Ị́jọ́ Uꞌbéŋá 25:18 - Ị́jọ́ Úꞌdí rĩ

¹⁸ ꞌBá ị́jọ́ ị̃ndụ́ nzelépi ĩꞌdi ꞌbã jĩránĩ drị̃ gá ĩnzõ rú rĩ, ĩꞌdi ꞌbá adrá cécé túré jõku ménéŋá jõku ꞌé sị́ ãcí rĩ áni.

Aringa

¹⁸ ꞌBá ị́jọ́ ị̃ndụ́ nzelépi ĩꞌdi ꞌbã jĩránĩ drị̃ gá ĩnzõ rú rĩ, ĩꞌdi ꞌbá adrá cécé túré jõku ménéŋá jõku ꞌé sị́ ãcí rĩ áni.

Ị́jọ́ Uꞌbéŋá 25:18 Referans Kwoze

Ị́jọ́ Uꞌbéŋá 12:18

Ị́jọ́ ꞌa ũrãlé ku rĩ la ꞌbá sõ kãrụ̃ cécé ménéŋá áni, wó ị́jọ́ ꞌbá ũndũwã rú rĩ ꞌbã jọlé rĩ la ꞌbá adrí rá.

Yãkóꞌbõ 3:6

Ĩdra ĩꞌdi cécé ãcí áni, ĩꞌdi ụrụꞌbá ꞌbã wókõ galépi ị́jọ́ ũnzí sĩ tré rĩ ꞌi, ĩꞌdi ꞌbá ꞌbã mgbã rĩ iza pírí. Ĩꞌdi ꞌbá ꞌbã ídri ãcí su ãcí ukólépi ku rĩ sĩ rá.

Ị́jọ́ Uꞌbéŋá 24:28

Ínze ị́jọ́ ị̃ndụ́ mî jĩránĩ ụrụꞌbá gá ị́jọ́ ãzí kóru ku, jõku mí ayú ími tị sĩ ĩꞌdi uléjó ku.

Ãfũŋá 20:16

“Lẽ mí alị́ ĩnzõ mî jĩránĩ rụ́ ku.

Ị́jọ́ Uꞌbéŋá 25:17

Mí acị́ jĩránĩ mídrị̂ drị́ko gâlé ụ́ꞌdụ́ pírí sĩ ku, jõku ĩꞌdi ími ãjị́ ngụ̃ ũnzí.