Ị́jọ́ Uꞌbéŋá 21:15 - Ị́jọ́ Úꞌdí rĩ

¹⁵ Údrĩ ị́jọ́ lị pịrị ĩꞌdi ãyĩkõ fẽ ꞌbá múké rĩ nî; wó ĩꞌdi ũcõgõ ají ꞌbá ũnzí rĩ ásị́ gá.

Aringa

¹⁵ Údrĩ ị́jọ́ lị pịrị ĩꞌdi ãyĩkõ fẽ ꞌbá múké rĩ nî; wó ĩꞌdi ũcõgõ ají ꞌbá ũnzí rĩ ásị́ gá.

Ị́jọ́ Uꞌbéŋá 21:15 Referans Kwoze

Ị́jọ́ Uꞌbéŋá 10:29

Úpí la ꞌbá ãlá rĩ kí tã mba nĩ, wó ĩꞌdi ꞌbá ị́jọ́ ũnzí idelépi rĩ kí ị̃lị̃kị̃ rá.

Mãtáyõ 7:23

ꞌDã vúlé gá ma dó jọ la ĩꞌbaní tọndọlọ, ‘Ánị̃ ĩmi ku. Ĩmi ĩdã ĩmi áma aga gá ꞌdâ rá, ĩmi ꞌbá ị́jọ́ ũnzí idélépi ꞌdĩ.’

Ị́jọ́ Uꞌbéŋá 21:12

Ãdróŋá ĩꞌdi ãlá ru, nị̃ ị́jọ́ ru idélépi ꞌbá ũnzí rĩ ꞌbadrị́ jó agá rĩ kí cé, ãzíla ĩꞌdi ꞌbá ũnzí rĩ kí ị̃lị̃kị̃ rá.

Ị́jọ́ Uꞌbéŋá 5:20

Mâ ngọ́pị, ũkú ãwụ́ꞌbá ru mịfị́ ãcí rĩ la ími rụ ãꞌdu ị́jọ́ sĩ yã? Mi ími ĩbĩ ꞌbá ãzí ꞌbã ũkú rụ́ ãꞌdu ị́jọ́ sĩ yã?

Rụ́mị̃ 7:22

Má uꞌá ãyĩkõ sĩ áma ásị́ gá ãzị́táŋá Ãdróŋá drị̂ kí sĩ,

Yõhánã 4:34

Yẹ́sụ̃ jọ ĩꞌbaní, “Ãkónã mádrị́ gá rĩ ĩꞌdi ị́jọ́ ꞌBá áma tị ãpẽlépi rĩ ꞌbã lẽlé rĩ idéjó ãzíla dejó rĩ ꞌi.

Ị́jọ́ Uꞌbéŋá 21:16

ꞌBá fũlépi ãmvé vãtáŋá agá ꞌdâ rá rĩ la fũ mụlé uꞌálé ꞌbá drãlépi rá rĩ kí abe.