Ị́jọ́ Uꞌbéŋá 22:17 - Ị́jọ́ Úꞌdí rĩ

¹⁷ Ínzị̃ ími bị́lẹ́ mmgbọ rú ãzíla mí are ị́jọ́ ꞌbá ũndũwã rú rĩ ꞌbã jọlé rĩ kî; Íꞌbã ími ásị́ sĩ kí nị̃jó,

Aringa

¹⁷ Ínzị̃ ími bị́lẹ́ mmgbọ rú ãzíla mí are ị́jọ́ ꞌbá ũndũwã rú rĩ ꞌbã jọlé rĩ kî; Íꞌbã ími ásị́ sĩ kí nị̃jó,

Ị́jọ́ Uꞌbéŋá 22:17 Referans Kwoze

Ị́jọ́ Uꞌbéŋá 23:12

Íꞌbã ími ásị́ ímbátáŋá drị̃ gá; ãzíla ínzị̃ ími bị́lẹ́ mmgbọ rú sĩ ị́jọ́ ũndũwá ru rĩ kí arejó.

Ị́jọ́ Uꞌbéŋá 3:1

Mâ ngọ́pị, ími drị̃ ꞌbã ãvĩ jõ ímbátáŋá mádrị̂ kí sĩ ku, wó ímba ãzị́táŋá mádrị̂ kí tã ími ásị́ gá,

Ị́jọ́ Uꞌbéŋá 1:3

Kí ꞌbá imbá sĩ uꞌájó ũndũwá ru ãzíla adrujó ꞌbá ị́jọ́ mgbã, pịrị rĩ idélépi rĩ rú, ásị́ ãlá ãzíla ꞌbá múké la ru.

Mãtáyõ 17:5

Pétẽrõ ꞌbã drĩ ị́jọ́ jọ agá ꞌdĩ gá ꞌdâ, ụ̃rụ́ꞌbụ̃ imve dị̃lépi dị̃-dị̃ rĩ aku kí cí, ãzíla ụ́ꞌdụ́kọ́ ãfũ ala gâlé jọ, “ꞌDĩ mâ Ngọ́pị mání lẽlé ambamba rĩ, má uꞌá ãyĩkõ sĩ ĩꞌdi ị́jọ́ sĩ. Ĩmi are ĩꞌdi tị.”

Ị́jọ́ Uꞌbéŋá 24:23

ꞌDĩ kí vâ ị́jọ́ ꞌbá ũndũwã rú rĩ ꞌbã kí jọlé rĩ ꞌbã ãzí kî: Míní ị́jọ́ lịjó ꞌbá kí drị̃ gá mũlũmbẽ sĩ rĩ ũnzí.