Ị́jọ́ Uꞌbéŋá 21:20 - Ị́jọ́ Úꞌdí rĩ

²⁰ ꞌBá ũndũwã trũ rĩ drị́ jó gá málĩ ãzíla ãdu kí adru nĩ, wó ꞌbá azalépi aza-azâ rĩ la ãko ĩꞌdidrị̂ kí iza pírí.

Aringa

²⁰ ꞌBá ũndũwã trũ rĩ drị́ jó gá málĩ ãzíla ãdu kí adru nĩ, wó ꞌbá azalépi aza-azâ rĩ la ãko ĩꞌdidrị̂ kí iza pírí.

Ị́jọ́ Uꞌbéŋá 21:20 Referans Kwoze

Ị́jọ́ Uꞌbéŋá 15:6

Jó ꞌbá ãlá rĩ drị̂ agá málĩ la ga tré, wó ꞌbá ũnzí rĩ ꞌbã málĩ kí ĩꞌdi drị̃ gá ị́jọ́ asé.

Ị́jọ́ Uꞌbéŋá 10:22

Sụ̃sụ́ Úpí ꞌbã wilé rĩ la míní málĩ ají, ãzíla ũꞌbã cãndí drị̃ la gá ku.

Lụ́kã 16:1

Yẹ́sụ̃ jọ ꞌbá ĩꞌdi ꞌbã imbálé rĩ ꞌbaní, “Ágọ́bị́ ãzí ãlu kụ́rẹ́nị́ la ꞌbã ꞌbá ãko tãmbalépi rĩ, útõ ĩꞌdi kápa ꞌdị́pị tị gá ĩꞌdi ĩꞌdi ꞌbã kápa kí izajó izâ rĩ sĩ.

Lụ́kã 15:14

Iza ãko ĩꞌdidrị̂ kí pírí, gbõgbõ rílẽ aꞌdé ãngũ ꞌdã gá ika, ãbị́rị́ iꞌdó dó filé ụrụꞌbá la gá.

Lụ́kã 6:45

ꞌBá múké rĩ la ꞌbé ị́jọ́ múké rĩ ají angájó ásị́ ĩꞌdi ãni galépi tré ũnĩ sĩ rĩ agá; wó ꞌbá ũnzí rĩ la ị́jọ́ ũnzí rĩ ají angájó ásị́ ĩꞌdi ãni galépi tré ũnzĩkãnã sĩ rĩ agá. Tị la ị́jọ́ galépi ásị́ agâlé tré rĩ jọ áyụ.”

Mãtáyõ 25:8

Izonzi tá ũndũwã kóru tõwú ꞌdã jọ kí ũndũwã rú tõwú ꞌdã ꞌbaní, ‘Ĩko ãma ãzã tárã ãdu ĩmidrị̂ ꞌbã ãzí kí sĩ, ãꞌdusĩku tárã ãmadrị̂ kí dó anụ́-anụ̂.’

Ị́jọ́ Uꞌbéŋá 8:21

Ma málĩ fẽ ꞌbá áma lẽlépi rĩ ꞌbanî ãzíla jó ĩꞌbadrị́ málĩ tãmbajó rĩ kí ga tré.

Ị́jọ́ Uꞌbéŋá 14:24

ꞌBá ũndũwá ru rĩ la ụ̃rọ̃drị́ ru málĩ ịsụ́, wó ꞌbá azalépi aza-azâ rĩ ála ĩꞌdi nị̃ ĩꞌdi ꞌbã aza sĩ.

Ị́jọ́ Uꞌbéŋá 22:4

ꞌBá ru irilépi vụ̃rụ́lé ãzíla Úpí ụ̃rị̃lépi rĩ la málĩ, ãrútáŋá ãzíla ídri ịsụ́ rá.