Ị́jọ́ Uꞌbéŋá 23:31 - Ị́jọ́ Úꞌdí rĩ

³¹ Ími ũlẽ ꞌbã ãngã jõ íwá ꞌbã mịfị́ kalépi ika rĩ sĩ ku, drĩ dị̃ kópõ agá ꞌdãá pãrã-pãrã, drĩ sị vũ gâlé ũré ru!

Aringa

³¹ Ími ũlẽ ꞌbã ãngã jõ íwá ꞌbã mịfị́ kalépi ika rĩ sĩ ku, drĩ dị̃ kópõ agá ꞌdãá pãrã-pãrã, drĩ sị vũ gâlé ũré ru!

Ị́jọ́ Uꞌbéŋá 23:31 Referans Kwoze

1 Yõhánã 2:16

Ị́jọ́ ꞌdĩ sĩ, ị́jọ́ pírí ụ̃nọ́kụ́ ꞌdĩ agá rĩ kí, ị́jọ́ ũnzíkãnã ꞌbá ꞌbã kí lẽlé ꞌdĩ kí, ĩlí ụrụꞌbá drị́ gá rĩ trũ, ãfó sĩ ru ịpị́jó ãko ụrụꞌbá ꞌdõ drị́ rĩ sĩ rĩ abe. Ãko ꞌdĩ angá kí Ãdróŋá ãmã Átẹ́pị rú rĩ drị̃lẹ́ ku, ꞌdĩ kí ãko ụ̃nọ́kụ́ ũnzí ꞌdõ ãni.

Mãrákõ 9:47

Ãzíla ími mịfị́ drĩ fẽ la míní ị́jọ́ izalé nĩ, mí ãpẽ ĩꞌdi rá, míní fijó ídri ukólépi ku rĩ agá mịfị́ ãlu sĩ ndẽ ími ꞌbejó ãcí ukólépi ku rĩ agá mịfị́ trũ ị̃rị̃ rĩ rá,

Ị́jọ́ Uꞌbéŋá 6:25

Ími ũlẽ ꞌbã ãngã ĩꞌdi ꞌbã ũnĩ sĩ ku jõku mẹ́lẹ́tị ĩꞌdidrị́ ꞌbá ịcụ́lépi ịcụ̂ rĩ sĩ ku,

Ẽfésõ 5:18

Lẽ ĩmi ĩmẽrã íwá sĩ ku, wó íwá la ꞌbá agụ ị́jọ́ ũnzí gá. Be la rá la ĩfẽ Úríndí ꞌbã ga ĩmi agá nĩ.