Ị́jọ́ Uꞌbéŋá 21:5 - Ị́jọ́ Úꞌdí rĩ

⁵ Ụ̃tị̃táŋá múké rĩ ãzíla ãzị́ ngaŋá ũkpó sĩ rĩ la fẽ míní acálé kụ́rẹ́nị́; wó ꞌbá kápa ịsụ́lépi gẹ̃rị̃ ũnzí sĩ rĩ la acá lẽmẽrí.

Aringa

⁵ Ụ̃tị̃táŋá múké rĩ ãzíla ãzị́ ngaŋá ũkpó sĩ rĩ la fẽ míní acálé kụ́rẹ́nị́; wó ꞌbá kápa ịsụ́lépi gẹ̃rị̃ ũnzí sĩ rĩ la acá lẽmẽrí.

Ị́jọ́ Uꞌbéŋá 21:5 Referans Kwoze

Ị́jọ́ Uꞌbéŋá 10:4

ꞌBá drị́ alólépi ku rĩ la acá lẽmẽrí, wó ꞌbá ru drị́ alólépi aló-álõ rĩ la adru málĩ trũ.

Ị́jọ́ Uꞌbéŋá 13:4

Ũvúꞌbá drĩ táni ásị́ ꞌbã sĩ ãko ịsụ́jó íngõpí rá tí icó ku, wó ꞌbá ãzị́ ngalépi ũkpó sĩ rĩ la ãko pírí ĩꞌdi ꞌbã lẽlé rĩ kí ịsụ́ rá.

Ẽfésõ 4:28

ꞌBá ụ̃gụ́ rĩ lẽ ꞌbã ụ̃gụ̃ ãko ãzí ị̃dị́ ku, wó ꞌbã nga ãzị́ ũkpó sĩ ĩꞌdi ꞌbã drị́ sĩ, sĩ ru ãzã kojó, icó dó sĩ ãko ịsụ́lé fẽjó ꞌbá lẽmẽrí rĩ nî.

Ị́jọ́ Uꞌbéŋá 14:29

ꞌBá ũmbã rụlépi mbẽlẽ ku rĩ ĩꞌdi vãtáŋá trũ, wó ꞌbá ásị́ ãcí rĩ la ru aza iꞌda tọndọlọ.

Ị́jọ́ Uꞌbéŋá 28:22

ꞌBá ĩndrá rĩ la lẽ ásị́ pírí sĩ málĩ ịsụ́lé wó nị̃ lẽmẽrĩ la ĩꞌdi tẽ rĩ gá ku.

Ị́jọ́ Uꞌbéŋá 20:21

ꞌBá ãwítã ịsụ́lépi mbẽlẽ iꞌdóŋá gá rĩ, icó adrulé drị̃lẹ́ba rú ãsị̃ŋá gá ku.

Ị́jọ́ Uꞌbéŋá 19:2

Adrujó ãvá trũ ị́jọ́ nị̃jó ku rĩ adru múké ku; yãjó ị́jọ́ sĩ yã-yã rĩ la fẽ mi gẹ̃rị̃ pịrị rĩ aꞌbe rá.

Ị́jọ́ Uꞌbéŋá 29:20

Ásị́ tị̃jó ꞌbá azalépi aza-azâ rĩ drị̃ gá rĩ ĩꞌdi múké ãndânĩ ndẽ ásị́ tị̃jó ꞌbá ị́jọ́ jọlépi ũrã ꞌa la ku rú rĩ drị̃ gá rĩ rá.