Biblia Todo Logo
Bib sou entènèt

- Piblisite -




Ị́jọ́ Uꞌbéŋá 24:9 - Ị́jọ́ Úꞌdí rĩ

9 ꞌBá azalépi aza-azâ rĩ la ị́jọ́ ũnzí ũrã idélé áyụ, ꞌbá ngụ̃ kí ꞌbá idemará ru rĩ ꞌbã ãjị́ ũnzí.

Gade chapit la Kopi

Aringa

9 ꞌBá azalépi aza-azâ rĩ la ị́jọ́ ũnzí ũrã idélé áyụ, ꞌbá ngụ̃ kí ꞌbá idemará ru rĩ ꞌbã ãjị́ ũnzí.

Gade chapit la Kopi




Ị́jọ́ Uꞌbéŋá 24:9
16 Referans Kwoze  

Ãꞌdusĩku ꞌbá ásị́ agâlé ũrãtáŋá ũnzí ꞌdĩ kí ãfũ nĩ, ꞌbá ꞌdịŋá, ãwụ̃, ũlẽ ũkú sĩ ri, ụ̃gụ̃, ĩnzõ jọjó, ãzíla ꞌbá rụ́ ị́jọ́ ũnzí jọjó rĩ abe.


Ãma ãgátã galé ũkpó sĩ ꞌdĩ kí anu, ãzíla ãma ãko pírí ru ꞌbãlépi ụrụgá ĩnzõ sĩ ị́jọ́ Ãdróŋá nị̃jó cé rĩ ụrụꞌbá gá ꞌdĩ kí anu, ãzíla ãma ũrãtáŋá ꞌbá ꞌbã kí ũrãlé kí ásị́ gá ꞌdĩ kí umbé cí sĩ Kúrísĩtõ tị arejó.


Mí uja ásị́, ízị Úpí ꞌi ími trũjó ị́jọ́ ũnzí míní ũrãlé ꞌdĩ kí agá rá.


Yẹ́sụ̃ nị̃ ị́jọ́ ĩꞌbã kí ũrãlé kí agâlé rĩ kí rá, ị́jọ́ ꞌdĩ sĩ, jọ ĩꞌbaní, “Ĩmi ị́jọ́ ũnzí ꞌdĩ kí ũrã ĩmi ásị́ gâlé ãꞌdu sĩ yã?


ꞌBá idemará ru rĩ kí táwụ̃nị̃ ꞌa usa ũmbã sĩ, wó ꞌbá ũndũwã rú ri kí ũmbã ịgbẹ rá.


ꞌBá ị́jọ́ ũnzí itúlépi rĩ ála ĩꞌdi umve ꞌbá ꞌbá ꞌa usalépi rĩ ꞌi.


Wó ájọ ĩminí, ꞌbá ãzí drĩ ũkú ndre ũlẽ drĩ angá ásị́ la gâlé rá, nga ãwụ̃ ꞌbo.


Úpí ndre ꞌbá acá kí dó ụ̃nọ́kụ́ drị̃ gá ꞌdâ ꞌbá ũnzí la rú ãzíla ũrãtáŋá ĩꞌbadrị́ kí ásị́ gá rĩ kí vâ sáwã pírí sĩ ũnzí-ũnzí.


ãꞌdusĩku ĩꞌdi ị́jọ́ ũrã ínâ ꞌbã ãjẹ̃ sị́ yã rĩ drị̃ gá. Tị gá ꞌdâ ĩꞌdi jọ la míní, “Ína, íná ãzíla ímvụ ãko mvụlé mvụ-mvụ̃ rĩ kî,” wó ásị́ agâlé ị́jọ́ ĩꞌdi ꞌbã jọlé rĩ adru ãfũlépi ĩꞌdi tị gâlé rĩ áni ku.


Ídrĩ ꞌbá idemará ru rĩ dro ãmvé, ãgátã gaŋá la fũ rá, ãwãŋá ãzíla úꞌdáŋá la ukó rá.


Úpí uꞌá dó ãyĩkõ sĩ ídétáŋá idélé ꞌdã sĩ ãzíla ũrã dó ĩꞌdi ásị́ gâlé cénĩ-cénĩ rú jọ, “Má icó dó ụ̃nọ́kụ̂ wãlé ꞌbá ꞌbá ru rĩ ꞌbã ị́jọ́ sĩ ị̃dị́ ku, ꞌbá ꞌbá ru ꞌdĩ ꞌbã ásị́ drĩ táni adru ũnzí iꞌdójó ãnzị̃rị̃ŋã sĩ má icó dó ãko ídri trũ ꞌdĩ kí ị̃lị̃kị̃lé cécé mání idélé ꞌdĩ áni ku.


ꞌBá ꞌbá idemará ru rĩ itúlépi rĩ la úꞌdáŋá umve ĩꞌdi ụrụꞌbá gá, ꞌBá uzálépi ꞌbá ũnzí rĩ drị̃ gá rĩ la adráŋá ndrụ̃.


ꞌBá ãfó trũ ru uꞌélépi ũnzí rĩ, “Rụ́ la idemará ꞌi,” ĩꞌdi ị́jọ́ kí idé ãfó ru ãzíla ãmbõgõ sĩ.


Swiv nou:

Piblisite


Piblisite