá rĩ drĩ táni drã rá tí ĩꞌdi ꞌbã ãngũ sĩ ru zị̃jó la cí.

Ị́jọ́ Uꞌbéŋá 18:7

Ị́jọ́ ꞌbá azalépi aza-azâ rĩ ꞌbã jọlé rĩ la ĩꞌdiní lị́kị̃ ají; ãzíla ị́jọ́ ãfũlépi ĩꞌdi tị gá rĩ ímbá ĩꞌdidrị̂ ꞌi.

Ị́jọ́ Uꞌbéŋá 24:12

Ídrĩ jọ la, “Wó ãnị̃ ị́jọ́ ꞌdĩ kí drị̃ gá ị́jọ́ ãzí ku.” Ãdróŋá ị́jọ́ ꞌbá ásị́ gá rĩ ndrelépi cé, ãzíla ími ídri tãmbalépi nĩ rĩ nị̃ ị́jọ́ drị̃ la gá ku yã? Icó ꞌbá ãlu-ãlu ũfẽlé ị́jọ́ ĩꞌdi ꞌbã ngalé rĩ kí sĩ ku yã?

Ị́jọ́ Uꞌbéŋá 26:27

ꞌBá ꞌbụ́ ꞌdịlépi sĩ ꞌbá ãzí isíjó rĩ ꞌbã vúŋá la uja aꞌdélé ala gá nĩ; ꞌbá írã lịlẹ́pi rĩ írã ĩꞌdi ꞌbã lĩlé rĩ la ãgõ ĩꞌdi vúŋá iꞌbélé.