Ị́jọ́ Uꞌbéŋá 29:14 - Ị́jọ́ Úꞌdí rĩ

¹⁴ Úpí drĩ ꞌbá lẽmẽrí rĩ kí drị̃ gá ị́jọ́ lị pịrị, ĩꞌdi ũpĩ na jã ꞌdâ.

Aringa

¹⁴ Úpí drĩ ꞌbá lẽmẽrí rĩ kí drị̃ gá ị́jọ́ lị pịrị, ĩꞌdi ũpĩ na jã ꞌdâ.

Ị́jọ́ Uꞌbéŋá 29:14 Referans Kwoze

Ị́jọ́ Uꞌbéŋá 16:12

Ũpi ta kí ị́jọ́ ũnzí ku, ãꞌdusĩku ũpĩ ĩꞌbadrị̂ la acá ũkpó ru la ị́jọ́ pịrị rĩ sĩ.

Ị́jọ́ Uꞌbéŋá 29:4

Úpí ị́jọ́ lịlẹ́pi pịrị rĩ la fẽ sụ́rụ́ ĩꞌdidrị̂ la pá tu ũkpó ru, wó drĩ ru lẽ mịfị́ saŋá sĩ, sụ́rụ́ ĩꞌdidrị̂ la andi rá.

Ị́jọ́ Uꞌbéŋá 20:28

Lẽtáŋá kí ãꞌị̃táŋá be úpî tã mba nĩ; lẽtáŋá sĩ ũpĩ ĩꞌdidrị̂ la pá tu rá.

Ị́jọ́ Uꞌbéŋá 28:16

Drị̃lẹ́ ị́jọ́ vãlépi ku rĩ ĩꞌdi ꞌbá kí ĩkpã-ĩkpã, wó ꞌbá ãko ịsụ́lé gẹ̃rị̃ pịrị rĩ sĩ ku rĩ ngụ̃lépi ũnzí rĩ la uꞌá ídri rú ụ́ꞌdụ́ ãzo rú.

Ị́jọ́ Uꞌbéŋá 25:5

mí unze ꞌbá ũnzí rĩ kí úpî drị̃lẹ́ gá rĩ sĩ rá ká ãzíla ũpĩ ĩꞌdidrị̂ la dó sĩ pá tu ũkpó ru ị́jọ́ pịrị rĩ sĩ.