Ị́jọ́ Uꞌbéŋá 29:15 - Ị́jọ́ Úꞌdí rĩ

¹⁵ Ídrĩ anzị mídrị̂ kí ị̃ndụ́ co sĩ kí itújó rá, kí adru ũndũwã rú, wó ngọ́tị́ŋá aꞌbelé ị̃ndụ́ colé ku rĩ la drị̃nzá ají ãndrẽ nî.

Aringa

¹⁵ Ídrĩ anzị mídrị̂ kí ị̃ndụ́ co sĩ kí itújó rá, kí adru ũndũwã rú, wó ngọ́tị́ŋá aꞌbelé ị̃ndụ́ colé ku rĩ la drị̃nzá ají ãndrẽ nî.

Ị́jọ́ Uꞌbéŋá 29:15 Referans Kwoze

Ị́jọ́ Uꞌbéŋá 17:25

Ngọ́tị́ŋá azalépi aza-azâ rĩ la ũcõgõ fẽ átẹ́pị̃ ní nĩ; ãzíla ĩꞌdi ãndrẽ ĩꞌdi tịlépi rĩ ní ásị́ ãzá fẽ.

Ị́jọ́ Uꞌbéŋá 29:17

Ídrĩ ngọ́tị́ŋá mídrị̂ ị̃ndụ́ co ímbátáŋá ru rá, ĩꞌdi míní ásị́ ị̃gbẹ̃ fẽ rá, ĩꞌdi ãyĩkõ fẽ ími ásị́ ní rá.

Ị́jọ́ Uꞌbéŋá 13:24

ꞌBá ngọ́tị́ŋá ĩꞌdidrị̂ ị̃ndụ́ colépi kẹ̃lị́ká sĩ ku rĩ lẽ ĩꞌdi ku, wó ꞌbá ngọ́tị́ŋá ĩꞌdidrị̂ lẽlépi rá rĩ la ĩꞌdi co ímbátáŋá ru rá.

Ị́jọ́ Uꞌbéŋá 10:1

ꞌDĩ kí ị́jọ́ Sũlũmánĩ ꞌbã uꞌbélé rĩ kî: Ngọ́tị́ŋá ũndũwã rú rĩ la átẹ́pị̃ ní ãyĩkõ fẽ, wó ngọ́tị́ŋá azalépi aza-azâ rĩ la ãndrẽ ní ũcõgõ fẽ.

Ị́jọ́ Uꞌbéŋá 22:6

Mí imbá anzị mídrị̂ kí gẹ̃rị̃ múké rĩ sĩ, drĩ kí dó sĩ mba ꞌbo icó kí gẹ̃rị̃ múké rĩ aꞌbelé ku.

Ị́jọ́ Uꞌbéŋá 22:15

Aza la ru tõ ngọ́tị́ŋá were rĩ ásị́ gá nĩ, wó ị̃ndụ́ la cojó kẹ̃lị́ká sĩ ímbátáŋá ru rĩ la aza ĩꞌdi agá rĩ dro álị́.

Ị́jọ́ Uꞌbéŋá 17:21

Ngọ́tị́ŋá ũndũwá kóru rĩ la átẹ́pị̃ ní ũcõgõ ají; átẹ́pị ngọ́tị́ŋá azalépi aza-azâ rĩ drị̂ ịsụ́ ãyĩkõ ku.

Ị́jọ́ Uꞌbéŋá 10:5

Ngọ́tị́ŋá ũndũwã rú rĩ la ãkónã ũkũnã ílí sĩ, wó ngọ́tị́ŋá ụ́ꞌdụ́ kolépi sáwã ãkónã ũkũnãjó rĩ sĩ rĩ ĩꞌdi ngọ́tị́ŋá drị̃nzá ajílépi rĩ.

Ị́jọ́ Uꞌbéŋá 29:21

Ídrĩ ãtíꞌbó mídrị̂ iwí sĩ ãko pírí kí fẽjó ĩꞌdiní vụ̃rụ́-vụ̃rụ́ ru, ĩꞌdi drụ́zị́ amụ́ ãko mídrị̂ kí palé nĩ.

Ị́jọ́ Uꞌbéŋá 19:18

Íco mî ngọ́tị́ŋá ị̃ndụ́ ímbátáŋá ru ꞌdĩ sĩ iza drĩ ru ku rú; ídrĩ ĩꞌdi ị̃ndụ́ co ku, ĩꞌdi mụ drãlé rá.